A vanhu vo tala va ti wutisa ku hi gihi a kungo ga wutomi, kuzvilava hi ku wula ku: “Hikuyini hi nga laha?” Kutani ku: “Hi gihi kungo ga wutomi ga mina?” A Bhibhiliya gi komba lezvaku a kungo ga wutomi ga hina ku wumba wunghana na Nungungulu. Wona timhaka to kari ta tshinya ta lisine la Bhibhiliya.

•   Nungungulu Muvangi wa hina. A Bhibhiliya gi: “Hi [Nungungulu] a nga hi vanga, hina hi vakwe.” — Lisimu 100:3; Kuvhululelwa 4:11.

•   Nungungulu i na ni kungo ka zvontlhe lezvi a nga zvi maha, a ku patsa na hina. — Isaya 45:18.

•   Nungungulu i hi vangile na hi hi ‘ni tora ga ku lava ku mu tiva’ lezvi zvi patsako a kuxuva ka ku lava ku tiva ku hi hanyela yini. (Matewu 5:3) Wa zvi lava ku hi tatisa a kunavela loko. — Lisimu 145:16.

•   Hi tatisa a tora ga hina ga ku lava ku tiva Nungungulu hi ku wumba wunghana naye. Hambu lezvi a ka van’wani a kuva munghana wa Nungungulu zvi wonekisako ku khwatsi a zvi nge koteki, a Bhibhiliya gi hi kuca ku: “Tshinelani ka Nungungulu, na yena i ta tshinela ka n’wina.” — Jakobe 4:8; 2:23.

•   Kasi hiva vanghana va Nungungulu, hi fanele ku hanya hi kuyelana ni kungo gakwe hi hina. A Bhibhiliya gi tlhamusela a kungo lego ka Mutshawuteli 12:13: “Chava a Nungungulu wa lisine, u ingisa a zvileletelo zvakwe, hakuva leyo hi yona a fanelo yontlhe ya munhu.”

•   Cikhatini ci tako, hi ta wona a kutatiseka ka kungo go sangula ga Nungungulu hi hina a cikhati leci a to fuvisa a kuxaniseka a tlhela a nyika a vanghana vakwe a wutomi ga pindzukelwa. — Lisimu 37:10, 11.