Hi khozela Jehovha kota ntlawa wa hombe, ka mitlhangano ya hina ya bandla, mitlhangano ya cipandze ni ka migotsovanyano, a ku patsa ni ka cigondzo ca munhu wutsumbu ni ka wukhozeli ga ngango. Hi lawa a mawonela yo kari u nga kambisisako hi wona ka cigondzo ca wena wutsumbu ni ka wukhozeli ga ngango:

• Longisela a mitlhangano ya bandla. U nga patsa ni ku vhuxeta tisimu u tlhela u vhuna vontlhe laha ngangweni a ku va longisela mihlamulo.

• Lera matimu ya Bhibhiliya. Andzhako ka lezvo, dhezenyara mufananiso wa zvimaho zvo kari zva matimu lawo, kutani ku tsala zvilo zvo kari u nga gondza.

• Lera mikhongelo yi nga lomu ka Bhibhiliya, u tlhela u ehleketa hi lezvi yi nga ku vhunisako zvona kuya mahlweni u chukwatisa mikhongelo ya wena.

• Sixtira tivhidhio ka jw.org, u gumesa u bhula hi lezvi u nga zvi wona ni van’wani kutani ku tsala lezvi u nga gondza ka tona.

• Ti longisele kasi u taya kuchumayeleni. Kuzvilava u nga kombela mun’we laha ngangweni a ti maha n’winyi wa muti kasi u longisela naye lezvi u lavako ku wula.

• Cuwukisela zvivangwa u tlhela u ehleketa hi zvona, kutani ku ehleketa hi lezvi zvi ku gondzisako hi Jehovha. a