Lera Genesisi 37:23-28; 39:17-23 kasi u gondza hi matimu ya Josefa ya ku timisela a kungalulami.

Hlola a mongo wa kona. Zvini zvi nga maha ku Josefa a khomiwa hi ndlela yo kala kululama? (Gen. 37:3-11; 39:1, 6-10) Cikhati co kota kwihi a timiseleko a kungalulami? (Gen. 37:2; 41:46) Ndzeni ka cikhati leco, zvini lezvi Jehovha a maheleko Josefa kanilezvi zvini lezvi a nga kala ku mu mahela? — Gen. 39:2, 21; Murindzeli 01.23 paj. 17 par. 13.

Gondza zvi eta. A Bhibhiliya a gi wuli lezvaku Josefa i ti yimelele ka lezvi a sati wa Potifare a mu hembeleko. A mitsalo yi landzelako yi hi vhunisa kuyini a ku pola ku hikuyini Josefa a nga hlawula ku kala a nga wuli nchumu kutani hikuyini hi nga faneliko ku rindzela lezvaku na ku wulilwe zvontlhe zvi yelanako ni mhaka leyi? (Mav. 20:2; Joh. 21:25; Miti. 21:37) Matshamela muni kuzvilava ma vhunileko Josefa a ku timisela a kungalulami? — Mika 7:7; Luka 14:11; Jak. 1:2, 3.

Ehleketa hi lezvi u zvi gondzako. Ti wutise lezvi:

• ‘Kungalulami muni ndzi nga kumanako nako kota mupizani wa Jesu?’ (Luka 21:12, 16, 17; Mah. 10:33, 34)

• ‘Ndzi nga ti longiselisa kuyini kasi ndzi kota ku timisela a kungalulami?’ (Lis. 62:7, 8; 105:17-19; Murindzeli 07.19 paj. 2-7)