1. Hi ta famba na Jehovha

A siku ni siku gi cako.

Wona thomo le’ ga hombe

A nyikako malandza yakwe!

Nungungulu wa hi zwela,

A hi vhulela ndlela

Ya lezvaku hi nyikela

Wutomi ga hina kakwe.

2. A magumo ma tshinele,

Ye Sathani wa hi kaneta.

Hambu lezvi zvi bindzako,

Hi ta tiya hi ye Jehovha.

Hi xuva ku mu tirela,

Hi nga hambani naye

Zvezvi, kala kupindzuka,

Hi namarela ka yena.

3. Nungungulu wa hi vhuna

Hi moya ni yo’ Mhaka yakwe,

Hi go’ bandla ga wuKristu,

Ni yo’ mikhongelo ya hina.

Loku hi famba ni Hosi,

Yona yi ta hi vhuna

Ku maha zvilo zvi nene,

Hi ti koramisa kakwe.