Loku a Kustumunyu wo kari wa Jehovha a nyima ku chumayela kutani kuta mitlhanganweni a hi mu potsa-potsi. Kasi ku wula lisine ha va lavetela hi va kuca ku va vhuxa a lirandzo labye hi Nungungulu.

 Hambu loku a munhu a maha a ciwonho ca hombe a hi contlhe cikhati a susiwako bandleni. Kanilezvi, loku a Kustumunyu a bhabhatisilweko a tshama hi ku tshova a milayo ya Bhibhiliya a tlhela a nga ti soli, wa susiwa bandleni. A Bhibhiliya gi wula kubaseni giku: “Hlongolani a munhu wa kubiha cikari ka n’wina.” — 1 Va Le Korinte 5:13.

 Ku humelela yini loku a wanuna a susiwa bandleni kanilezvi a sati wa kona ni vana va simama? A wuxaka legi va nga hi nago hi tlhelo ga moya ga cica kanilezvi hi tlhelo ga nyama a gi cici. A wunghana gakwe ni sati wakwe ni vana vakwe ga simama.

 A vanhu lava va susilweko bandleni va ngata mitlhanganweni ya hina. Loku va zvi lava va nga kuma wusungukati ga moya ka madhota ya bandla. A kungo ku vhuna a vanhu lavo lezvaku va tlhela va wuya bandleni va tava Vakustumunyu va Jehovha. Lava va tsikako a mahanyela yabye ya hava va ti yimisela a ku hanya hi milayo ya Bhibhiliya va amukelwa hi mandla mambiri bandleni.