A Mufumo wa Nungungulu wu mbilwini ya wena ke?
Hlamulo wa Bhibhiliya
Ahihi. A Mufumo wa Nungungulu a hi nchumu wu nga mbilwini ya maKristu. a A Bhibhiliya gi komba lomu a Mufumo lowo wu nga kona hi ku wu vitana ku “Mufumo wa matilo”. (Matewu 4:17) Wona lezvi a Bhibhiliya gi kombisako zvona lezvaku Mufumo wu fumako le tilweni.
A Mufumo wa Nungungulu wu na ni tihosi, vanhu va ku va fuma, milayo ni ntiro wa ku maha a kurandza ka Nungungulu le tilweni ni laha misaveni. — Matewu 6:10; Kuvhululelwa 5:10.
A Mufumo wa Nungungulu wu ta fumela “vanhu va mifumo, ni matiko, ni tirimi” laha misaveni. (Dhaniyeli 7:13, 14) A wuhosi ga wona a giti hi ka lava va fumiwako, kanilezvi gita hi kwale ka Nungungulu. — Lisimu 2:4-6; Isaya 9:7.
Jesu i byelile a vapostoli vakwe vo tsumbeka lezvaku va ta patsana naye Mufun’weni wa matilo kasi va “tshama zvitshan’wini zva wuhosi”. — Luka 22:28, 30.
A Mufumo wu na ni valala kanilezvi wu ta va lovisa va ku bhi. — Lisimu 2:1, 2, 8, 9; 110:1, 2; 1 Va Le Korinte 15:25, 26.
A vanhu vo kari va kholwa lezvaku a Mufumo wa Nungungulu wu lomu mbilwini ya wena loku u ingisa Nungungulu. Lezvo a hi zvona lezvi a Bhibhiliya gi gondzisako. Kanilezvi a Bhibhiliya gi komba lezvaku “a mhaka ya Mufumo” kutani “mahungu lawa ya manene ya Mufumo” ma nga khumba a timbilu ta hina niku ma fanele ku maha lezvo. — Matewu 13:19; 24:14.
A magezu “a Mufumo wa Nungungulu wu ndzeni ka n’wina” ma wula yini?
A vanhu vo kari a va ku tivi khwatsi-khwatsi lomu a Mufumo wu nga kona hi kota ya lezvi a maBhibhiliya yo kari ma nga hundzuluselisa zvona Luka 17:21. Hi cikombiso, a Versão Rei Jaime i ngalo: “A mufumo wa Nungungulu wu ndzeni ka n’wina.” Kasi ku gi zwisisa khwatsi a vhesi legi hi fanele ku wona a mongo wa kona.
A Mufumo wa Nungungulu wu wa nga hi timbilwini ta valala va Jesu, lava va nga hi ni matshandza ni kuva vadayi.
Jesu i wa kari a wulawula ni vaFarisi, a ntlawa wa varangeli va wukhongeli lowu wu nga hi nala wakwe niku wu wa maha makungo ya ku mu daya. (Matewu 12:14; Luka 17:20) Xana zva zwala a ku alakanya lezvaku a Mufumo wu wa hi nchumu wu nga hi timbilwini tabye to biha? Jesu i va byelile lezvi: “Lomu ndzeni ka n’wina ku tele hi wukanganyisi ni kuhambunyeta nayo.” — Matewu 23:27, 28.
A maBhibhiliya man’wani ma zvi hundzulusela khwatsi lezvi Jesu a nga wula ka Luka 17:21: “A mufumo wa Nungungulu wu kwalaha zvin’we na n’wina.” (Hi hina hi nga timisa; Contemporary English Version) “A Mufumo wa Nungungulu wu cikari ka n’wina.” (Wuhundzuluseli ga misava yiswa) A Mufumo wa matilo wu wa hi “zvin’we” ni vaFarisi kutani “cikari” kabye hakuva Jesu, loyi a hlawulilweko hi Nungungulu kota Hosi, i wa hi kwalaho mahlweni kabye. — Luka 1:32, 33.
a A wukhongeli go tala gi gondzisa lezvaku a Mufumo wa Nungungulu wu ndzeni ka mun’we ni mun’wani kutani mbilwini ya mun’we ni mun’wani. Hi cikombiso, le Estados Unidos a chichi ya hombe ya Bhatista yi wula lezvaku a Mufumo wa Nungungulu “kufuma ka Nungungulu mbilwini ni wutomini ga munhu”. Hi ndlela yo fana, ka bhuku gakwe gaku Jesu wa le Nazareta, Papa Bento XVI i tsalile lezvi: “A Mufumo wa Nungungulu wuta hi ka mbilu yi ingisako”.
You May Also Like
ESSENTIAL BIBLE TEACHINGS
Cini a Mufumo wa Nungungulu?
Ntirweni wakwe wa ku Chumayela, Jesu i wulawulile nguvu hi Mufumo wa Nungungulu a ku hundza ni yihi mhaka. Hi malembe yo tala a valandzeli vakwe va kari va khongela lezvaku a Mufumo lowo wuta.
A MURINDZELI
Himani a Hosi ya Mufumo wa Nungungulu?
A vatsali vo tala va Bhibhiliya va tsalile a mitlhamuselo yi nga tivekisa loyi a nga wa tava Hosi ya Mufumo wa Nungungulu. A matin’wini wontlhe ya vanhu, munhu mun’we basi a ringanelwako khwatsi hi mitlhamuselo leyo.
SPECIAL CAMPAIGN
Pima ku gondza Bhibhiliya na hina
Gondzisiwa a Bhibhiliya mahala na mu gondza a cigondzo cin’we hi khati.