NDZIMA YA CIGONDZO N.° 4
Hikuyini hi yako Cialakanyisweni?
“Simamani ku maha lezvi kasi mu ndzi alakanya hi zvona.” — LUKA 22:19.
LISIMU 20 U hi nyikile N’wana wa wena wo randzeka
LEZVI HI TO GONDZA *
1-2. a) Hi rini hi gi alakanyako nguvhu a xaka ga hina gi fileko? b) Zvini lezvi Jesu a nga maha ka wusiku go gumesa na a nga se dawa?
KANI cikhati muni ci hundzako na hi felwe hi munhu hi mu randzako, hi simama hi mu alakanya. Loku gi chikela siku legi a ngafa hi gona, hi mu alakanya nguvhu.
2 Lembe ni lembe, hi ti patsa ni timiliyoni ta vanhu misaveni yontlhe kasi hi alakanya a kufa ka munhu hi mu randzako nguvhu — Jesu Kristu. (1 Ped. 1:8) Hi tlhangana kasi hi alakanya munhu a nga nyikela wutomi gakwe kasi ku hi tlhatlhisa ka ciwonho ni kufa. (Mat. 20:28) Kunene, Jesu i wa lava lezvaku a valandzeli vakwe va alakanya a kufa kakwe. Ka wusiku go gumesa na a nga se dawa, i yimisile cilalelo co hlawuleka a gumesa aku: “Simamani ku maha lezvi kasi mu ndzi alakanya hi zvona.” — Luka 22:19.
3. Zvini hi to bhula hi zvona ka ndzima leyi?
3 A ntsengo wu tsongwani wa lava va yako Cialakanyisweni ca kufa ka Kristu va na ni kutsumba ka ku ya hanya tilweni. Kanilezvi a timiliyoni ta vanhu lava va nga ni kutsumba ka ku hanya kwalaha misaveni vonawu vaya Cialakanyisweni. Ka ndzima leyi, hi ta bhula hi zvigelo lezvi zvi mahako ku a mitlawa leyi hi wumbiri ga yona yiya Cialakanyisweni lembe ni lembe.
Hi ta tlhela hi bhula hi lezvi hi vhunekisako zvona hi kuva kona. A hi sanguleni hi ku wona zvigelo zvokari zvi mahako ku a vatotilweko vava kona.HIKUYINI A VATOTILWEKO VA YAKO CIALAKANYISWENI?
4. Hikuyini a vatotilweko va gako pawa va tlhela vanwa vhinyo Cialakanyisweni?
4 Lembe ni lembe, a vatotilweko vaga pawa va tlhela vanwa vhinyo Cialakanyisweni. Hikuyini va gako pawa va tlhela vanwa vhinyo? Kasi ku hlamula ciwutiso leci, ehleketa hi lezvi zvi nga humelela ka wusiku go gumesa ga wutomi ga Jesu laha misaveni. Andzhako ka kuga Phasika, Jesu i no yimisa leci nyamutlha ci tiviwako ku Cilalelo ca Hosi. I no va hundzisela a pawa ni vhinyo a vapostoli vakwe va 11 vo tsumbeka a va byela lezvaku vaga ni kunwa. Jesu i no wulawula navo hi zvivhumelwano zvimbiri — ku nga civhumelwano ciswa ni civhumelwano ca Mufumo. * (Luka 22:19, 20, 28-30) A zvivhumelwano lezvo zvi vhululile ndlela ya ku a vapostoli lavo ni vanhu van’wani va ntsengo wutsongwani vava tihosi ni vapristi le tilweni. (Kuv. 5:10; 14:1) A misalela ya vatotilweko, * lava va nga ka zvivhumelwano lezvi zva zvimbiri, hi vona voce va ringanako kuga pawa ni kunwa vhinyo Cialakanyisweni.
5. Zvini lezvi a vatotilweko va zvi tivako xungetano hi kutsumba kabye?
5 A cigelo cin’wani ci mahako ku a vatotilweko va zvi dokolokela nguvhu kuya Cialakanyisweni hi ku leco cikhati ca ci nene ca ku va ehleketa hi kutsumba kabye. Jehovha i va nyikile kutsumba ko hlamalisa — a ku hanya wutomi ga kungafi ni kungaboli le tilweni, va fuma zvin’we na Jesu ni vatotilweko-kuloni, niku a ku hundza zvontlhe, va tava zvin’we na Jehovha Nungungulu! (1 Kor. 15:51-53; 1 Joh. 3:2) A vatotilweko va zvi tiva lezvaku va vitanelwe makatekwa lawo le tilweni. Kanilezvi kasi va amukelwa le tilweni, va fanele ku simama va tsumbekile kala kufeni. (2 Tim. 4:7, 8) A vatotilweko zva va tsakisa nguvhu a ku ehleketa hi kutsumba kabye. (Tit. 2:13) Ahati lava va “tiyivhu tin’wani” ke? (Joh. 10:16) Hi zvihi a zvigelo zvokari zvi va mahako vaya Cialakanyisweni?
HIKUYINI A TIYIVHU TIN’WANI TI YAKO CIALAKANYISWENI?
6. Hikuyini lava va tiyivhu tin’wani va yako Cialakanyisweni lembe ni lembe?
6 Lava va tiyivhu tin’wani a vagi pawa ne kunwa vhinyo Cialakanyisweni, kanilezvi va tsaka hi kuva kona. Hi 1938, give khati go sangula laha lava va nga ni kutsumba ka ku hanya laha misaveni va nga rambiwa hi ndlela yo hlawuleka lezvaku vaya Cialakanyisweni. A Murindzeli wa 1 ka Março wa 1938, hi ciNgiza, i wulile lezvi: “Zvi tava zvi nene niku zva fanela ku [lava va tiyivhu tin’wani] vava kona ka mutlhangano lowo, va wona lezvi zvi mahekako. . . . Va fanele kuva kona niku cikhati ca litsako ka vonawu.” A ku fana ni lezvi lava va rambilweko muchadhweni va tsakako hi ku wona tinoivho na ti chadha, lava va tiyivhu tin’wani va tsaka hi kuva kona Cialakanyisweni va cuwukisela.
7. Hikuyini lava va tiyivhu tin’wani va yi rindzelako hi mahlo yo pswhuka a kanelo ya Cialakanyiso?
7 Lava va tiyivhu tin’wani vonawu va ehleketa hi kutsumba kabye. Va yi rindzela hi mahlo yo pswhuka a kanelo ya Cialakanyiso, hakuva a cipandze ca hombe ca kanelo leyo ci veka Isaya 35:5, 6; 65:21-23; ni Kuvhululelwa 21:3, 4. Hi ku ti alakanyela na va hi misaveni yiswa ni varandzekako vabye, va tiyisa kutsumba kabye ni kutiyimisela ka ku va nga tshuki va tsika ku tirela Jehovha. — Mat. 24:13; Gal. 6:9.
kupima ka lezvi Kristu ni lava va 144 000 va to fuma naye va to mahela vanhu vo tsumbeka cikhatini ca Kufuma ka Kristu ka 1000 wa malembe. Na va rangelwa hi hosi yabye Jesu Kristu, a vatotilweko va ta vhunetela ku cica misava yiva paradhise ni ku vhuna vanhu vo ingisa lezvaku vava vo mbhelela. A vanhu lavo va timiliyoni va yako Cialakanyisweni kota vacuwukeli a vo ku tsaka hi ku alakanyela kutatiseka ka zviphrofeto zva Bhibhiliya, zvo kota lezvi zvi nga ka8. Hi cihi a cigelo cin’wani ci mahako ku lava va tiyivhu tin’wani vaya Cialakanyisweni?
8 Wona cigelo cin’wani ci mahako ku lava va tiyivhu tin’wani vaya Cialakanyisweni. Va lava ku kombisa lirandzo labye hi vatotilweko ni ku va seketela. A Mhaka ya Nungungulu yi wa sina yi wulile lezvaku a vatotilweko ni lava va to hanya laha misaveni va wa tava ni kubohana. Hi ndlela muni? A hi woneni zvikombiso zvo kari.
9. A ciphrofeto ci nga ka Zakaria 8:23 ci komba yini xungetano hi lezvi lava va tiyivhu tin’wani va va wonisako zvona vatotilweko?
9 Lera Zakaria 8:23. A ciphrofeto leci ci tlhamusela hi ndlela yo saseka lezvi lava va tiyivhu tin’wani va va wonisako zvona a vamakabye vabye va totilweko. A gezu ‘muJudha’ ni legi gaku ‘n’wina’, hi wumbiri ga wona, ma wula ntlawa walowu wa wun’we — ku nga misalela ya vatotilweko. (Rom. 2:28, 29) A “khume ga vavanuna va tirimi ti tsalangeneko ta matiko” va yimela a tiyivhu tin’wani. Va “khomelela” ka vatotilweko, va ti patsa navo ka wukhozeli gi basileko. Hikwalaho, ka wusiku ga Cialakanyiso, lava va tiyivhu tin’wani va komba kubohana kabye ni vatotilweko hi kuva zvin’we navo.
10. Jehovha i tatisisile kuyini a ciphrofeto ci nga ka Ezekieli 37:15-19, 24, 25?
10 Lera Ezekieli 37:15-19, 24, 25. Jehovha i tatisile ciphrofeto leci hi ku maha lezvaku a vatotilweko ni lava va tiyivhu tin’wani va tira zvin’we hi kuzwanana. A ciphrofeto leci ci wulawula hi tinhonga timbiri. Lava va nga ni kutsumba ka ku ya hanya tilweni va fana ni nhonga ‘ya Judha’ (li nga lixaka leli a tihosi ta Izrayeli ti nga hlawuliwa ka lona), niku lava va nga ni kutsumba ka ku hanya laha misaveni va fana ni nhonga ‘ya Efrayime’. * Jehovha i wa ta patsa mitlawa leyi ya yimbiri yiva ‘nhonga yin’we’. Lezvo zvi wula ku va wa ta tira hi wumun’we na va rangelwa hi Hosi yin’we, Kristu Jesu. Lembe ni lembe, a vatotilweko ni lava va tiyivhu tin’wani a vayi Cialakanyisweni kota mitlawa yimbiri yo hambana, kanilezvi kota “ntlhambi wun’we” wu nga ni “murisi mun’we.” — Joh. 10:16.
11. A “tiyivhu” leti ti kumbukiwako ka Matewu 25:31-36, 40 ti seketela vamakabye va Kristu nguvhunguvhu hi ku maha yini?
11 Lera Matewu 25:31-36, 40. Ka mufananiso lowu, a “tiyivhu” ti yimela valulamileko cikhatini ca magumo lava va nga ni kutsumba ka ku hanya laha misaveni — ku nga lava va tiyivhu tin’wani. Va seketela hi kutsumbeka a vamakabye va Kristu va totilweko hi moya nguvhunguvhu hi ku va vhuna ka ntiro wa lisima lowu va nyikilweko — wa ku chumayela ni ku maha vapizani misaveni yontlhe. — Mat. 24:14; 28:19, 20.
12-13. Hi tihi a tindlela tin’wani leti lava va tiyivhu tin’wani va va seketelako hi tona a vamakabye va Kristu?
12 Lembe ni lembe, na ku kiyela mavhiki ma Wa ti longiselela a nguva ya Cialakanyiso ke?”) Va vhunetela ku maha malulamiselo wontlhe kambe kasi a Cialakanyiso ci mahiwa ka mabandla wontlhe misaveni yontlhe, hambu lezvi a mabandleni yo tala ku nga hava munhu a totilweko. Lava va tiyivhu tin’wani va tsaka hi ku vhuna vamakabye va Kristu hi tindlela leto. Va zvi tiva ku lezvi va mahelako vamakabye va Jesu va totilweko, Jesu i zvi wonisa ku khwatsi va mahela yena. — Mat. 25:37-40.
tsongwani kasi ku chikela Cialakanyiso, lava va tiyivhu tin’wani va komba ku va seketela vamakabye va Kristu hi ku tira nguvhu ka tsima ga ku ramba lava va zvi tsakelako lezvaku vata Cialakanyisweni. (Wona a kwadru “13 Hi zvihi a zvigelo zvin’wani zvi mahako ku hontlheni hiya Cialakanyisweni, kani a kutsumba ka hina ka ku hanya laha misaveni kutani le tilweni?
HIKUYINI HONTLHENI HI YAKO CIALAKANYISWENI?
14. Jehovha na Jesu va kombisile kuyini lirandzo labye la hombe hi hina?
14Hi bonga a lirandzo leli Jehovha na Jesu va li kombileko hi hina. Jehovha i kombisile hi tindlela to tala lezvaku wa hi randza, kanilezvi ku na ni yin’we yi dlunyatekako nguvhu ka tontlhe. A Nungungulu wa hina i kombisile lirandzo lakwe la hombe hi ku rumela N’wana wakwe wo randzeka lezvaku a ta hi fela. (Joh. 3:16) Ha zvi tiva lezvaku Jesu yenawu i kombisile lirandzo la hombe hi ku nyikela wutomi gakwe hi kuzvirandza hi kota ya hina. (Joh. 15:13) Hi nga ta tshuka hi zvi kota ku hakhela a lirandzo leli Jehovha na Jesu va li kombisileko hi hina. Kanilezvi hi kombisa kubonga hi mahanyela ya hina ya siku ni siku. (Kol. 3:15) Niku hiya Cialakanyisweni kasi ku komba lezvaku ha li alakanya a lirandzo labye hi hina ni ku komba lezvaku ha va randza.
15. Hikuyini a vatotilweko ni lava va tiyivhu tin’wani va ci nyikako lisima a cinyikiwo ca hakhelo ya kutlhatlhisa?
15Ha ci nyika nguvhu lisima a cinyikiwo ca hakhelo ya kutlhatlhisa. (Mat. 20:28) A vatotilweko va yi nyika nguvhu lisima a hakhelo ya kutlhatlhisa hakuva yi vhulula ndlela ya ku a kutsumba kabye ko saseka ku tatiseka. Hi kota ya kukholwa kabye ka muphahlo wa Kristu, Jehovha i va wona kota valulamileko, a va amukela kota vana vakwe. (Rom. 5:1; 8:15-17, 23) Lava va tiyivhu tin’wani vonawu va yi bonga a hakhelo ya kutlhatlhisa. Kota lezvi va kholwako ka muphahlo wa Kristu, va na ni livhalo li basileko mahlweni ka Nungungulu, va mu tirela, va tlhela vava ni kutsumba ka ku ‘huma kuxanisekeni ka hombe.’ (Kuv. 7:13-15) A yin’we ya tindlela leti a vatotilweko ni lava va tiyivhu tin’wani va kombisako hi tona kubonga kuva kona Cialakanyisweni lembe ni lembe.
16. Hi cihi a cigelo cin’wani ci mahako ku hiya Cialakanyisweni?
16 A cigelo cin’wani ci hi mahako hiya Cialakanyisweni hi ku hi lava ku ingisa Jesu. Kani hi na ni kutsumba ka le tilweni kani ka laha misaveni, hontlheni hi lava ku ingisa a cileletelo leci Jesu a nga nyika ka wusiku legi a nga yimisa Cialakanyiso, caku: “Simamani ku maha lezvi kasi mu ndzi alakanya hi zvona.” — 1 Kor. 11:23, 24.
LEZVI HONTLHENI HI VHUNEKISAKO ZVONA
17. A Cialakanyiso ci hi vhunisa kuyini ku tshinela ka Jehovha?
17Hi tshinela ka Jehovha. (Jak. 4:8) Kota hi zvi wonileko, a Cialakanyiso ci hi vhululela ndlela ya ku hi ehleketa hi kutsumba loku Jehovha a hi nyikileko ni lirandzo leli a li kombisileko hi hina. (Jer. 29:11; 1 Joh. 4:8-10) A ku ehleketa hi makatekwa ya hina ya cikhatini ci tako ni lirandzo la hombe la Nungungulu zvi hi vhuna ku hi mu randza nguvhu Jehovha zvi tlhela zvi tiyisa wunghana ga hina naye.— Rom. 8:38, 39.
18. A ku ehleketa hi cikombiso ca Jesu zvi hi kuca ku maha yini?
18Hi kuceka ku pimanyisa cikombiso ca Jesu. (1 Ped. 2:21) Ka masiku ya ku na ci tshinela a Cialakanyiso, hi veka kupima ka matimu ya Bhibhiliya ma wulawulako hi vhiki go gumesa ga Jesu laha misaveni, kufa kakwe, ni kuvhuka kakwe hi ka vafileko. Ka wusiku ga Cialakanyiso, a kanelo yi hi alakanyisa a lirandzo la Jesu hi hina. (Efe. 5:2; 1 Joh. 3:16) Laha hi lerako xungetano hi cikombiso ca Jesu ca lirandzo hi tlhela hi ehleketa hi cona, lezvo zvi hi kuca ku hi “fambisa zvalezvi Jesu a nga fambisa zvona.” — 1 Joh. 2:6.
19. Hi nga simamisa kuyini lirandzweni la Nungungulu?
19Zvi engetela kutiyimisela ka hina ka ku simama lirandzweni la Nungungulu. (Jud. 20, 21) Hi simama lirandzweni la Nungungulu hi ku maha zvontlhe hi zvi kotako kasi ku mu ingisa, hi basisa vito gakwe, ni ku tsakisa mbilu yakwe. (Mav. 27:11; Mat. 6:9; 1 Joh. 5:3) A ku wona Cialakanyiso zvi engetela kutiyimisela ka hina ka ku siku ni siku hi hanya hi ndlela yi mu byelako lezvi Jehovha: ‘Ndzi lava ku simama lirandzweni la wena kala kupindzuka!’
20. Zvigelo muni zvo zwala hi nga nazvo kasi kuya Cialakanyisweni?
20 Kani a kutsumba ka hina ka ku hanya kala kupindzuka le tilweni kutani laha misaveni, hi na ni zvigelo zvo zwala zva kuya Cialakanyisweni. Lembe ni lembe, laha hi tlhanganako ka wusiku lego, hi alakanya a kufa ka munhu hi mu randzako, Jesu Kristu. A ku hundza zvontlhe, hi alakanya a cikombiso ca hombe ca lirandzo — a lirandzo leli Jehovha a li kombisileko hi ku nyikela N’wana wakwe kota hakhelo ya ku tlhatlhisa. A lembe legi, a Cialakanyiso ci ta mahiwa hi Wazihlanu wa 15 ka Abril wa 2022, andzhako ka kupela ka gambo. Ha mu randza Jehovha ni N’wana wakwe. Hikwalaho, ka siku legi Jesu a ngafa hi gona, a ku na ca lisima nguvhu ku hundza kuva kona Cialakanyisweni.
LISIMU 16 Dhumisani Jehovha hi kota ya N’wana wakwe
^ par. 5 Kani a kutsumba ka hina ku ya hanya tilweni kutani paradhiseni laha misaveni, hi ci rindzela hi mahlo yo pswhuka a Cialakanyiso ca lembe ni lembe. Ka ndzima leyi hi ta bhula hi zvigelo zvo zwala zva Mitsalo zvi hi mahako hiya Cialakanyisweni ni lezvi hi vhunekisako zvona hi ku maha lezvo.
^ par. 4 Kasi ku tiva zvin’wani xungetano hi civhumelwano ciswa ni civhumelwano ca Mufumo, wona a ndzima “Mu tava ‘tiko ga vapristi’” ka Murindzeli wa 15 ka Outubro wa 2014, p. 15-17.
^ par. 4 TLHAMUSELO WA MAGEZU: A magezu misalela ya vatotilweko ma wula a maKristu ma totilweko lawa ma ha hanyako misaveni.
^ par. 10 Kasi ku tiva zvin’wani xungetano hi ciphrofeto ci nga ka Ezekieli cipimo 37, wona a “Zviwutiso zva vagondzi” ka Murindzeli wa Julho wa 2016.