Wa mu tiva Nungungulu ke?
A vanhu vo tala va li va kholwa ka Nungungulu. Kanilezvi pima ku wutisa ku wa mu tiva Nungungulu ke, u tazwa mihlamulo yo hambanahambana. Ka vokari, Nungungulu mulamuli wa xapi a tshamako na a longile ku tsayisa vanhu basi hi kota ya zviwonho zvabye. Ka van’wani, Nungungulu contlhe cikhati i na ni lirandzo, niku i tsetselela munhu ni ka cihi leci a ci mahako. A van’wani va kholwa ku Nungungulu i kule nguvhu niku a nga na mhaka na hina. A mawonela lawa yo hambana ma maha ku a votala va zvi wonisa ku khwatsi a zvi koteki ku mu tiva Nungungulu.
Zvi na ni lisima ku tiva Nungungulu ke? Ina. A ku mu tiva khwatsi Nungungulu zvi nga ku vhuna ku u hanyela co ci tiva. (Mitiro 17:26-28) Laha u ya ku u tshinela ka Nungungulu, i ta ya a ku randza nguvhu a tlhela a ku vhunetela. (Jakobe 4:8) A kuva ni wutivi ga lisine xungetano hi Nungungulu zvi nga ku yisa wutomini ga pindzukelwa. — Johani 17:3.
U nga mu tivisa kuyini Nungungulu? Ehleketa hi munhu u mu tivako khwatsi, wo kota munghana wa wena u mu randzako nguvhu. A wunghana lego gi sangulisile kuyini? Kuzvilava u rangile hi ku tiva vito gakwe, matshamela yakwe, lezvi a zvi randzako ni lezvi a zvi nyenyako; lezvi a zvi mahileko ni lezvi a lavako ku maha, ni zvin’wani. Lezvo hi zvona zvi nga maha ku u mu tsakela — hakuva u mu tivile.
Hi kufanana, Nungungulu yenawu hi nga mu tiva loku hi tiva mihlamulo ya zviwutiso lezvi:
A revhista legi gi mahelwe ku hlamula zviwutiso lezvi hi ku tirisa Bhibhiliya. Gi ta ku vhuna ku tiva Nungungulu ni lezvi u vhunekisako zvona laha u to ya uva ni wunghana go tiya naye.
You May Also Like
A MURINDZELI
A vito ga Nungungulu hi mani?
Wa zvi tiva ku Nungungulu i na ni vito, legi gi kombako khwatsi lezvi yena a nga zvona?
