Samuwele Wa Ku Sungula 11:1-15
11 Se Nahaxi wa Muamoni+ a fika a gwimba tende swaku a ta lwa ni doropa la Yabexi+ aJiliyadi. Kutani Vavanuna hinkwavu va Yabexi va byela Nahaxi va ku: “Yendla ntwananu na hina, hi ta ku tirhela.”
2 Nahaxi wa Muamoni a va hlamula a ku: “Ni ta yendla ntwananu na n’wina loko mi pfumela swaku matihlo ya n’wina hinkwawu ya xinene ma xokoliwa. Ni ta yendla leswi swaku ni danisa Vayisrayele hinkwavu.”
3 Kutani madoda ya le Yabexi ma ku: “Hi nyiki 7 wa masiku swaku hi ta rhuma vanhu swaku va ya ka tiko hinkwalu la Israyele. Se loko ku nga na munhu lweyi a nga ta hi ponisa hi ta tinyikela ka wena.”
4 Hi ku famba ka nkama vanhu lava nga rhumiwa va fika ni Jibiya+ lomu Sawulo a a tshama kona, va byela vanhu leswi va nga rhumiwa swaku va va byela, se vanhu hinkwavu va sungula ku rila hintamu.
5 Kambe Sawulo a humelela na a ta hi masin’wini na a khayima tihomu, a gama a ku: “Ku yendleke yini hi vanhu lava? Va rilela yini?” Va gama va mu byela leswi vavanuna va le Yabexi va nga swi hlaya.
6 A nkama a nga twa leswi, moya wa ku kwetsima wa Xikwembu wu mu nyika matimba,+ se a kwata hintamu.
7 Sawulo a teka tihomu timbirhi a ti tsemelela, a nyika vanhu a va rhuma swaku va famba na tona ka tiko hinkwalu la Israyele va ku: “Lweyi a nga ta kala a nga landzeli Sawulo na Samuwele, a a swi tive swaku tihomu ta yena ti ta yendliwa leswi!” Kutani vanhu va sungula ku chava Yehovha, va tlhela va pfumelelana ni leswi va nga byeliwa swona.
8 Se a va kontela aBezeki, a ku ni 30.000 wa vavanuna va lixaka la Yuda ni 300.000 wa vavanuna va tinxaka tin’wani ta Israyele.
9 Kutani va byela vavanuna lava a va rhumiwile va ku: “Mi fanele mi ya byela vavanuna va le Yabexi aJiliyadi mi ku: ‘Mundzuku, a nkama dlambu li nga ta sungula ku hisa, mi ta ponisiwa.’” Vavanuna lava a va rhumiwile va fika va byela vavanuna va le Yabexi leswi va nga byeliwa swona, se vavanuna va le Yabexi va tsaka hintamu.
10 Kutani vavanuna va le Yabexi va hlamula Nahaxi va ku: “Mundzuku hi ta tinyikela ka n’wina, mi nga yendla swin’wani ni swin’wani mi swi lavaka hi hina.”+
11 Hi mundzuku ka kona, Sawulo a yava vanhu va va mintlawa yinharhu ya masonchwa, se va nghena ka matende ya Vaamoni+ na dlambu li nga se xa* va va dlayetela anze ninhlikanhi. Lava nga pona va hangalakile, mun’wani ni mun’wani a baleka na a li yexe.
12 Se vanhu va vutisa Samuwele va ku: “Va kwini vanhu hinkwavu lava a va ku: ‘Indjhe Sawulo a ta va hosi ya hina?’+ Hi nyikeni vavanuna volavo hi ta va dlaya.”
13 Kambe Sawulo a ku: “Namuntlha a ku nga ta dlayiwa munhu, hikusa namuntlha+ Yehovha a ponise Vayisrayele.”
14 A gama Samuwele a byela vanhu a ku: “Tanani, a hi fambeni aJiligali+ hi ya tiyisa swaku Sawulo i hosi.”+
15 Kutani vanhu hinkwavu va ya Jiligali, va fika va veka Sawulo swaku a va hosi phambheni ka Yehovha. Va gama va yendla magandzelo ya ku kombela ku rhula phambheni ka Yehovha,+ se Sawulo ni vavanuna hinkwavu va Israyele va kulungela na va tsakile swinene.+
Tinhlamunselu ta le hansi
^ Ku nga kolomuyani ka ma 02:00 ku ya ka ma 06:00.
