Samuwele Wa Wumbirhi 11:1-27
11 A ku sunguleni ka lembe, hi nkama lowu tihosi a ti ya nyimpini, Davhida a rhume Yowabu ni vatirhi va yena* ku patsa ni masonchwa hinkwawu ya Israyele swaku va ya helisa Vaamoni, va fike va rhendzela doropa la Raba,+ kambe Davhida a a sale aYerusalema.+
2 Siku lin’wani nimadlambu Davhida a pfuka a rhendzelekela ka vharanda la yindlo ya wuhosi leli a li li henhla. Na a li kolanu a vone wansati na a hlamba, naswona wansati wa kona a a sasekile swinene.
3 Kutani Davhida a rhuma munhu a ya vutisa swaku i mani wansati lwiyani. Nkama a nga vuya a te: “I Batixeba+ n’wana wa Eliyami,+ nsati wa Uriya+ wa Muheti.”+
4 Se Davhida a rhuma vanhu va ya mu vitana.+ Loko se a fikile, a famba masangu na yena.+ (Hinkwaswu leswi swi yendleke nkama lowu Batixeba a a li ku tibasiseni.*)+ A gama Batixeba a muka kaya ka yena.
5 Wansati lweyi se a va ni nyimba, a gama a rhuma vanhu va ya byela Davhida swaku a ni nyimba.
6 Kutani Davhida a rhuma munhu swaku a ya ka Yowabu, a fika a ku: “Byela Uriya lweyi wa Muheti a ta halenu ka mina.” Se Yowabu a byela Uriya swaku a ya ka Davhida.
7 Nkama Uriya a nga fika ka Davhida, a mu vutisile swaku Yowabu ni masonchwa vo yini, ni leswaku nyimpi a yi fambisa ku yini.
8 Kutani Davhida a byela Uriya a ku: “Muka kaya u ya humula.”* A nkama Uriya a nga suka kaya ka Davhida, hosi yi sale yi rhumela minchumu swaku va ya mu nyika.
9 Kambe Uriya a nga mukanga kaya, a yetlele ka nyanghwa wa yindlo ya hosi ni vatirhi lavan’wani hinkwavu va hosi ya yena.
10 Se Davhida a byeliwa leswi: “Uriya a nga mukanga.” Davhida a gama a byela Uriya a ku: “Wa ha ku vuya hi ka liyendzo, hi mhaka muni u nga mukanga?”
11 Kutani Uriya a hlamula Davhida a ku: “A Areka+ yi tshama ka matende, ni masonchwa ya Israyele ni ya Yuda na wona ma tshama ka matende. Hambi murhangeli wa mina Yowabu ni vatirhi va wena hosi, va gwimbe matende anhoveni. Se ni nga mukisa ku yini ni ya dla ni phuza ni tlhela ni yetlela ni nsati wa mina?+ Na funga phambheni ka wena swaku a ni nge tshuki ni swi yendla leswo!”
12 Davhida a byela Uriya a ku: “Tshama lani namuntlha, u ta famba mundzuku.” Kutani Uriya a tshama Yerusalema siku lolelo ni mundzuku ka kona.
13 Davhida a mu vita swaku va ta dla xikan’we va tlhela va phuza xikan’we, a gama a mu dakwisa. Kambe nimadlambu Uriya a nga mukanga a fambe a ya yetlela ni vatirhi va hosi ya yena.
14 Nimixo Davhida a tsalela Yowabu karta* a li nyika Uriya swaku a famba na lona.
15 Ka karta la kona a ku tsaliwe leswi: “Veka Uriya phambheni, lani nyimpi yi hisaka kona. Mi gama mi tlhelela ndzhaku mi mu siya na a li yexe swaku a ta tlhaviwa a fa.”+
16 Yowabu a a swi tiva kahle swaku tinhenha ta Vaamoni a ti li kwini ka doropa, se a veka Uriya lani a ti li kona.
17 Nkama masonchwa ya doropa ma nga huma swaku ma ya lwa na Yowabu, vatirhi van’wani va Davhida va dlayiwile, na yena Uriya lweyi wa Muheti a dlayiwile.+
18 Kutani Yowabu a rhuma munhu a ya byela Davhida hinkwaswu leswi nga yendleka anyimpini.
19 A mu byela a ku: “Nkama u nga ta gama ku byela hosi hinkwaswu leswi nga yendleka nyimpini,
20 swi nga yendleka hosi yi kwata yi gama yi ku: ‘Hi mhaka muni mi lwe na vona na mi li kusuhi ni doropa? A mo kala mi nga swi tivi swaku va nga mi txopa na va li henhla ka muru wa doropa?
21 Kasi i mani a nga dlaya Abimeleki+ n’wana wa Yerubexeti?+ A hi wansati a nga mu txukumetela hi ribye la ku sila hi lona na a li henhla ka muru wa doropa a gama a fa aTebezi? Se hi mhaka muni mi ye kusuhi ni doropa?’ Gama u mu hlamula u ku: ‘Mutirhi wa wena Uriya lweyi wa Muheti na yena a file.’”
22 Kutani lweyi va nga mu rhuma a famba a ya byela Davhida hinkwaswu leswi Yowabu a nga mu rhuma swona.
23 A fike a ku: “Masonchwa ya vona a ma ni matimba ku hi tlula, ma humile ma ta lwa na hina ka ndhawu ya ku pfuleka; kambe hi ma hlongolisile anze hi ya fika ka nyanghwa wa doropa.
24 Lava a va txopa hi ligubu va txope vatirhi va wena na va li henhla ka muru wa doropa naswona va dlaye vatirhi van’wani va wena hosi; ni mutirhi wa wena Uriya lweyi wa Muheti a file.”+
25 Se Davhida a byela lweyi va nga mu rhuma a ku: “Famba u ya byela Yowabu u ku: ‘U nga karhateki hi mhaka leyi, hikusa tlharhi a li txuvuki, namuntlha li tlhava lweyi, mundzuku li tlhava lwiyani. Tama u lwa ni doropa lolelo u li hlula.’+ U tlhela u mu tiyisa.”
26 Nkama nsati wa Uriya a nga twa swaku nuna wa yena a file, a sungule ku rila.
27 Nkama ku nga hela nkama wa ku rila, Davhida a rhume vanhu swaku va mu landza va mu tisa kaya ka yena, kutani a va nsati wa yena+ a mu psalela n’wana wa djaha. Kambe leswi Davhida a nga swi yendla a swi zanga* swi mu tsakisa Yehovha.+
Tinhlamunselu ta le hansi
^ Swi nga yendleka a ku li vatirhi va Davhida.
^ Kumbexana: “ka ku tibasisa loko a gamile ku vona masiku ya yena.”
^ Hi Xiheberu: “hlamba minenge ya wena.”
^ Kumbe: “papila”.
^ Hi Xiheberu: “a swi bihile ka matihlo ya”.
