“A wute Mufumo wa wena” — A mukhongelo lowu wu phindaphindiwa hi vanhu vo tala
U tshuka u maha mukhongelo u kombela lezvaku a Mufumo wa Nungungulu wuta misaveni? Hi malembe yo tala a vanhu va tsandza vahlayi va phindaphinda magezu lawa yaku: “A wute Mufumo wa wena.” Hikuyini va phindaphindako a magezu lawa? Hi ku Jesu i byelile a vapizani vakwe lezvaku va khongelela a Mufumo wa Nungungulu.
Kusanguleni, a vapizani va Jesu va wa nga zwisisi zvontlhe lezvi a nga zvi wula xungetano hi Mufumo. Ka khati go kari va no mu wutisa vaku: “Hosi, u ta tlhelisela a mufumo ka Izrayeli zvalezvi ke?” Kuzvilava va hlamalile nguvhu a cikhati Jesu a nga kala ku va nyika hlamulo wo kongoma. (Mitiro 1:6, 7) Xana lezvo zvi wula ku a hi nge zvi tivi lezvaku cini a Mufumo wa Nungungulu niku wu tata rini misaveni? Ahihi.
A Murindzeli lowu wu ta ku vhuna a ku kuma a mihlamulo ya zviwutiso lezvi zvi landzelako:
Hikuyini hi lavako a Mufumo wa Nungungulu?
Himani a Hosi ya Mufumo wa Nungungulu?
Hi rini a Mufumo wa Nungungulu wu to fumela misava?
Zvini lezvi a Mufumo wa Nungungulu wu to maha?
Hikuyini hi faneleko ku seketela a Mufumo wa Nungungulu zvezvi?
Cini a Mufumo wa Nungungulu?
You May Also Like
ESSENTIAL BIBLE TEACHINGS
Cini a Mufumo wa Nungungulu?
Ntirweni wakwe wa ku Chumayela, Jesu i wulawulile nguvu hi Mufumo wa Nungungulu a ku hundza ni yihi mhaka. Hi malembe yo tala a valandzeli vakwe va kari va khongela lezvaku a Mufumo lowo wuta.
