Vakorinto Va Ku Sungula 15:1-58
15 Vamakwerhu, swoswi ni lava ku mi khumbukisa hi ta mahungu ya ku tsakisa lawa ni nga mi byela wona,+ lawa na n’wina mi nga ma yamukela mi tlhela mi khoma swi tiya ka wona.
2 Ma ponisiwa loko mi khoma swi tiya ka mahungu ya ku tsakisa lawa ni nga mi byela wona. Loko mi nga yendli leswo, ku pfumela ka n’wina a ku sizi nchumu.
3 Nchumu wa lisima swinene lowu ni nga wu djondza hi lowu ni nga mi djondzisa wona wa leswaku Kreste a fele swidjoho swa hina hi ku ya hi Matsalwa;+
4 ni leswaku a lahliwile+ a gama a pfuxiwa+ hi siku la wunharhu+ hi ku ya hi Matsalwa;+
5 ni leswaku a humelele ka Khefasi*+ a gama a ya humelela ka lava 12.+
6 A game a ya humelela ka vamakwerhu lava tlulaka 500 hi nkama wun’we.+ Vanyingi va vona va ha hanya ni namuntlha, kambe van’wani se va file.
7 A game a humelela ka Yakobe,+ a tlhela a humelela ka vapostolo hinkwavu.+
8 Kambe hi wugamu a humelele ni le ka mina,+ mina ni fanaka ni n’wana lweyi a nga psaliwa na nkama wu nge se fika.
9 Hi mina wamutsongo ka vapostolo naswona a swi ni faneli ku vitaniwa mupostolo, hikusa ni hluphe bandla la Xikwembu.+
10 Kambe hi mhaka ya timpsalu tatikulu ta Xikwembu, ni leswi ni nga swona. Naswona timpsalu ta xona tatikulu leti xi nga ni komba tona a ti vanga ta mahala hikusa ni tirhile ku va tlula hinkwavu; kambe a hi mina ni nga tirha, ku ve timpsalu tatikulu leti Xikwembu xi nga ni komba tona.
11 Kutani, hambi a li mina hambi a li vona, hi chumayelisa xileswi, naswona n’wina mi kholwise swoleswo.
12 Se leswi hi chumayelaka swaku Kreste a pfuxiwile ku feni,+ hi mhaka muni van’wani xikarhi ka n’wina va vula swaku vafi a va nge pfuxiwi?
13 Loko ku li swaku hikakunene vafi a va nga ta pfuxiwa, na yena Kreste a nga pfuxiwanga.
14 Kambe loko swi ku Kreste a nga pfuxiwanga, swi vula swaku hi chumayela mahala, ni lipfumelo la n’wina a li sizi nchumu.
15 Naswona loko swi ku hikakunene vafi va nga ta pfuxiwa, swi vula swaku hi timboni ta mavunhwa hikusa hi hembela Xikwembu+ hi ku vula swaku xi pfuxe Kreste+ kuve a xi mu pfuxanga.
16 Hikusa loko swi ku lava nga fa a va nga ta pfuxiwa swi vula swaku na yena Kreste a nga pfuxiwanga.
17 Naswona loko Kreste a nga pfuxiwanga, lipfumelo la n’wina a li pfuni nchumu; ma ha hanya ka swidjoho swa n’wina.+
18 Se lava nga fa na va li vadjondzisiwa va Kreste va fe swa wugamu.+
19 Loko ku tshemba ka hina ka Kreste ku li ka wutomi leli ntsena, hi vanhu lava twelisaka wusiwana ku tlula vanhu hinkwavu.
20 Kambe lexi nga tiya hi leswaku Kreste a pfuxiwile ku feni naswona a ve wa ku sungula ku pfuxiwa* ka lava nga fa.+
21 Hikusa leswi lifu li nga nghena hi mhaka munhu,+ ni ku pfuxiwa ka vafi ku kona hi mhaka ya munhu.+
22 Ku fana ni leswi hinkwavu va faka hi mhaka ya Adamu,+ hinkwavu va ta tlhela va pfuxiwa hi mhaka ya Kreste.+
23 Kambe mun’wani ni mun’wani a ta pfuxiwa hi nkama wa yena: Wa ku sungula i Kreste,*+ se ku landzela lava nga va Kreste hi nkama wa ku vuya ka yena.+
24 Se ku landzela magamu, lani a nga ta tlhelisa Mfumu ka Xikwembu Papayi wa yena, loko se a helisile mimfumu hinkwayu, wuhosi hinkwalu ni matimba.+
25 A fanele a va hosi anze Xikwembu xi hlula valala va yena hinkwavu.+
26 Naswona nala wa wugamu ku nga lifu, a ta helisiwa.+
27 Hikusa Xikwembu “xi veke swilo hinkwaswu hansi ka minkondzo ya yena.”+ Kambe loko ku vuliwa swaku: ‘Swilo hinkwaswu swi vekiwe hansi ka yena,’+ swa twala swaku a swi patsi ni Lweyi a nga swi veka ka yena.+
28 Kambe loko swilo hinkwaswu se swi vekiwile hansi ka yena, N’wana na yena a ta tiveka hansi ka Lweyi a nga veka swilo hinkwaswu hansi ka yena,+ leswaku Xikwembu xi va swilo hinkwaswu ka vanhu hinkwavu.+
29 Se loko swi ku lava nga fa a va nga ta pfuxiwa, ku ta yendleka yini hi lava tsakamiseliwaka lifu?+ Hi mhaka muni va tsakamiseliwa leswo?
30 Se swi siza yini ku va wutomi la hina li va nghozini minkama hinkwayu?+
31 Siku ni siku ni tlhangana ni lifu. Ni vula na ni tiyisile vamakwerhu, hikusa na tibuma hi n’wina hi mhaka ya Hosi ya hina Kreste Yesu.
32 Swi ni pfuna hi yini ku va ni lwile ni swiharhi le Efeza+ ku fana ni vanhu van’wani?* Loko swi ku vafi va nga ta pfuxiwa, “a hi dleneni hi phuza hikusa mundzuku hi ta fa.”+
33 Mi nga kanganyisiwi. Vanghanu va ku biha va wonha mintirho yayinene.*+
34 Khindlimukani mi yendla swa ku lulama naswona mi nga hanyeni hi xidjoho, hikusa van’wani a va xi tivi Xikwembu. Leswi ni swi vula swaku ni mi danisa.
35 Kambe mun’wani a ta ku: “Lava nga fa va ta pfuxisiwa ku yini? Va ta pfuxiwa na va ni muzimbha wa ku tshamisa ku yini ke?”+
36 Xiphunta ndziwena! Lexi u xi byalaka a xi nge mili* loko xi nga rhanganga hi ku fa.
37 Phela a wu nge byali nchumu lexi se xi nga mila, kambe u byala mbewu, yi nga ha va ya trigu kumbe ya muxaka wun’wani;
38 kambe Xikwembu xi yi kulisisa leswi xi swi lavisaka xiswona naswona loko ti kula a ti fani.
39 Nyama a yi fani, ku ni nyama ya vanhu, nyama ya tihomu, ya swinyanyani ni ya tihlampfi.
40 Naswona ku ni muzimbha wa le tilweni+ ni muzimbha wa lani misaveni;+ kambe muzimbha wa le tilweni wu ni ku saseka ka wona ni wa lani misaveni wu ni ku saseka ka wona.
41 Dlambu li ni ku voninga ka lona, na wona n’weti wu ni ku voninga ka wona.+ Hambi tinyeleti ti ni ku phatima ka tona. Phela tinyeleti a ti phatimi ku fana.
42 Swa fana ni ku pfuxiwa ka vafi. Muzimbha lowu faka wa bola, kambe muzimbha lowu pfuxiwaka a wa ha boli.+
43 Wu lahliwa* na wu li wa ku soleka, wu pfuxiwa na wu li wa ku hlonipheka.+ Wu lahliwa na wu nga na matimba; wu pfuxiwa na wu ni matimba.+
44 Wu lahliwa* na wu li muzimbha wa nyama; wu pfuxiwa na wu li muzimbha wa moya.* Loko ku ni muzimbha wa nyama ni wa moya wu kona.
45 Naswona ku tsaliwe leswi: “Adamu, wanuna wa ku sungula, a ve munhu lweyi a hanyaka.”+ Adamu wa wugamu a ve munhu lweyi a nga ni muzimbha wa moya naswona hi yena a nyikaka wutomi.+
46 Kambe muzimbha wa moya* a hi wa ku sungula. Wa nyama hi wona wa ku sungula ku gama ku landzela wa moya.
47 Munhu wa ku sungula hi lweyi wa lani misaveni naswona a yendliwe hi wuthulu;+ A munhu wa wumbirhi i wa le tilweni.+
48 Vanhu va lani misaveni va fana ni lweyi a nga yendliwa hi wuthulu. Naswona lava nga tilweni va fana ni lweyi wa le tilweni.+
49 Leswi hi fanaka ni lweyi a nga yendliwa hi wuthulu,+ hi ta tlhela hi fana ni lweyi wa le tilweni.+
50 Kambe na mi byela vamakwerhu, ngati ni nyama a swi nge li dli tshomba la Mfumu wa Xikwembu, ni leswi bolaka a swi nge li dli tshomba la leswi kalaka swi nga boli.
51 Yingisani, ni mi byela xihundla xa ku kwetsima: A hi hinkwerhu hi nga ta yetlela ku feni, kambe hinkwerhu hi ta txintxiwa+
52 hi nkamanyana, hi ku tsopeta ka tihlo, loko ku chayiwa mhalamhala* ya wugamu. A nkama ku nga ta chayiwa mhalamhala+ se vafi va pfuxiwa, va ta va ni muzimbha wa ku kala wu nga boli; kutani hina hi ta txintxiwa.
53 Muzimbha lowu bolaka wu ta txintxa wu va lowu kalaka wu nga boli+ ni muzimbha lowu faka wu ta txintxa wu va lowu kalaka wu nga fi.+
54 Kambe loko muzimbha lowu bolaka wu txintxiwa wu nga ha boli, ni muzimbha lowu faka wu txintxiwa wu nga ha fi, ku ta hetiseka marito lama nga tsaliwa lama nge: “Lifu li mintiwile swa wugamu.”+
55 “Wena lifu, ku hlula ka wena ku kwini ke? Wena lifu, vhenenu la wena li kwini ke?”+
56 Vhenenu leli nga ni ntamu wa ku dlaya i xidjoho+ naswona ntamu wa xidjoho i Nawu.*+
57 Kambe a ku khensiwe Xikwembu hikusa xa hi pfuna hi ku tirhisa Hosi ya hina Yesu Kreste swaku hi hlula lifu!+
58 Hi mhaka leyo, vamakwerhu va ku rhandzeka, tiyani,+ mi nga tsekatsekisiwi, tshamani na mi ni swa swinyingi swa ku swi yendla+ ka ntirho wa Hosi, na mi swi tiva swaku ntirho wa n’wina a hi wa mahala+ Hosini.
Tinhlamunselu ta le hansi
^ Naswona a vitaniwa swaku i Pedru.
^ Hi Xigriki: “Leswi nga rhanga swi tshoveliwa”.
^ Hi Xigriki: “Leswi nga rhanga swi tshoveliwa”.
^ Kumbexana: “hi ku ya hi mavonelo ya vanhu.”
^ Kumbe: “mahanyelo yamanene.”
^ Hi Xigriki: “ku hanya”.
^ Hi Xigriki: “Wu byaliwa”.
^ Hi Xigriki: “Wu byaliwa”.
^ Ku nga muzimbha wa lava tshamaka tilweni.
^ Ku nga muzimbha wa lava tshamaka tilweni.
^ Ku nga nchumu xa ku hambiwa hi limhondzo kumbe nsimbi, xi chaya ku fananyana ni vhuvhuzela.
^ Kumbe: “Nawu wu nyika ntamu xidjoho.”
