Tikronika Ta Ku Sungula 27:1-34
-
Lava a va tirhela hosi (1-34)
27 Leyi i numeru ya Vayisrayele, varhangeli va mindjangu, varhangeli va mintlawa ya 1.000 wa vanhu, varhangeli va mintlawa ya 100 wa vanhu+ ni varhangeli van’wani lava a va yendlela hosi mintirho+ ya ku fambelana ni ku yava vanhu, lava a va ta va tlhela va famba wheti ni wheti lembe hinkwalu; ntlawa wun’wani ni wun’wani a wu ni 24.000 wa vanhu.
2 Yaxobeyami+ n’wana wa Zabidiyele a a rhangela ntlawa wa wheti ya ku sungula, ntlawa wa yena a wu ni 24.000 wa vanhu.
3 Ka vana va Farezi,+ Yaxobeyami a a li murhangeli wa lava a va rhangela mintlawa yayitsongo, lava a va yaveliwe ku tirha ka wheti ya ku sungula.
4 Dodayi+ wa le Ahowi+ a a li murhangeli ka ntlawa lowu a wu yaveliwe ku tirha ka wheti ya wumbirhi, yena a a pfunisiwa hi Mikiloti; ntlawa wa yena a wu ni 24.000 wa vanhu.
5 Benaya+ n’wana wa Yoyada+ murhangeli wa vaprista, a a li murhangeli wa ntlawa wa wunharhu lowu a wu yaveliwe ku tirha hi wheti ya wunharhu; ntlawa wa yena a wu ni 24.000 wa vanhu.
6 Benaya a a li mun’we wa 30 wa masonchwa ya matimba funtshi hi yena a a li murhangeli wa wona, Amizabadi n’wana wa yena a a mu pfuna ku rhangela ntlawa wa yena.
7 Murhangeli wa wu 4 lweyi a a rhangela hi wheti ya wu 4 a ku li Azayeli,+ makwavu wa Yowabu+ lweyi a nga gama a pfaletiwa hi Zebadiya n’wana wa yena; ntlawa wa yena a wu ni 24.000 wa vanhu.
8 Murhangeli wa wu 5 lweyi a a tirha ka wheti ya wu 5 a ku li Xamihuti wa Muyiziraya; ntlawa wa yena a wu ni 24.000 wa vanhu.
9 Murhangeli wa wu 6 lweyi a a tirha ka wheti ya wu 6 a ku li Ira+ n’wana wa Ikexi wa le Tekowa;+ ntlawa wa yena a wu ni 24.000 wa vanhu.
10 Murhangeli wa wu 7 lweyi a a tirha ka wheti ya wu 7 a ku li Elezi+ wa le Peloni wa va ka Efrayimi; ntlawa wa yena a wu ni 24.000 wa vanhu.
11 Murhangeli wa wu 8 lweyi a a tirha ka wheti ya wu 8 a ku li Sibekayi+ wa le Huxa wa Muzera;+ ntlawa wa yena a wu ni 24.000 wa vanhu.
12 Murhangeli wa wu 9 lweyi a a tirha ka wheti ya wu 9 a ku li Abiyezeri+ wa le Anatoti+ wa va ka Benjamini; ntlawa wa yena a wu ni 24.000 wa vanhu.
13 Murhangeli wa wu 10 lweyi a a tirha ka wheti ya wu 10 a ku li Maharayi+ wa le Netofa wa va ka Vazera;+ ntlawa wa yena a wu ni 24.000 wa vanhu.
14 Murhangeli wa wu 11 lweyi a a tirha ka wheti ya wu 11 a ku li Benaya+ wa le Piratoni wa va ka Efrayimi; ntlawa wa yena a wu ni 24.000 wa vanhu.
15 Murhangeli wa wu 12 lweyi a a tirha ka wheti ya wu 12 a ku li Eldayi wa le Netofa wa va ka Otiniyele; ntlawa wa yena a wu ni 24.000 wa vanhu.
16 Lava a va li varhangeli va tinxaka ta Israyele: Eliyezere n’wana wa Zikiri, a a li murhangeli wa va ka Rubeni; Xefatiya n’wana wa Maka, a a li murhangeli wa va ka Simiyoni;
17 Axabiya n’wana wa Kemuwele, a a li murhangeli wa va ka Levhi; Zadoki a a li murhangeli wa va ka Aroni;
18 Elihu+ mun’we wa vamakwavu va Davhida, a a li murhangeli wa va ka Yuda; Omiri n’wana wa Mikayele a a li murhangeli wa va ka Isakara;
19 Iximaya n’wana wa Obadiya a a li murhangeli wa va ka Zebuloni; Yerimoti n’wana wa Aziriyeli, a a li murhangeli wa va ka Naftali;
20 Oxeya n’wana wa Azaziya a a li murhangeli wa va ka Efrayimi; Yuwele n’wana wa Pedaya a a li murhangeli wa hafu ya va ka Manasi;
21 Ido n’wana wa Zakariya a a li murhangeli wa hafu leyin’wani ya va ka Manasi leyi a yi li Jiliyadi; Yaziyele n’wana wa Abineri+ a a li murhangeli wa va ka Benjamini;
22 Azareli n’wana wa Yerohamu a a li murhangeli wa va ka Dani. Lava a va li varhangeli va tinxaka ta Israyele.
23 Davhida a nga va kontanga vanhu lava a va ni 20 wa malembe ku ya hansi hikusa Yehovha a a tshembise swaku Vayisrayele a va ta va vanyingi ku fana ni tinyeleti.+
24 Yowabu n’wana wa Zeruya a a sungule ku konta vanhu, kambe a nga ha va hetanga; Xikwembu xi kwatele Vayisrayele hi mhaka ya leswo,+ ni numeru ya kona a yi tsaliwanga ka buku leli vulavulaka hi wutomi la Hosi Davhida.
25 Azimavheti n’wana wa Adiyeli a a hlayisa minchumu ya lisima ya hosi.+ Yonatani n’wana wa Uziya hi yena a a vonelela matshala* amasin’wini, ka doropa, ka swidoropani ni ka maprediyu.*
26 Ezri n’wana wa Kelubi a a vonelela lava a va tirha masin’wini lava a va rima.
27 Ximeyi wa le Rama a a vonelela masimu ya mawuvha; Zabidi wa le Sifimoti a a vonelela ndhawu leyi a ku vekiwa ka yona vhinyu.
28 Bali-Hanani wa le Jeda a a vonelela masimu ya minsinya ya mawolivhera ni ya makuwa*+ leyi a yi li Xefela;+ Yowaxi a a vonelela ndhawu leyi a ku vekiwa ka yona mafurha.
29 Xitrayi wa le Saroni+ a a vonelela tihomu leti a ti dla aSaroni, Xafati n’wana wa Adilayi a a vonelela tihomu leti nga ka nkova.
30 Obili wa va ka Ismayeli a a vonelela makamela; Yeyadeya wa le Meronoti a a vonelela timbongolo.
31 Yazizi wa le Agriti a a vonelela ntlhambi wa tinyempfu. Hinkwavu lava a va li varhangeli lava a va hlayisa minchumu ya Hosi Davhida.
32 Yonatani+ n’wana wa makwavu wa Davhida a a li mutsundzuxi, a a li wanuna wa ku twisisa a tlhela a va sekretariyu,* Yehiyele n’wana wa Takimoni a a hlayisa vana va hosi.+
33 Ayitofeli+ a a li mutsundzuxi wa hosi kasi Huxayi+ wa Muariki a a li munghanu wa yona.
34 Ayitofeli a pfaletiwe hi Yoyada n’wana wa Benaya+ na Abiyatari;+ Yowabu+ a a li murhangeli wa masonchwa ya hosi.
Tinhlamunselu ta le hansi
^ I ndhawu leyi a ku hlayiseliwa ka yona swakudla.
^ Kumbe: “swihondzo; switezi.”
^ Kumbe: “ma figo”.
^ Kumbe: “matsalana; mabalani”.