A VANHU VO KARI VA KHOLWA lezaku hi simama hi hanya hi ka moya, kasi lezo a vanwani va kholwa ku a kufa hi wona magumo ya zontlhe. Wena ke u li yini?

LEZI A BIBLIA GI ZI WULAKO

“A vafileko a va tivi nchumu.” (Mutshawuteli 9:5) Loku hifa, a ha ha hi kona.

HI NGA GONZA YINI ZINWANI LOMU KA BIBLIA?

• Adamu, a munhu wo sangula, i tlhelele ntshurini a xikhati lexi a ngafa. (Genesisi 2:7; 3:19) Hi ku fanana, vontlhe va fako, va tlhelela ntshurini. — Mutshawuteli 3:19, 20.

• Vontlhe va fako, va tlhatlhisilwe kutani ku va tsetselelwe a zionho zabye. (Va Le Roma 6:7) A ka ha hi na ku tsayisiwa kunwani hi kota ya zionho anzhako ka loku munhu a file.

XANA U TA KUYINI?

• Ina

• Ahihi

• Kuzilava

LEZI A BIBLIA GI ZI WULAKO

“ku tava kona a kuvuka” ka vafileko. — Mitiro 24:15.

HI NGA GONZA YINI ZINWANI LOMU KA BIBLIA?

• Ka zikhati zo tala a Biblia gi fananisa a kufa ni ku etlela. (Johani 11:11-14) Nungungulu a nga vuxa vafileko, a ku fana ni loku hi vuxa munhu a etleleko. — Joba 14:13-15.

• A Biblia gi na ni matimu yo hlaya ya kuvuxiwa ka vanhu hi ka vafileko, hikwalaho, hi kuma xiseketelo xa ku kholwa lezaku a vafileko va ta vuxiwa — 1 Tihosi 17:17-24; Luka 7:11-17; Johani 11:39-44.