U nga ti buza hi makatekwa ya Nungungulu wa lirandzo
Wa zvi lava ku hanya ka tiko go kala tiyimpi, tihanyi, ni tiholova?
Wa zvi navela a ku hanya na u nga babyi, u nga xaniseki ne kufa?
Wa zvi xuva ku hanya na u nga karateki ne na u nga chavi nchumu?
Wa zvi xuva ku hanya ka tiko gi kalako gi nga hahlulelwi hi timhango ta ntumbuluko?
A Nungungulu wa hina wa lirandzo, a Muvangi wa planeta ya hina yo saseka, i tsumbisa ku a vanhu va ta hanya kuruleni, na va tsakile kala kupindzuka. Lezvo lisine, a hi ku lora.
Hi kombela ku u lera tindzima ti landzelako kasi u kuma mitlhamuselo ya timhaka leti:
Lezvi a Muvangi wa hina a ti zwisako zvona hi vanhu
Zvini lezvi a Mhaka ya Nungungulu yi hi byelako?
Zvini lezvi a vaphrofeti va Nungungulu va zvi tlhamuseleko hi makatekwa lawa a hi tsumbisako?
Ndlela ya ku tsaka zvezvi hi tlhela hi kuma makatekwa ya Nungungulu cikhatini ci tako
A hi sanguleni hi ku bhula hi zvilo zva zvi nene lezvi Nungungulu a hi nyikako kasi a komba lezvaku wa hi randza.
