Vatesalonika Va Ku Sungula 1:1-10
1 Mina Pawulo, ni nga na Silvhano*+ na Timotiya,+ ni tsalela bandla la Vatesalonika leli lumbaka Xikwembu Papayi ni Hosi Yesu Kreste ni ku:
Timpsalu tatikulu ni ku rhula a swi ve na n’wina.
2 Hi khensa Xikwembu minkama hinkwayu loko hi vulavula hi n’wina hinkwenu ka swikhongelo swa hina,+
3 hikusa hi tshama na hi khumbuka ntirho wa n’wina wa ku tshembeka, ku tikarhata ka n’wina hi lirhandzu ni ku tiyisela ka n’wina hi mhaka ya ntshembo lowu mi nga na wona+ ka Hosi ya hina Yesu Kreste phambheni ka Xikwembu lexi nga Papayi wa hina.
4 Ha swi tiva vamakwerhu leswaku Xikwembu xa mi rhandza naswona xi mi langile,
5 hikusa a hi mi chumayelanga mahungu ya ku tsakisa hi marito ntsena kambe ni hi matimba ni moya wa ku kwetsima naswona ha tshemba swaku leswi hi nga mi byela swona i ntiyiso; ma swi tiva swaku hi tiyendle vanhu va ku tshamisa ku yini swaku hi mi pfuna.
6 Naswona mi hi tekelelile+ mi tlhela mi tekelela ni Hosi,+ hikusa mi yamukele rito la Xikwembu na mi li ka mahlomulu ya manyingi+ na mi ni ku tsaka loku taka hi ka moya wa ku kwetsima,
7 lakakuva mi ve xikombiso ka vapfumeli hinkwavu aMakedoniya ni le Akaya.
8 Mhaka hi leswaku a mi chumayelanga rito la Yehovha* aMakedoniya ni le Akaya ntsena, kambe vanhu va twe ni hi ta lipfumelo la n’wina ka Xikwembu ka tindhawu hinkwatu,+ lakakuva a swa ha lavi hi vula nchumu.
9 Hikusa va tama va vulavula hi leswi hi nga tlhanganisa xiswona na n’wina ka ku sungula ni leswi mi nga tshikisa xiswona swikwembu swa n’wina swa mavunhwa+ mi tirhela Xikwembu lexi hanyaka ni xa ntiyiso,
10 ni ku nyimela N’wana wa xona lweyi a taka hi le matilweni,+ lweyi xi nga mu pfuxa ka lava nga fa, ku nga Yesu lweyi a nga ta hi ponisa ka ku kwata ka Xikwembu loku taka.+
