Tikronika Ta Ku Sungula 9:1-44
9 Vayisrayele hinkwavu a va tsalisiwile hi ku ya hi swib’ongo swa vona funtshi a va tsaliwe ka Buku leli vulavulaka hi Tihosi ta Israyele. Kasi vanhu va Yuda va yisiwe wukaraweni aBabilona hi mhaka ya leswi va kalaka va nga tshembekanga.+
2 Vanhu va ku sungula lava va nga tlhelela makaya ka vona ka madoropa ya vona a ku li van’wani va Vayisrayele, vaprista, Valevhi ni lava a va tirha ka tempele.*+
3 Van’wani va vatukulu va Yuda,+ va Benjamini,+ va Efrayimi ni va Manasi, lava va nga fika va tshama Yerusalema hi lava:
4 Utayi n’wana wa Amiyudi, n’wana wa Omiri, n’wana wa Imri, n’wana wa Bani ntukulu wa Farezi+ n’wana wa Yuda.
5 Ka vana va Xilo, a ku na Asaya lweyi a a li matevula ni vana va yena.
6 Ka vana va Zera,+ a ku na Yewele ni 690 wa vamakwavu va yena.
7 Ka vatukulu va Benjamini, Salilu n’wana wa Mexulami, n’wana wa Odavhiyawi, n’wana wa Asenuwa,
8 Ibneya n’wana wa Yerohamu, Elayi n’wana wa Uzi, n’wana wa Mikiri na Mexulami n’wana wa Xefatiya, n’wana wa Reweli, n’wana wa Ibiniya.
9 Vamakwavu va vona hi ku landzelelana ka vona a va li 956. Vavanuna lava hinkwavu a va li varhangeli va mindjangu ya vona.
10 Ka vaprista a ku li na Yedaya, Yoyaribi, Yakini,+
11 Azariya n’wana wa Hilikiya, n’wana wa Mexulami, n’wana wa Zadoki, n’wana wa Merayoti, n’wana wa Ayitubi, lweyi a a li murhangeli ka yindlo* ya Xikwembu xa ntiyiso,
12 Adaya n’wana wa Yerohamu, n’wana wa Paxahuri, n’wana wa Malikiya, Mazayi n’wana wa Adiyeli, n’wana wa Yahazera, n’wana wa Mexulami, n’wana wa Mexilemiti, n’wana wa Imiri,
13 ni vamakwavu va vona, varhangeli va mindjangu, 1.760 wa vavanuna va matimba, lava va kotaka ku yendla mintirho ya ku hambanahambana ka yindlo ya Xikwembu xa ntiyiso.
14 Ka Valevhi a ku na Xemaya+ n’wana wa Axubi, n’wana wa Azirikami, n’wana wa Axabiya lweyi a a psaliwa hi vatukulu va Merari;
15 na Bakibakari, Erexi, Galali, Mataniya n’wana wa Mika, n’wana wa Zikiri, n’wana wa Azafi,
16 Obadiya n’wana wa Xemaya, n’wana wa Galali, n’wana wa Yedutani na Berekiya n’wana wa Asa, n’wana wa Elkana, lweyi a a tshama ka swidoropani swa Vanetofa.+
17 Lava a va vonelela tinyanghwa+ a ku li Xalumi, Akubi, Talmoni, Ayimani ni makwavu wa vona wa xinuna Xalumi lweyi a a li murhangeli,
18 ku ya fika ka nkama wolowo Xalumi a a vonelela nyanghwa wa hosi lowu nga ka tlhelo la le wuxeni.+ Lava hi lava a va vonelela tinyanghwa ta ku nghena hi tona ka matende ya Valevhi.
19 Xalumi n’wana wa Kore, n’wana wa Ebiyazafi, n’wana wa Kora ni vamakwavu va yena lava a va li varhangeli va mindjangu, ku nga va ka Kora hi vona lava a va vonelela ntirho lowu a wu yendliwa, wa ku vonelela tinyanghwa ta ku nghena hi tona ka tende; vavhovho va vona va tshame va vonelela lani a ku ngheniwa hi kona ka tende la Yehovha.
20 Ka nkama lowu nga hundza Feniyasi+ n’wana wa Eliyazari+ hi yena lweyi a a li murhangeli wa vona funtshi Yehovha a a li na yena.
21 Zakariya+ n’wana wa Mexelemiya a a vonelela nyanghwa wa tende la ntlhanganu.
22 Hinkwavu lava nga langiwa swaku va vonelela tindhawu ta ku nghena hi ka tona a va li 212. A va tshama ka swidoropani swa vona hi ku ya hi leswi a va tsalisiwe xiswona hi swib’ongo swa vona.+ Va langiwe hi Davhida na Samuwele lweyi a a kota ku vona minchumu ya ku hlamalisa hi ndlela ya singita,*+ swaku va yendla ntirho lowu hikusa a va tshembeka.
23 Vona ni vana va vona a va vonelela tinyanghwa ta yindlo ya Yehovha,+ ku nga tabernakela.
24 Lava a va vonelela tinyanghwa a va li ka 4 wa matlhelo: Awuxeni, awupeladlambu, anorte* ni sul.*+
25 Nkama ni nkama vamakwavu va vona a va ta va ta tirha na vona 7 wa masiku.
26 A ku ni 4 wa varhangeli lava a va li vavoneleli va ku tshembeka. A va li Valevhi funtshi a va vonelela masala ya ku dlela ka wona ni minchumu ya lisima leyi nga ka yindlo ya Xikwembu xa ntiyiso.+
27 Niwusiku a va tirha lani va nga rhumiwa kona swaku va vonelela yindlo ya Xikwembu xa ntiyiso funtshi a va ni khiya swaku va pfula yindlo mixo wun’wani ni wun’wani.
28 Van’wani va vona a va hlayisa leswi a swi tirhisiwa+ ka yindlo ya Xikwembu; a va swi konta nkama a swi tekiwa swaku swi ya tirhisiwa ni loko swi vuyisiwa.
29 Van’wani va vona a va hlayisa swibya ku patsa ni swibya swa ku kwetsima,+ mpupu lowu nga siliwa kahle,+ vhinyu,+ mafurha,+ swinun’hwelisu*+ ni mafurha ya balsamu.+
30 Van’wani va vana va vaprista a va yendla mafurha ya balsamu ya ku nunh’wela.
31 Matitiya lweyi a a li Mulevhi, n’wana wa ku sungula wa Xalumi wa va ka Kora, hi yena a a li murhangeli wa lava a va hamba mapawu, mabolu ni swilo swin’wani.+
32 Van’wani va vamakwavu va vona lava va nga Vakohata a va ni ntirho wa ku hamba pawu la ku kwetsima*+ tisavata hinkwatu.+
33 Lava a va yimbelela ka masala ya ku dlela ka wona, lava a va li varhangeli va mindjangu ya Valevhi, a va nga yendli mintirho yin’wani. A va yendla ntirho wa vona wusiku ni nhlikanhi.
34 Lava, a va li varhangeli va mindjangu ya Valevhi hi ku landzelelana ka vatukulu va vona, ku nga varhangeli lava a va tshama Yerusalema.
35 Yeyiyele papayi wa Gibiyoni a a tshama Gibiyoni.+ Vito la nsati wa yena a ku li Maka.
36 N’wana wa yena wa ku sungula a ku li Abidoni ku gama ku landzela Zuri, Kixi, Bali, Neri, Nadabi,
37 Jedori, Ayo, Zakariya na Mikiloti.
38 Mikiloti a ve papayi wa Ximeyami. Hinkwavu a va tshama kusuhi ni vamakwavu va vona aYerusalema ni vamakwavu va vona van’wani.
39 Neri+ a ve papayi wa Kixi; Kixi a ve papayi wa Sawulo;+ Sawulo a ve papayi wa Yonatani,+ Malakixuwa,+ Abinadabi+ na Exibahali.
40 N’wana wa Yonatani a ku li Meribahali.+ Meribahali a ve papayi wa Mikiya.+
41 Vana va Mikiya a ku li Pitoni, Meleki, Tahireya na Akazi.
42 Akazi a ve papayi wa Yara; Yara a ve papayi wa Alemeti, Azimavheti na Zimiri. Zimiri a ve papayi wa Moza.
43 Moza a ve papayi wa Bineya, Bineya a ve papayi wa Refaya, Refaya a ve papayi wa Eliyaza, Eliyaza a ve papayi wa Azeli.
44 Azeli a a ni 6 wa vana, mavito ya vona a ku li Azirikami, Bokeru, Ismayeli, Xeyariya, Obadiya na Hanani. Lava a ku li vana va Azeli.
Tinhlamunselu ta le hansi
^ Kumbe: “Vanetinewu.” Hi Xiheberu: “lava va nga nyikeliwa.”
^ Kumbe: “tempele”.
^ Hi Xiheberu: “muvoni wa swivono”.
^ Kumbe: “dzongeni.”
^ Kumbe: “n’walungu”.
^ Vona Ntlhamuselo.
^ Kumbe: “ku hlawuleka”.
