U gonzile zi buva a marevista A Murinzeli ma ha hi ku hunzako? Loku zi hi tano, zama ku hlamula a ziwutiso lezi zi lanzelako:

Hikuyini Jehova a vumeleleko tiyimpi ka vaIsraeli va kale?

Jehova i na ni liranzo. Hambulezo, i wa tshuka a vumelela tiyimpi kasi ku tlhatlhisa vanhu vakwe ka wubihi ni tixanisa. Nungungulu hi yena a nga kari a boha ku himani a toya yimpini niku rini. — w15 1/11, pp. 4-5.

Zilo muni za lisima lezi a vapswali va nga mahako kasi ku gonzisa vaswa vabye a ku tirela Jehova?

Za lisima a kuva a vapswali va ranza vana vabye va nga tangeni yo sangula ku ti tshotshota, va tlhela va kombisa kutikoramisa hi xikombiso xabye. Za lisima kambe lezaku a vapswali va kombisa wutlhari va tlhela va ti karatela ku zwisisa vana vabye. — w15 15/11, pp. 9-11.

Hikuyini papa a nga faneliko ku woniwa kota muvaleti wa Pedro?

A bhuku ga Mateu 16:17, 18 a gi wuli lezaku mupostoli Pedro i wa ta maha hloko ya bandla ga wuKristu. A Biblia gi komba lezaku wutshanwini ga kuva Pedro a vile ni wuhosi, Jesu hi yena a nga ribye ga magumo kutani hloko ya bandla. (1 Ped. 2:4-8) — w15 1/12, pp. 12-14.

Zilo muni hi faneleko ku ranga hi zi alakanyela na hi nga se wulawula?

Kasi hi li tirisa khwatsi a lirimi la hina, hi fanele 1) ku tiva xikhati xa ku wulawula (Mutsh. 3:7), 2) hi tiva magezu hi faneleko ku wula (Mav. 12:18), ni 3) mawulela ya kona (Mav. 25:15). — w15 15/12, pp. 19-22.

Tindlela muni ta kungatsumbeki leti a maKristu ma faneleko ku ti potsa?

A maKristu ya lisine ma potsa ku hemba ni ku hleva vanwani. A ma wulawuli kubiha hi vanwani, niku a ma kanganyisi ge hambu ku yiva. — wp16.1, p. 5.

Hi vamani a “vapristi va hombe” lava va kumbukiwako lomu ka Biblia?

Zi wonekisa ku khwatsi a magezu “vapristi va hombe” ma wula vapristi va zikhundla zo tlakuka nguvu, a ku patsa ni lava va nga susilwe kuva vapristi va hombe. — wp16.1, p. 10.

Hi fanele ku mu wonisa kuyini a munhu a gako xibaba ni kunwa vinya Xialakanyisweni?

A maKristu a ma tlakusi vamakabye lavo. Loyi hakunene a totilweko i wa nga ta zi lava ku tlakusiwa; ge hambu ku huwelela thomo legi a nga nago mahlweni ka Nungungulu. (Mat. 23:8-12) — w16.01, pp. 23-24.

Hi nga gonza yini ka lezi Abrahama a nga mahisa zona munghana wa Nungungulu?

Abrahama i tivile Nungungulu, kuzilava hi ku gonzisiwa hi Xemi. Niku Abrahama i lo kuma kubuva ka ndlela leyi Nungungulu a nga mu khoma hi yona ni ngango wakwe. Hinawu hi nga ti karatela ku maha zalezo. — w16.02, pp. 9-10.

Zi tile hi kwihi a zipimo ni mavesi lomu ka Biblia?

Ka zana ga malembe ga wu 13, mufundisa Stephen Langton i lo avanyisa mitsalo ya Biblia hi zipimo. A vatsali va vaJuda va rangile va avanyisa mitsalo ya Biblia ya xiHeberu hi mavesi, niku ka zana ga malembe ga wu 16, Robert Estienne i lo maha zalezo kambe hi Mitsalo ya xiGreki ya wuKristu. — wp16.2, pp. 14-15.

Xana Satani i tekile Jesu hi xiviri a mu yisa tempeleni a xikhati a nga mu ringa ke?

A hi nge wuli hi kutiya. Za koteka ku a bhuku ga Mateu 4:5 ni ga Luka 4:9 na ma wula lezaku Jesu i yisilwe tempeleni hi muwoniso kutani kuva a yimile ka wutshamu go kari go tlakuka ga tempeli.—w16.03, p. 31-32

A wutireli ga hina gi nga fana ni nzhokati hi ndlela muni?

A nzhokati yi humelela hi kutsongwani-kutsongwani niku ya nyukisa yi tlhela yi nyika wutomi. A nzhokati ya xiviri xikatekiso xi tako hi ka Nungungulu. (Deut. 33:13) Lezi zi mahiwako hi vanhu va Nungungulu, loku zi patsiwa zonawu xikatekiso. — w16.04, p. 4.