Tikronika Ta Ku Sungula 24:1-31
24 Vatukulu va Aroni a va yaviwe hi ku ya hi mintlawa ya vona: Vana va Aroni a ku li Nadabi, Abiyu,+ Eliyazari na Itamari.+
2 Kambe Nadabi na Abiyu va fe na papayi wa vona+ a ha hanya naswona a va zanga va va ni vana; kambe Eliyazari+ na Itamari va tame va va vaprista.
3 Kutani Davhida na Zadoki+ lava a va li vandjangu wa ka Eliyazari na Ahimeleki wa ndjangu wa ka Itamari va sungula ku va yava hi mintlawa hi ku ya hi mintirho ya vona.
4 Leswi vana va Eliyazari a va li ni varhangeli va vanyingi ku tlula vana va Itamari, va yaviwe hi ndlela leyi: Varhangeli va mindjangu ya vana va Eliyazari a va li 16, kasi varhangeli va mindjangu ya vana va Itamari a va li 8.
5 Kutani ku hoxiwe swiribyani*+ swaku ku yaviwa mintlawa hayimbirhi hikusa a ku li ni varhangeli va ndhawu ya ku kwetsima ni varhangeli lava a va tirhela Xikwembu xa ntiyiso, hinkwavu lava a va psaliwa hi vana va Eliyazari ni vana va Itamari.
6 Se Xemaya n’wana wa Nataneli sekretariyu* wa Valevhi a tsala mavito ya vona na a voniwa hi hosi, varhangeli, muprista Zadoki,+ Ahimeleki+ n’wana wa Abiyatari+ ni varhangeli va mindjangu ya vaprista ni ya Valevhi. Ku langiwe murhangeli mun’we ka ndjangu wa Eliyazari ni murhangeli mun’we ka ndjangu wa Itamari.
7 Xiribyani* xa ku sungula xi kombe Yoyaribi; xa wumbirhi xi kombe Yedaya,
8 xa wunharhu xi kombe Harimi, xa wu 4 xi kombe Seworimi,
9 xa wu 5 xi kombe Malikiya, xa wu 6 xi kombe Mijamini,
10 xa wu 7 xi kombe Hakozi, xa wu 8 xi kombe Abiya,+
11 xa wu 9 xi kombe Yexuwa, xa wu 10 xi kombe Xekaniya,
12 xa wu 11 xi kombe Eliyaxibi, xa wu 12 xi kombe Yakimi,
13 xa wu 13 xi kombe Upa, xa wu 14 xi kombe Yexebayabe,
14 xa wu 15 xi kombe Biligaya, xa wu 16 xi kombe Imiri,
15 xa wu 17 xi kombe Eziri, xa wu 18 xi kombe Apizezi,
16 xa wu 19 xi kombe Petahiya, xa wu 20 xi kombe Yeyezikeli,
17 xa wu 21 xi kombe Yakini, xa wu 22 xi kombe Gamuli,
18 xa wu 23 xi kombe Delayi, xa wu 24 xi kombe Maziya.
19 Hi leswi a va fanele va tirhisa swona+ loko va nghena ka yindlo ya Yehovha hi ku ya hi nawu lowu a wu vekiwe hi Aroni vhovho wa vona, hi ku landza leswi Yehovha Xikwembu xa Israyele a nga mu byela swona.
20 Valevhi van’wani lava a va salile hi lava: Ka vana va Amirami+ a ku na Xubayeli;+ ka vana va Xubayeli a ku na Yeyadeya;
21 ka vana va Rehabiya,+ Ixaya a a li murhangeli;
22 ka Vaizari, Xelomoti+ a a li murhangeli; ka vana va Xelomoti, Yahati a a li murhangeli;
23 ka vana va Hebroni, Yeriya+ a a li murhangeli, Amariya a a li wa wumbirhi, Yahaziyele a a li wa wunharhu, Yekamiyami a a li wa wu 4;
24 ka vana va Uziyeli, Mikiya a a li murhangeli; ka vana va Mikiya, Xamiri a a li murhangeli.
25 Makwavu wa Mikiya a ku li Ixaya; ka vana va Ixaya, Zakariya a a li murhangeli.
26 Vana va Merari+ a ku li Mahili na Muxi; ka vana va Yaziya, Benu a a li murhangeli.
27 ka vana va Merari: Yaziya a a li papayi wa Benu, Xohami, Zakuri na Ibiri;
28 ka Mahili, a ku li na Eliyazari kambe a nga vanga na vana va madjaha;+
29 ka vana va Kixi, Jeramiyele a a li murhangeli;
30 vana va Muxi a ku li Mahili, Ederi na Yerimoti.
Lava, a ku li vana va Levhi hi ku ya hi varhangeli va mindjangu ya vona.
31 Na vona va hoxe swiribyani*+ ku fana ni leswi nga yendliwa hi vamakwavu va vona ku nga vana va Aroni phambheni ka Hosi Davhida, Zadoki, Ahimeleki ni varhangeli va mindjangu ya vaprista ni Valevhi. Ka varhangeli va mindjangu, wamukulu a a fana ni wamutsongo.
Tinhlamunselu ta le hansi
^ Vona Ntlhamuselo.
^ Kumbe: “matsalana; mabalani”.
^ Vona Ntlhamuselo.
^ Vona Ntlhamuselo.
