Timotiya Wa Ku Sungula 3:1-16
3 Mhaka leyi ya tshembeka: Loko munhu a lava ku va doda*+ a navela ntirho wawunene.
2 Doda li fanele li nga na xa ku soliwa hi xona, li va ni nsati mun’we, li pimela ka minchumu hinkwayu, li pimisa kahle,+ li yendla swilo hi ndlela yayinene,* li rhandza ku yamukela vapfhumba,*+ li faneleka ku djondzisa,+
3 li nga vi xidakwa,+ li nga rhandzi ku lwa kambe li pimisela van’wani,+ li nga rhandzi maguwa,+ li nga rhandzi male,+
4 li wu rhangela kahle ndjangu wa lona, naswona vana va lona va li hlonipha hintamu.+
5 (Hikusa loko munhu a tsandzeka ku rhangela ndjangu wa yena, a ta swi kotisa ku yini ku rhangela bandla la Xikwembu?).
6 Li nga vi munhu lweyi a ha ku pfumelaka,+ hi ku chava leswaku li nga tshuka li tibyela kutani li yavanyisiwa ku fana na Davulosi.
7 Naswona li fanele li va ni ndhuma yayinene ka vanhu va le handle,+ leswaku li nga soliwi hi van’wani kutani li wa ka ntlhamu wa Davulosi.
8 Na vona vapfunisi va bandla va fanele va hlonipheka,* va nga kanganyisi loko va vulavula, va nga phuzi ngopfu byala,* va nga naveli ku ganya hi ndlela ya wukanganyisi,+
9 va khoma swi tiya ka xihundla xa ku kwetsima xa lipfumelo hi lipfalu leli nga basa.+
10 Naswona lava langiwaka ku va vapfunisi va bandla, a va rhange hi ku kambeliwa swaku ku voniwa leswaku va faneleka ke, kutani loko va nga na xa ku soliwa hi xona+ va nga vekiwa leswaku va va vapfunisi va bandla.
11 Hi ku fana, vavasati va fanele va hlonipheka, va nga wonhi vito la van’wani,+ va pimela ka minchumu hinkwayu, va tshembeka ka swilo hinkwaswu.+
12 Mupfunisi wa bandla a a ve ni nsati mun’we, a rhangela vana ni ndjangu wa yena hi ndlela yayinene.
13 Hikusa vavanuna lava tirhaka kahle bandleni va ni ndhuma yayinene naswona va vulavula na va chunsekile hi lipfumelo la vona ka Kreste Yesu.
14 Hambileswi ni navelaka ku ku yendzela swoswi, ni rhanga hi ku ku tsalela timhaka leti,
15 leswaku loko no tshuka ni hlwela, u ta tiva leswi u faneleke u hanyisa xiswona ka ndjangu wa Xikwembu,+ lowu nga bandla la Xikwembu lexi hanyaka naswona wu nga pilari ni xiseketelo xa ntiyiso.
16 Vhela xihundla xa ku kwetsima xa ku tinyiketela loku ka Xikwembu i xikulu: ‘A humelele na a li munhu,+ a vuliwe wa ku lulama nkama a nga va ni muzimbha wa moya,*+ a humelele ka tintsumi,+ ku chumayeliwe hi ta yena xikarhi ka matiko,+ misava yi kholwile ka yena+ naswona a yamukeliwile tilweni hi ndlela ya ku dzuneka.’
Tinhlamunselu ta le hansi
^ Kumbe: “muvoneleli”.
^ Kumbe: “ya ku hleleka”.
^ Kumbe: “li va ni malwandla”.
^ Kumbe: “tinyimisela”.
^ Kumbe: “vhinyu”.
^ Leswi hlayaka swaku a ve munhu lweyi a nga ni muzimbha wa ku kala wu nga voneki.
