A VANHANYANA vambiri va nga famba zvin’we dhoropeni ga Baguio, le Filipinas, va no wona cikarinyana ca wukustumunyu ga laha kubaseni, kanilezvi a va tshinelangi laha kusuhani. Makabye Helen, loyi a nga hi laha ka cikarinyana, i no va hlekela. A vanhanyana lavo va no simama ku ti fambela, kanilezvi va tsakisilwe hi mahleko ya Helen.

Hi ndzhako ka cikhati, laha a vanhanyana lavo va nga hi lomu cibhombeni na va tlhela kaya, va no wona cifungo ca jw.org laha Salawini ya Mufumo. Va no zvi alakanya ku a maletra lawo va wa rangile va ma wona ka cikarinyana ca wukustumunyu. Hi wumbiri gabye, va no chika lomu cibhombeni va ya cuwuka a longoloko wa mitlhangano ya mabandla yo hambanahambana wu nga hi laha nyangweni ya Salawu ya Mufumo.

A vanhanyana lavo va noya ka mutlhangano wu nga landzela. Wa zvi tiva ku hi mani va nga mu wona a cikhati va nga nghena lomu Salawini ya Mufumo? Hi Helen! Va no tekela ku mu alakanya ku hi yena a nga va hlekele. Helen i ngalo: “A cikhati leci va nga ndzi tela, ndzi no chava, ndzi alakanya ku kuzvilava ci kona ndzi nga goha.” Kanilezvi a vanhanyana lavo va no tlhamusela Helen lezvi zvi nga mahekile na a hi ka cikarinyana.

A vanhanyana lavo va no tsakisiwa nguvhu hi mutlhangano ni lirandzo la vamakabye, niku va wa tlhatlhekile. A cikhati leci ku nga mbhela a mutlhangano va wona van’wani na va basisa a Salawu va no kombela ku basisawu. A mun’we wa vanhanyana lavo a nga ha tshami Filipinas kanilezvi loyi mun’wani waya mitlhanganweni niku wa gondza a Bhibhiliya — zvontlhe zvi sukele laha ka mahleko!