Ina. Wona a zvikombiso zvo kari zva wusungukati ga ginene ga lomu ka Bhibhiliya gi vhunako a vavanuna ni vavasati va tsandza-vahlayi lezvaku vava ni wutomi go tsakisa ngangweni:

1.   Tsalisa a wukati ga n’wina hi nayo. A ku hlayisa cifungo ca wukati gi tsalisilweko hi nayo ciseketelo ca kuva ni ngango wo tsaka. ​— Matewu 19:4-6.

2.   Kombisa lirandzo ni cichavo. Lezvi zvi wula ku khoma nuna kutani sati wa wena kota lezvi u nga wa ta lava ku khomiswa zvona. ​— Matewu 7:12; Va Le Efesusi 5:25, 33.

3.   Potsa magezu yo tlhava. Wulawula hi ndlela yi nene, hambu loku a nuna kutani sati a wula kutani ku maha cokari ci ku bayisako. (Va Le Efesusi 4:31, 32) Kota kuwula ka Bhibhiliya ka Mavingu 15:1, ‘a hlamulo wu olovileko wu rengisa khulo, kanilezvi a timhaka ti tlhavako ti vhindlusa zanga’.

4.   Tsumbeka. Kombisa a lirandzo la sati ni nuna ni kunavela ka wena ka masango ntsena ka loyi u chadhileko naye. (Matewu 5:28) A Bhibhiliya gi ngalo: “A wukati gi wa dzundzeke ka vanhu vontlhe, ni sango ga wukati ngha gi nga nyenyeziswi.” ​— Mahebheru 13:4.

5.   Gondzisa a vana va n’wina hi lirandzo. U nga heni ne ku nonohisa nguvhu woko. ​— Mavingu 29:15; Va Le Kolosi 3:21.