Ina. A madhimoni “tingilozi leti ti nga wonha”, a zvivangwa zva moya zvi nga hluwukela Nungungulu. (2 Pedro 2:4) A ngilozi yo sangula leyi yi nga ti maha dhimoni ha yoce kuve Sathani Dhiyabho, loyi a Bhibhiliya gi mu vitanako ku i “hosi ya madhimoni”. — Matewu 12:24, 26.

Wuhluwuki masikwini ya Nowa

 A Bhibhiliya gi bika a kuhluwuka ka tingilozi mahlweni ka Ndambi ya masikwini ya Nowa, giku: ‘A varisanyana va Nungungulu va lo wona a vanhwana va vanhu lezvaku va sasekile; va lo va teka a kuva vasati vabye ka vontlhe lava va nga va hlawula.’ (Genesisi 6:2) A tingilozi leto ta kubiha ‘ti no tsika wutshamu legi ti nga mahelwe ku hanya ka gona’ le tilweni ti ambala mimiri ya vanhu kasi ti hlengela masango ni vavasati. — Judha 6.

 A cikhati leci ku nga chikela a Ndambi, a tingilozi leti ta vahluwuki ti no tsika a mimiri ya tona ya vanhu ti tlhela tilweni. Hambulezvo, Nungungulu i no ti hlongola ngangweni wakwe. Kota cipandze ca tsayiselelo ya tona, a madhimoni a ma ha zvi koti kambe ku ti cica mava ni miri wa vanhu. — Va Le Efesusi 6:11, 12.