Tikronika Ta Ku Sungula 18:1-17
18 Hi ku famba ka nkama Davhida a lwe ni Vafilista a va hlula, a gama a va tekela doropa la Gati+ ni swidoropani leswi nga kusuhi na lona.+
2 A hlule Vamowabu,+ se Vamowabu va tirhela Davhida va tlhela va hakela rhesa.*+
3 Davhida a tlhele a hlula Hosi Adadezeri+ wa le Zoba+ akusuhi ni Amati+ lweyi a a ya ka Nambu wa Ewufrata a ya tiyisa wuhosi la yena.+
4 Davhida a mu tekele 1.000 wa tinyolo* ni 7.000 wa masonchwa lawa a ma famba hi makavhalu ni 20.000 wa masonchwa lawa a ma famba hi minenge.+ Davhida a gama a tsema minsiha ya makavhalu lawa a ma koka tinyolo, a siya 100 wa wona ntsena.+
5 A nkama Vasiriya lava a va tshama Damaxka va nga ta va ta pfuna Adadezeri hosi ya Zoba, Davhida a dlaye 22.000 wa vona.+
6 Kutani Davhida a veka masonchwa aSiriya wa Damaxka; leswo swi yendle leswaku Vasiriya va tirhela Davhida va tlhela va hakela rhesa. Yehovha a a nyika Davhida matimba ya ku hlula hinkwaku lomu a a ya a ya lwa kona.+
7 Se Davhida a gama a teka swivhikelo swa redondu swa ku yendliwa hi woru ka vatirhi va Adadezeri a famba na swona aYerusalema.
8 Hosi Davhida a teke kobre la linyingi hintamu ka madoropa ya Adadezeri, ku sukela aTibati ni Kuni. Solomoni a yendle tanki la mati la kobre+ ni mapilari ni swin’wani hi ku tirhisa kobre leli.+
9 Kutani Toyi hosi ya Amati a twa swaku Davhida a hlule masonchwa hinkwawu ya Adadezeri+ hosi ya Zoba.+
10 Hi ku kahlula a rhuma n’wana wa yena Adorami swaku a ya ka Hosi Davhida a ya mu pfuxela a tlhela a mu khensa hi mhaka ya leswi a nga lwa na Adadezeri a tlhela a mu hlula, funtshi a a mu nyikete a prata, woru ni kobre swaku a ya swi nyika Davhida, (hikusa Adadezeri a a tshamela ku lwa na Toyi).
11 Se Hosi Davhida a nyika Yehovha+ minchumu hinkwayu ku patsa ni prata ni woru leswi a nga swi teka ka matiko hinkwawu lawa a nga ma hlula. Leswi a nga nyikela hi swona a swi teke aEdomu ni Mowabu, ka Vaamoni,+ ka Vafilista+ ni Vaamaleki.+
12 Abixayi+ n’wana wa Zeruya+ a dlaya 18.000 wa Vaedomu ka Nkova wa Munyu.+
13 A game a veka masonchwa aEdomu, kutani Vaedomu hinkwavu va mu tirhela.+ Yehovha a a yendla swaku Davhida a hlula hinkwaku lomu a a ya lwa kona.+
14 Davhida a tama a fuma tiko hinkwalu la Israyele,+ a tlhela a va yavanyisa kahle vanhu hinkwavu.+
15 Yowabu n’wana wa Zeruya a a li murhangeli wa masonchwa,+ kasi Yehoxafati+ n’wana wa Ayiludi a a tsala hinkwaswu leswi a swi yendleka.
16 Zadoki n’wana wa Ayitubi na Ahimeleki n’wana wa Abiyatari a va li vaprista, kasi Xavhixa a a li sekretariyu.*
17 Benaya n’wana wa Yoyada a a li murhangeli wa vagwardu*+ va Davhida. Kasi vana va Davhida a va li varhangeli vavakulu.
Tinhlamunselu ta le hansi
^ Kumbe: “impoxtu; tinemba.”
^ Kumbe: “tin’qolo; makalichi”.
^ Kumbe: “matsalana; mabalani.”
^ Hi Xiheberu: “Vakereti ni Vapeleti”.
