U gondzile zvi buvha a marevhista A Murindzeli ma ha hi ku hundzako? Loku zvi hi tano, zama ku hlamula a zviwutiso lezvi zvi landzelako:

Hi fanele ku va khomisa kuyini a vamakabye va totilweko?

Lisine ku ha ku navela nguvhu a kukholwa kabye; kanilezvi a hi va nyiki lisima la kuza hi hundzeleta. Hi ti wonela ku “hlamala vanhu”. (Jud. 16, tlhamuselo wa lahasi.) A hi va wutiseli zvilo xungetano hi kutotiwa kabye. — w20.01, p. 29.

Cini ci faneleko ku ku tiyisekisa lezvaku Jehovha wa khatala hi wena?

A Bhibhiliya gi komba lezvaku Jehovha i ku wonile ne na u nga se pswaliwa. Wa ingisela a mikhongelo ya wena. Wa zvi tiva lezvi u zvi pimisako, lezvi zvi nga mbilwini ya wena; lezvi u mahako kambe zvi nga mu tsakisa kutani ku nga mu khunguvanyisa. (1 Kro. 28:9; Mav. 27:11) I ku kokile kambe u tshinela ka yena. — w20.02, p. 12.

Hi cihi cikhati ca ku wulawula ni ca ku miyela?

Hi xalala nguvhu hi ku wulawula hi Jehovha. Hi tiya hi wulawula loku hi wona wokari na a famba hi ndlela yo biha. A madhota ma wulawula ma nyika wusungukati loku zvi laveka. A hi wulawuli kasi ku zama ku tiva (kutani ku tlhamusela) lezvi a vamakabye va tirisako zvona lomu a ntiro wa hina wu betelwako. A hi wulawuli kasi ku bhoxa zvihundla. — w20.03, p. 20-21.

Hi kwihi kuhambana ka humbi ya Joeli cipimo 2 ni leyi ya Kuvhululelwa cipimo 9?

Joeli 2:20-29 i wula lezvaku Nungungulu i hlongola humbi a tlhela a tlhelisela kutani ku hakhela lezvi yi nga wonha. Andzhako ka lezvo, a chulula moya wakwe. Lezvo zvi tatisekile kusukela a cikhati leci Bhabhuloni a nga dhumela Jerusalema zviya mahlweni. Kuvhululelwa 9:1-11 i wulawula hi vatotilweko masikwini ya hina va nge khwatsi i humbi laha va huwelelako a kulamulwa ka tiko legi go biha, lezvi zvi mahako ku lava va gi seketelako zvi nga va khomi khwatsi. — w20.04, p. 3-6.

Hi mani a hosi ya le n’walungu nyamutlha?

I Rússia ni matiko lawa ma mu seketelako. Va xanisa vanhu va Nungungulu hi ku kongoma, va betela ntiro wa kuchumayela va tlhela va va nyenya ni nkondzo a Vakustumunyu. A hosi ya le n’walungu yi kari yi lwisana ni hosi ya le dzongeni. — w20.05, p. 13.

A matshamela lawa ya 9 ma nga ka Va Le Galatiya 5:22, 23 hi wona woce ma nga “mihandzu ya moya” ke?

Ahihi. A moya wa ku basa wa hi vhuna ku kombisa matshamela man’wani ya ma nene, yo kota kululama. (Efe. 5:8, 9) — w20.06, p. 17.

Hi gihi gin’we ga makhombo ya ku chela mahungu ka internet xungetano hi wena?

Lezvi u chelako zvi nga ku khwatsi wo ti tlakusa, na ku nga hi kuva wo ti koramisa. — w20.07, p. 6-7.

Ntirweni wa kuchumayela, a maKristu ma nga gondza yini ka vakukuti va wutlhari?

A vakukuti va wutlhari va tira hi cikhati ni ka wutshamu legi va wonako ku va ta kuma tinjhanjhi. Va gondza ku tirisa feramenta leyi yi lavekako. Va tlhela va tiya hlanha va tira ka zviyimo zvo nonoha. Hinawu hi nga maha lezvo ntirweni wa hina wa kuchumayela. — w20.09, p. 5.

Hi tihi tindlela to kari ta ku vhuna zvigondzani lezvaku zvi mu randza nguvhu Jehovha?

Hi nga va kuca ku va lera Bhibhiliya siku ni siku va tlhela va ehleketa hi lezvi va lerako. Ni ku va gondzisa ku khongela. — w20.11, p. 4.

Ka lava Pawule a ngaku “vontlhe va ta hanyisiwa” ku patsiwa va mani? — 1 Kor. 15:22.

Mupostoli Pawule i wa nga wuli lezvaku a vanhu vontlhe va ta vhuxiwa. Laha i wa wula maKristu ma totilweko, ma “basisilweko ka Kristu Jesu”. (1 Kor. 1:2; 15:18) — w20.12, p. 5-6.

Zvini a vatotilweko va to maha a cikhati va to ‘hundzuluswa ni kucopeta ka tihlo, kubeni ka mpundzu wo gumesa’? — 1 Kor. 15:51-53.

Vona na Kristu va ta risa matiko hi nhonga ya simbi. (Kuv. 2:26, 27) — w20.12, p. 12-13.