Vatesalonika Va Ku Sungula 5:1-28
5 Kutani vamakwerhu, loko swi ta ka minkama ni tinguva, a swi lavi mi tsaleliwa nchumu hi mhaka yoleyo.
2 Hikusa mi swi tiva kahle swaku siku la Yehovha*+ li ta ta ku fana ni muyivi lweyi a taka niwusiku.+
3 Loko va ku: “Ku ni ku rhula naswona hi hlayisekile,”* kutani va ta helisiwa na va nga swi nyimelanga,+ ku fana ni ku lun’wa ka wansati lweyi a nga ni nyimba, naswona a va nge baleki nikatsongo.
4 Kambe n’wina vamakwerhu, a mi le ka munyama lakakuva siku leli li nga mi djuma ku fana ni leswi ku tlhava ka dlambu ku va djumisaka xiswona vayivi,
5 hikusa hinkwenu mi vana va ku vonakala ni vana va nhlikanhi.+ Hina a hi vana va wusiku kumbe va munyama.+
6 Kutani hi nga yetleleni ku fana ni lavan’wani hinkwavu va yetlelaka,+ kambe a hi tshameni na hi pfule matihlo,+ hi tirhisa mimpimiso ya hina.+
7 Hikusa lava yetlelaka va yetlela niwusiku ni lava dakwaka va dakwa niwusiku.+
8 Kambe hina hi nga va nhlikanhi, a hi yi tirhiseni kahle mimpimiso ya hina naswona hi yambala lipfumelo ni lirhandzu swi va mpahla ya ku vhikela xifuva, hi yambala ni kapaseti ku nga ntshembo wa ku ponisiwa ka hina+
9 hikusa Xikwembu a xi hi langanga swaku hi ta khatisiwa* kambe xi hi lange swaku hi ta ponisiwa+ hi ku tirhisa Hosi ya hina Yesu Kreste.
10 A hi felile+ leswaku hambi hi hanya kumbe hi file,* hi fanele hi hanya xikan’we na yena.+
11 Kutani tamani mi tiyisana mi tlhela mi yakana,+ ku nga leswi se mi swi yendlaka.
12 Se ha mi kombela vamakwerhu, leswaku mi hlonipha lava tirhaka hi matimba xikarhi ka n’wina, lava mi rhangelaka aHosini ni lava mi tsundzuxaka.
13 Mi va hlonipha swinene mi tlhela mi va rhandza hi mhaka ya ntirho wa vona.+ Hinkwenu mi hanyisana hi ku rhula.+
14 Hi tlhela hi mi kombela vamakwerhu swaku mi kawuka lava kalaka va nga yingisi,*+ mi tiyisa lava nga tshoveka timbilu,* mi seketela lava nga hela ntamu, mi va lehisela mbilu hinkwavu.+
15 Tiyisekani leswaku a ku na munhu lweyi a tlheliselaka swa ku biha hi swa ku biha ka van’wani,+ kambe minkama hinkwayu mi yendlelana swaswinene mi tlhela mi yendlela ni lavan’wani hinkwavu.+
16 Tshamani na mi tsakile.+
17 Khongelani minkama hinkwayu.+
18 Khensani minchumu hinkwayu.+ Leswo hi leswi Xikwembu xi swi lavaka ka vadjondzisiwa va Kreste Yesu.
19 Mi nga pfaleli moya wa ku kwetsima wa Xikwembu swaku wu tirha ka n’wina.+
20 Mi nga yeyisi wuprofeta.+
21 Kambisisani swilo hinkwaswu;+ khomelelani swi tiya ka swaswinene.
22 Fambelani kule ni swilo hinkwaswu swa ku biha.+
23 Ni navela swaku Xikwembu xa ku rhula xi nga mi kwetsimisa hi ku helela ni leswaku wumunhu hinkwalu lalinene leli mi li kombisaka hi wutomi la n’wina ni muzimbha wa n’wina swi hlayisiwa swi tshama na swi nga na xisolo anze ku fika nkama wa ku vuya ka Hosi ya hina Yesu Kreste.+
24 Lweyi a mi vitanaka wa tshembeka naswona a ta swi yendla leswo hikakunene.
25 Vamakwerhu, mi nga tshiki ku hi khongelela.+
26 Xowetani vamakwerhu hinkwavu hi lirhandzu.*
27 Na mi kombela swinene hi vito la Hosi leswaku mi lerhela vamakwerhu hinkwavu karta* leli.+
28 Timpsalu tatikulu ta Hosi ya hina Yesu Kreste a ti ve na n’wina.
Tinhlamunselu ta le hansi
^ Vona Xiyengetelo A5.
^ Kumbe: “Ku rhula ni ku hlayiseka”.
^ Kumbe: “kwateliwa”.
^ Kumbe: “hi yetlele”.
^ Kumbe: “va ku djamuka; va ku kala va nga hlelekanga”.
^ Kumbe: “lava nga karhateka”.
^ Hi Xigriki: “beju la ku kwetsima.”
^ Kumbe: “papila”.
