Tikronika Ta Ku Sungula 14:1-17
14 Hirami+ hosi ya Tiru a rhuma vanhu swaku va ya ka Davhida a tlhela a rhumela timhandzi ta minsinya ya mikedari, ni vakarpinteru ni vayaki va tiyindlo* swaku va yakela Davhida yindlo ya wuhosi.+
2 Davhida a vhela a swi vona swaku Yehovha a tiyise wuhosi la yena aIsrayele,+ ni leswaku a tlakuse mfumu wa yena hi mhaka ya vanhu va Yena, ku nga Vayisrayele.+
3 Nkama Davhida a nga ya tshama aYerusalema a fike a teka vavasati van’wani+ a gama a va ni vana va madjaha ni va tintombhi.+
4 Vana lava a nga psaleliwa vona aYerusalema+ a ku li Xamuwa, Xobabi, Natani,+ Solomoni,+
5 Ibari, Elixuwa, Elipeleti,
6 Noga, Nefegi, Yafiya,
7 Elixama, Beliyada na Elifeleti.
8 Nkama Vafilista va nga twa swaku Davhida a langiwile swaku a va hosi ya tiko hinkwalu la Israyele,+ va tile hinkwavu va ta mu lavetela.+ Nkama Davhida a nga swi twa, a humile swaku a ya lwa na vona.
9 Loko Vafilista va fikile, va tshamela ku hlasela lava a va tshama ka Nkova wa Refayimi.+
10 Davhida a vutisa Xikwembu a ku: “Ni nga famba ni ya lwa ni Vafilista? U ta ni pfuna swaku ni va hlula?” Yehovha a hlamula Davhida a ku: “Famba hikusa ni ta ku pfuna swaku u va hlula.”+
11 Kutani Davhida a fika aBali-Perazimi,+ a dlayetela Vafilista kolanu. A gama a ku: “Xikwembu xa ntiyiso xi wise valala va mina hi ku tirhisa mina, ku fana ni muru lowu wisiwaka hi mati.” Hi leswo swi nga yendla va chula ndhawu liyani swaku i Bali-Perazimi.*
12 Vafilista va baleka va siya swikwembu swa vona kolanu, Davhida a gama a rhuma vanhu swaku va swi hisa hi ndzilu.+
13 Hi ku famba ka nkama Vafilista va tlhela va vuya va hlasela vanhu lava a va tshama ka Nkova wa Refayimi.+
14 Kutani Davhida a tlhela a vutisa Xikwembu xa ntiyiso swaku a nga ya a ya lwa na vona ke, kambe Xikwembu xa ntiyiso xi mu hlamula xi ku: “U nga va yeli hi phambheni, va yeli hi ndzhaku u fika u lwa na vona ka minsinya ya baka.+
15 Loko u twa masonchwa na ma fambafamba ka minsinya ya baka, vhela u ma hlasela hikusa mina Xikwembu xa ntiyiso ni ta va se ni ku rhangelile swaku u ya dlaya masonchwa ya Vafilista.”+
16 Se Davhida a yendla leswi Xikwembu xa ntiyiso xi nga mu byela swona,+ va dlaya masonchwa ya Vafilista ku sukela aGibiyoni anze Jezeri.+
17 Ndhuma ya Davhida yi hangalaka hinkwaku, Yehovha a yendla swaku vanhu va matiko hinkwawu va mu chava.+
