A cikhati hi lerako Bhibhiliya, hi nga tirisa tiferamenta to tala kasi ti dlunyatisa lezvi hi lerako. Kanilezvi a hi lavi ku gondza kasi hi engetela a wutivi hi nga nago ka Bhibhiliya basi. Hi lava ku kuma titshomba ta moya xungetano hi wumunhu ga Jehovha leti ti to engetela a lirandzo la hina hi yena. Kasi hi maha lezvo, hi nga ti wutisa lezvi: ‘A matimu lawa ya Bhibhiliya ma ndzi gondzisa yini xungetano hi Jehovha?’

Hi cikombiso, hi nga zama ku pola a ndlela leyi Jehovha a kombisileko hi yona a lirandzo, ni wutlhari, ni kululama ni ntamu. Hambulezvo, a wumunhu ga Jehovha a gi gumelwi ka matshamela lawa basi. Kanilezvi ka hi ni man’wani matshamela ya Jehovha yo hlamalisa u nga gondzako hi wona. U nga yi kuma kwihi a mitlhamuselo yo engeteleka xungetano hi matshamela yakwe?

Wona a xaxamelo wa 50 wa matshamela ya Jehovha ni ku hundza ma nga ka Índice das Publicações da Torre de Vigia hasi ka vito “Jehovha”, ka cihlokwana ca mhaka “Lista de qualidades”. Hlota matshamela lawa ma yelanako ni matimu u ma lerako ka cikhati leco. (Loku u kota ku nghena ntsena ka Bhuku go kambisisa hi gona ga Vakustumunyu va Jehovha, cuwuka hasi ka hloko ya mhaka “Jehovha Nungungulu” ka cihlokwana ca mhaka “Matshamela ya Jehovha”.)