Tihosi Ta Ku Sungula 6:1-38
6 Solomoni a sungule ku yakela Yehovha* a tempele+ hi lembe la wu 480, na Vayisrayele se va humile ka tiko la Gibita;+ a ku li lembe la wu 4 la ku fuma ka yena aIsrayele, hi wheti ya Zivhi,*+ (ku nga wheti ya wumbirhi).
2 Tempele leyi Hosi Solomoni a nga yi yakela Yehovha a yi tshamise leswi: A yi lehe 27 wa mametru,* yi yanama 8,9 wa mametru,* yi tlhela yi tlakuka 13,4 wa mametru.*+
3 A vharanda+ leli a li li phambheni ka tempele* a li ni 8,9 wa mametru, ku fana ni ku yanama ka tempele.* A li ni 4,5 wa mametru loko u li pima ku sukela aphambheni ka tempele.*
4 A hambe majanela+ ya ku lala,
5 a tlhela a yaka khumbi ka matlhelo hinkwawu ya tempele* ni Ndhawu Ya Ku Kwetsima Hintamu+ naswona a yake ni makwartu lawa a ma rhendzele tempele.+
6 Makwartu ya le hansi lawa a ma li matlhelweni ka tempele* a ma yaname kolomuyani ka 2 wa mametru, a ya xikarhi a ma ni kolomuyani ka 3 wa mametru, kasi ya le henhla a ma ni kolomuyani ka 3 wa mametru. A yendle swa ku tiyisa matlhelo hinkwawu ya khumbi swaku timhandzi ti nga tlhomiwi ka makhumbi ya tempele.*+
7 Tempele yi yakiwe hi maribye lawa se a ma lulamiseliwile,+ a ku nga twali guwa la tihamela kumbe mabewula kumbe minchumu yin’wanyani ya nsimbi a nkama na yi yakiwa.
8 Nyanghwa wa masala lawa a ma li hansi a wu li ka tlhelo la sul* la tempele;+ a ku ni swikada leswi a swi ya ka makwartu ya xikarhi swi tlhela swi famba anze ka makwartu ya le henhla.
9 A tame a yaka tempele anze yi hela,+ a yi fulela hi timhandzi ni mapulangu ya minsinya ya mikedari.+
10 A yake makwartu ka matlhelo hinkwawu ya tempele,*+ kwartu ha lin’we a li lehe kolomuyani ka 2 wa mametru, naswona makwartu a ma tlhavinyetiwe ni tempele* hi timhandzi ta mikedari.
11 Hi nkama wolowo, Yehovha a byela Solomoni, a ku:
12 “Mayelana ni tempele leyi u yi yakaka, loko wo yingisa minawu ya mina ni swiboho swa mina hinkwaswu swa ku yavanyisa,+ ni ta ku yendlela leswi ni nga tshembisa papayi wa wena Davhida,+
13 naswona ni ta va ni Vayisrayele.+ A ni nga ta va tshika vanhu va mina, ku nga Vayisrayele.”+
14 Solomoni a tama a yaka tempele swaku a ta yi heta.
15 A yake makhumbi ya le ndzeni ya tempele* hi mapulangu ya minsinya ya mikedari, a pfala makhumbi ya le ndzeni hi mapulangu ku sukela ahansi anze henhla, kasi ahansi a veke mapulangu ya yunipa.+
16 A tlhela a pima kolomuyani ka 9 wa mametru ku sukela ka khumbi la le ndzhaku la tempele, a yendla kwartu+ hi mapulangu ya mikedari, a li yake ku sukela ahansi anze henhla, a gama a li yendla Ndhawu Ya Ku Kwetsima Hintamu.+
17 A tempele,*+ ku nga xiyenge lexi a xi li phambheni, a yi ni kolomuyani ka 18 wa mametru.
18 Ka mapulangu ya mikedari lawa a ma li ndzeni ka tempele* a ku yendliwe swifaniso swa marhanga*+ ni swa swiluva.+ Hinkwaswu a swi yendliwe hi mapulangu ya mikedari; maribye a ma nga voneki.
19 A tlhela a lulamisela Ndhawu Ya Ku Kwetsima Hintamu+ andzeni ka tempele, swaku a ta veka areka ya ntwananu wa Yehovha.+
20 A Ndhawu Ya Ku Kwetsima Hintamu a yi ni kolomuyani ka 9 wa mametru ka matlhelo hinkwawu, naswona a yi lehe kolomuyani ka 9 wa mametru;+ a a yi namarhete hi woru la ku tenga a thela a namarheta altari+ hi mapulangu ya mikedari.
21 Solomoni a namarhete ndzeni ka tempele* hi woru la ku tenga,+ a tlhela a veka machini ya woru phambheni ka Ndhawu Ya Ku Kwetsima Hintamu,+ leyi na yona a yi namarhetiwile hi woru.
22 A namarhete tempele* hinkwayu hi woru anze yi hela a tlhela a namarheta woru ka altari+ leli a li li kusuhi ni Ndhawu Ya Ku Kwetsima Hintamu.
23 Ka Ndhawu Ya Ku Kwetsima Hintamu a yendle makerubu+ mambirhi hi mapulangu ya nsinya wa nzululwani,* a kerubu ha lin’we a li lehe kolomuyani ka 5 wa mametru.+
24 Limpapa ha lin’we la kerubu a li lehe kolomuyani ka 2 wa mametru. Ku suka a wugamu ka limpapa lin’we anze wugamu ka limpapa lelin’wani a ku ni kolomuyani ka 5 wa mametru.
25 Kerubu la wumbirhi na lona a li lehe kolomuyani ka 5 wa mametru. Makerubu hamambirhi a ma fana naswona a ma ringana.
26 Kerubu lin’we a li lehe kolomuyani ka 5 wa mametru, naswona a li ringana ni lelin’wanyani.
27 Se a teka makerubu+ a ma veka ka Ndhawu Ya Ku Kwetsima Hintamu. Timpapa ta makerubu a ti pfulekile, limpapa la kerubu lin’we a li khumba ka tlhelo lelin’wani la khumbi, limpapa la kerubu lelin’wani na lona a li khumba ka tlhelo lelin’wani la khumbi. Kasi timpapa letin’wani a ti khumbana.
28 Se a namarheta woru ka makerubu.
29 A yendle swifaniso swa makerubu,+ swa minsinya ya mintxindzu+ ni swa swiluva,+ ka makhumbi hinkwawu ya Ndhawu Ya Ku Kwetsima Hintamu ni Ndhawu Ya ku Kwetsima.
30 A namarheta woru ahansi ka Ndhawu Ya Ku Kwetsima Hintamu ni Ndhawu Ya Ku Kwetsima.
31 Ka nyanghwa wa Ndhawu Ya Ku Kwetsima Hintamu a yendle swipfalu hi mapulangu ya nsinya wa nzululwani, mapilari ya matlhelweni ni maaru ya swipfalu, ku nga xiyenge* xa wu 5.
32 Swipfalu swoleswo swa swimbirhi a swi yendliwe hi mapulangu ya nsinya wa nzululwani, ka swona a ku yendliwe swifaniso swa makerubu ni swifaniso swa minsinya ya mintxindzu ni swiluva, a gama a namarheta woru ka swipfalu leswo swa swimbirhi, ka makerubu ni ka swifaniso swa minsinya ya mintxindzu.
33 Ka xiyenge* xa wu 4 xa nyanghwa wa tempele,* a yendle maaru hi mapulangu ya nsinya wa nzululwani ku fana ni leswi a nga swi yendlisa swona ka maaru laman’wani.
34 A tlhele a yendla swipfalu swimbirhi hi mapulangu ya nsinya wa yunipa. Swipfalu hi swimbirhi a swi kota ku pfuleka swi ya ndzeni ni handle.+
35 Ka swipfalu a yendle swifaniso swa makerubu ni swifaniso swa minsinya ya mintxindzu ni swiluva, a gama a swi namarheta a woru.
36 A yake muru swaku a pfala kintari+ lowu nga kusuhi ni tempele hi mafila manharhu* ya maribye lawa ma nga tsemiwa kahle ni timhandzi ta minsinya ya mikedari.+
37 A tempele ya Yehovha yi sungule ku yakiwa+ hi wheti ya Zivhi* hi lembe la wu 4;
38 se hi lembe la wu 11, hi wheti ya Bulu* (ku nga wheti ya wu 8), a tempele yi hetiwe ku yakiwa hi ku landza leswi a yi fanele yi yakisiwa xiswona.+ Solomoni a hete 7 wa malembe na a yi yaka.
Tinhlamunselu ta le hansi
^ Vona Xiyengetelo B15.
^ Vona Xiyengetelo B8.
^ Hi Xiheberu: “60 wa swisungunu”. Vona Xiyengetelo B14.
^ Hi Xiheberu: “20 wa swisungunu”. Vona Xiyengetelo B14.
^ Hi Xiheberu: “30 wa swisungunu.” Vona Xiyengetelo B14.
^ Lani swi tikomba ku vulavuliwa hi Ndhawu Ya Ku Kwetsima.
^ Hi Xiheberu: “20 wa swisungunu.” Vona Xiyengetelo B14.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Hi Xiheberu: “tlhelo la xinene”.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima leyi a yi li phambheni ka Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ I nchumu xa ku fana ni kwembe kumbe abóbora, kambe na xi li xitsongo.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Ku nga Ndhawu Ya Ku Kwetsima ni Ndhawu Ya Ku Kwetsima Hintamu.
^ Kumbe: “pinyeru”.
^ Swi nga yendleka ku vulavuliwa hi ku yendliwa ka maaru ya swipfalu kumbe mpimu wa wona.
^ Swi nga yendleka ku vulavuliwa hi ku yendliwa ka maaru ya swipfalu kumbe mpimu wa wona.
^ Ku vulavuliwa hi Ndhawu Ya Ku Kwetsima.
^ Kumbe: “mafiyada manharhu”.
^ Vona Xiyengetelo B15.
^ Vona Xiyengetelo B15.