Seve: Kota kuwula ka bhuku go kari, a gezu ga xiGreki legi gi hunzuluselweko ku “seve” ka 2 Va Le Korinte 1:22 gi wa hi “gezu gi nga tira ka zilo za milayo ni ka mabhinzu,” legi gi nga wula ku “hakhelo yo sangula, mali yo vekisa, xipanze xa hakhelo, xitsumbiso, zi nga nyikelwa hi mahlweni kota xipanze xa mali ya ku xava nchumu kasi ku tiyisa hi nayo lezaku a nchumu lowo wa wu lava, kutani ku tiyisa xivumelwano.” Ka vatotilweko, a hakhelo yo enela, kutani nchachazelo wo tala, wu tlhamuselwa ka 2 Va Le Korinte 5:1-5 lezaku wu yelana ni ku nyikwa miri wu nga boliko le tilweni. A nchachazelo lowo wu patsa ku nyikwa kungafi kambe. — 1 Kor. 15:48-54.

Ka xiGreki xa nyamutlha, ku tiriswa gezu gi yelanako ni galego kasi ku wula a phera yo tsumbisa ku tekana. Lowu mufananiso wa wu nene ka lava va to maha xipanze xa sati wo fananisa wa Kristu. — 2 Kor. 11:2; Kuv. 21:2, 9.

Xifungo: A kale, a xifungo xi wa tirisiswa ku khwatsi ku sayina kasi ku tiyisa ku a nchumu lowo wu lumba mani, ku tiyisa ku ngwa lisine, kutani ku tiyisa xivumelwano. A vatotilweko va vekwa “xifungo” xo fananisa hi moya wa kubasa xa lezaku va lumba Nungungulu. (Efe. 1:13, 14) Kanilezi, a xifungo lexo a xi mahi xo mbhelela kala xikhatanyana mahlweni ka ku a munhu loye afa na a tsumbekile kutani xikhatanyana mahlweni ka kusangula ka kuxaniseka ka hombe. — Efe. 4:30; Kuv. 7:2-4.