Samuwele Wa Ku Sungula 27:1-12
-
Davhida a nyikiwa doropa la Zikilagi hi Vafilista (1-12)
27 Davhida a tibyela hi ndzeni ka mbilu a ku: “Sawulo a ta za a ni dlaya. Swa yampsa ni baleka+ ni ya ka tiko la Vafilista; se Sawulo a ta tshika ku ni lavetela ka tiko hinkwalu la Israyele,+ hi swoleswo ni nga ta ponisa xiswona.”
2 Kutani Davhida a famba ni 600 wa vanhu+ lava a a li na vona va ya ka Akixi+ n’wana wa Mawoki, lweyi a a li hosi ya Gati.
3 Davhida a fika a tshama na Akixi aGati, yena ni vanhu lava a a li na vona, hinkwavu a va ni mindjangu ya vona. Davhida a a ni vasati va yena vambirhi, Ahinowami+ wa Yezreyeli na Abigayili+ wa Karmeli lweyi a a li nsati wa Nabali lweyi a nga fa.
4 Nkama Sawulo a nga twa swaku Davhida a balekile a ya Gati, a tshike ku mu lavetela.+
5 Se Davhida a byela Akixi a ku: “Loko u swi lava ni nyiki ndhawu ya ku tshama ka yona, ka lin’we la madoropa ya wena swaku ni ta tshama kona. A ni vona swi yampsa ni nga tshami ka doropa leli wena hosi u tshamaka ka lona.”
6 Kutani hi siku lolelo, Akixi a mu nyika doropa leli vitawaka Zikilagi.+ Hi leswo swi nga yendla swaku doropa la Zikilagi li lumba tihosi ta Yuda anze namuntlha.
7 Davhida a tshame lembe lin’we ni 4 wa tiwheti ka tiko la Vafilista.+
8 Davhida a a famba ni vanhu va yena va ya hlasela Vajesuri,+ Vajirizi ni Vaamaleki,+ hikusa a va tshama ka tiko leli a li sukela aTelami anze Xuri+ ni ku ya fika ka tiko la Gibita.
9 A nkama Davhida a a hlasela tiko, a a dlaya vavanuna ni vavasati hinkwavu+ a tlhela a teka tinyempfu, tihomu, timbongolo, makamela ni mpahla. A gama a tlhela a ya ka Akixi.
10 Loko Akixi a mu vutisa a ku: “Mi dumele kwini namuntlha?” Davhida a a mu hlamula a ku: “Hi dumele a sul* ka tiko la Yuda”*+ kumbe “a sul ka tiko la Vajeramiyele”+ kumbe “a sul ka tiko la Vakena.”+
11 Davhida a a dlaya vavanuna ni vavasati hinkwavu swaku a nga fambi na vona aGati, hikusa a a tibyela a ku: “Va nga fika va ku: ‘Davhida a hi yendli leswi, se va hi dlayisa.’” (Hi leswo Davhida a a swi yendla nkama na a tshama ka tiko la Vafilista.)
12 Kutani Akixi a tshemba Davhida, a tlhela a tibyela a ku: ‘Davhida a tinyenyisile ka tiko la yena la Israyele, se a ta ni tirhela wutomi la yena hinkwalu.’
