Lezi a Biblia gi zi wulako
Xana hi hanya “masikwini yo gumesa”?
Xana u taku . . .
Ina?
Ahihi?
Kuzilava?
Lezi a Biblia gi zi wulako
“A masikwini yo gumesa ku ta chikela a zikhati za zikarato.” (2 Timote 3:1) Lezi a Biblia gi zi profetileko ha zi wona inyamutlha; niku gi komba lezaku a xikhati lexi hi hanyako ka xona xo “gumesa.”
Zini kambe hi nga gonzako lomu ka Biblia?
A masiku yo gumesa ma wa ta fungiwa hi tiyimpi, tindlala, kutsekatseka ka misava ni mitungu yo daya nguvu. — Mateu 24:3, 7; Luka 21:11.
Nzeni ka masiku yo gumesa, a misava yi wa ta tala hi mahanyela ya kubiha niku a vanhu va wa nga ta khozela Nungungulu hi laha zi lavekako hi kona. — 2 Timote 3:2-5.
Zini lezi a wumanziko gi to zi neha ka vanhu?
A vanhu vo kari va wula . . . lezaku a masiku yo gumesa ma ta gumesa hi kulovisiwa ka misava ni zilo zontlhe zi nga ka yona, kuveni a vanwani va wula lezaku a zilo zi ta chukwata. Wena ke, u le yini?
Lezi a Biblia gi zi wulako
“A valulamileko va taga tshomba ya tiko, va aka ka gona kala kupinzuka.” — Lisimu 37:29.
Zini kambe hi nga gonzako lomu ka Biblia?
A masiku yo gumesa ma ta gumesa hi kulovisiwa ka vanhu va kubiha. — 1 Johani 2:17.
A misava yi ta hunzuluswa yiva paradise. — Isaya 35:1, 6.