Tikronika Ta Ku Sungula 21:1-30
21 Se Sathana* a lwa ni Vayisrayele a gama a xengetela Davhida swaku a konta Vayisrayele.+
2 Kutani Davhida a byela Yowabu+ ni varhangeli van’wani a ku: “Fambani mi ya konta Vayisrayele ku sukela aBerxeba ku ya fika Dani,+ mi gama mi vuya mi ta ni byela ni ta tiva swaku i vangani.”
3 Kambe Yowabu a ku: “Yehovha a a yengeseli vanhu va yena ka 100. Wena hosi ya mina, vanhu lava hinkwavu a hi vatirhi va wena? Kambe hi mhaka muni wena hosi u lava ku yendla leswo? Hi mhaka muni u lava ku djohisa Vayisrayele?”
4 Kambe hosi yi yalile ku yendla leswi Yowabu a nga swi hlaya. Se Yowabu a suka a ya konta vanhu hinkwavu ka tiko la Israyele, nkama a nga heta, a tlhela aYerusalema.+
5 Kutani Yowabu a byela Davhida swaku lava a nga va konta a va li vangani. A Israyele a ku ni 1.100.000* wa tinhenha leti a ti ni swipada, kasi aYuda a ku ni 470.000 wa masonchwa lawa a ma ni swipada.+
6 Kambe Valevhi ni va ka Benjamini a va kontiwanga,+ hikusa leswi swi nga hlayiwa hi hosi a swi mu nyenyentsa Yowabu.+
7 Leswi, a swi nga xi tsakisi Xikwembu xa ntiyiso, se xi khatisa Vayisrayele.
8 Davhida a gama a byela Xikwembu xa ntiyiso a ku: “Ni djohe+ hintamu hi ku yendla leswi. Ni kombela u ni rivalela+ hikusa leswi ni nga swi yendla i wuphunta lalikulu.”+
9 Yehovha a vulavula na Gadi,+ lweyi a a vona minchumu ya ku hlamalisa hi ndlela ya singita,* a gama a yi byela Davhida a ku:
10 “Famba u ya byela Davhida u ku: ‘Yehovha a li: “Ku ni minchumu yinharhu ni nga ta ku khatisa hi yona. Langa swaku u lava ku khatisiwa hi xini xa kona.”’”
11 Gadi a gama a famba a fika ka Davhida a ku: “Yehovha a li: ‘Tilangele!
12 U lava swaku ku va ni ndlala malembe manharhu,+ kumbe u balekela xipada xa valala va wena tiwheti tinharhu,+ kumbe u khatisiwa hi xipada xa Yehovha masiku manharhu, lani ku nga ta va ni mavabyi atikweni+ ni ntsumi ya Yehovha yi nga ta helisa+ vanhu ka tiko hinkwalu la Israyele?’ Pimisa hi mhaka leyi swaku ni ta kota ku hlamula Lweyi a nga ni rhuma.”
13 Se Davhida a hlamula Gadi a ku: “Swi ni vava hintamu. Ni kombela u nga ni tshiki ni khatisiwa hi vanhu,+ swa yampsa ni khatisiwa hi Yehovha hikusa a ni timpsalu tatikulu hintamu.”+
14 Se Yehovha a yendla swaku ku va ni mavabyi+ aIsrayele lawa ma nga dlaya 70.000 wa vanhu.+
15 Se Xikwembu xa ntiyiso xi rhuma ntsumi swaku yi helisa Yerusalema; kambe nkama a yi li kusuhi ni ku yendla leswo, Yehovha a swi vona a gama a twa ku vava hi mhaka ya khombo leli,+ se a byela ntsumi leyi a yi helisa vanhu a ku: “Nyima!+ Xixa voko la wena.” Ntsumi ya Yehovha a yi nyime kusuhi ni ndhawu leyi ku phepheriwaka minchumu ka yona. Ndhawu leyi a yi li ya Orinani+ wa Muyebusi.+
16 Nkama Davhida a nga txuvuka, a vone ntsumi ya Yehovha na yi nyime xikarhi ka misava ni matilo, na yi khome xipada+ yi tlhela yi kombeta Yerusalema hi xona. Se Davhida ni madoda va titxukumetela hansi, tinghohe* ta vona ti txuvuka hansi+ na va timbhonye hi mpahla ya masaka.+
17 Davhida a byela Xikwembu xa ntiyiso a ku: “Hi mina ni nga hlaya swaku ku kontiwa vanhu. Hi mina ni nga djoha. Hi mina ni nga ni nandzu.+ Se vanhu lava va fela yini? Wena Yehovha Xikwembu xa mina, ni kombela u khatisa mina ni ndjangu wa papayi, kambe u nga khatisi vanhu va wena hi mavabyi lawa.”+
18 Se ntsumi ya Yehovha yi rhuma Gadi+ a byela Davhida swaku a famba a ya yakela Yehovha altari ka ndhawu ya ku phepherela ka yona minchumu. Ndhawu leyi a yi li ya Orinani wa Muyebusi.+
19 Se Davhida a yendla leswi Yehovha a nga rhuma Gadi swaku a mu byela swona.
20 Hi nkama wolowo, Orinani a ndzuluka se a vona ntsumi, kutani 4 wa vana va yena lava a va li na yena va tumbela. Orinani a a li ku phephereni ka trigu.
21 Nkama Davhida a nga ya ka yena, Orinani a vona Davhida, se a tekela ku huma ka ndhawu leyi a ku phepheriwa ka yona a fika a khizama phambheni ka Davhida a txuvuka hansi.
22 Davhida a byela Orinani a ku: “Ni xaviseli ndhawu leyi ya ku phephera ka yona minchumu, ni lava ku yakela Yehovha altari swaku mavabyi lawa ma nga kona ma hela. Ni xavisele yona hi male leyi yi faneleke yi xavisiwa hi yona.”+
23 Kambe Orinani a byela Davhida a ku: “Hosi ya mina, yi teki, u yendla leswi u swi lavaka, ni tihomu swaku u nyikela hi tona gandzelo la ku hisiwa, hi leti, ni mapulangu ya xileyi* xa ku hula hi xona+ swaku u ta tshivela hi wona ndzilu ni trigu swaku u ta yendla hi lona magandzelo ya swakudla. Ni ku nyika hinkwaswu.”
24 Kambe Hosi Davhida a byela Orinani a ku: “Ihim, ni xaviseli hi male leyi yi faneleke yi xavisiwa hi yona, hikusa a ni nge teki minchumu ya wena ni nyika Yehovha kumbe ni yendla magandzelo ya ku hisiwa hi minchumu ya ku nyikiwa.”+
25 Se Davhida a nyika Orinani 600 wa swikhemu* swa woru leswi a swi peziwile swaku a xava ndhawu yoleyo.
26 Davhida a gama a yakela Yehovha altari+ kolanu, a yendla magandzelo ya ku hisiwa ni magandzelo ya ku kombela ku rhula; a tlhele a vitana Yehovha lweyi a nga mu hlamula hi ku rhumela ndzilu+ lowu a wu ta hi tilweni wu ta henhla ka altari ya gandzelo la ku hisiwa.
27 Kutani Yehovha a byela ntsumi+ swaku yi tlhelisa xipada ka ndhawu ya xona.
28 Nkama Davhida a nga vona swaku Yehovha a mu hlamulile ka ndhawu leyi a ku phepheriwa ka yona leyi a yi li ya Orinani wa Muyebusi, a tame a nyikela magandzelo kolanu.
29 Kambe tabernakela ya Yehovha leyi Moxe a nga yi yendla amananga ni altari la gandzelo la ku hisiwa, a swi li ka ndhawu ya ku tlakuka aGibiyoni hi nkama wolowo.+
30 Kambe Davhida a nga swi kotanga ku ya kohala swaku a ya vutisa Xikwembu hikusa a a chava xipada xa ntsumi ya Yehovha.
Tinhlamunselu ta le hansi
^ Kumbexana: “Mulumbeti”.
^ Kumbe: “um milhão e cem mil”.
^ Hi Xiheberu: “muvoni wa swivono”.
^ Kumbe: “makara ya”.
^ Ku nga nchumu xa ku yendliwa hi xigodo lexi a va hula hi xona va tlhela va pakela ka xona minchumu. A xi kokiwa hi swiharhi.
^ Hi Xiheberu: “tixikele”. Vona Xiyengetelo B14.
