Samuwele Wa Wumbirhi 22:1-51
22 Se Davhida a yimbelela lisimu a yimbelelela+ Yehovha hi siku leli Yehovha a nga mu ponisa hi lona ka valala va yena+ hinkwavu ni ka Sawulo,+
2 a ku:
“Yehovha i ribye la mina ni ndhawu ya mina ya ku tumbela+ naswona hi yena a ni ponisaka.+
3 Xikwembu xa mina i ribye la mina+ leli ni tumbelaka ka lona,I xivhikelo xa mina+ ni limhondzo la mina la ku ponisa; i ndhawu ya mina ya ku tiya ya ku tumbela ka yona,+Naswona i ndhawu ya mina ya ku balekela ka yona,+ i muponisi wa mina;+ hi yena a ni ponisaka ka vanhu lava rhandzaka ku lwa.
4 Ni kombela Yehovha lweyi a faneliwaka hi ku dzunisiwa swaku a ni pfuna,Yena a ta ni ponisa ka valala va mina.
5 Lifu a li ni pfalelile ka matlhelo hinkwawu ku fana ni magandlati ya lwandle+Ni vanhu lava yendlaka swa ku biha a va ni chavisa ku fana ni mati ya ndhambi.+
6 Magoda ya Sirha* a ma ni pfalelile ka matlhelo hinkwawu;+Lifu a li veke ntlhamu phambheni ka mina.+
7 Ni kombele swaku Yehovha a ni pfuna ka swikarhatu swa mina,+A ni tshikanga ku kombela Xikwembu xa mina swaku xi ni pfuna.
Se xi twe rito la mina na xi li tempeleni ya xona,Xi ni twile nkama ni nga kombela ku pfuniwa.+
8 Misava hinkwayu yi sungule ku tsekatseka+Ni leswi nga tiyisa matilo swi sungule ku tsekatseka;+Swi tsekatsekile hi mhaka ya leswi Xikwembu xi nga kwatisiwa.+
9 Ka tinhompfu ta xona a ku huma ximusi,Ka nomo wa xona a ku huma ndzilu lowu helisaka;+Ka xona a ku huma makhala lawa ma pfurhaka.
10 A nkama a xi xika, matilo ma yendle ingaku mo wa,+Marhefu ya ntima a ma li hansi ka minenge ya xona.+
11 Xi te na xi haha na xi khwele ka kerubu.+
A xi voneka ka timpapa ta ntsumi.+
12 Kutani xi tifunengeta hi munyama ku fana ni tende,+Ka mati ya ntima ni ka marhefu ya ntima.
13 A ku hatima loku a ku li phambheni ka xona a ku humesa makhala lawa ma pfurhaka.
14 Se Yehovha a yendla swaku tilo li sungula ku duma;+Lweyi Wa Ku Tlakuka a yendla swaku vanhu va twa rito la yena.+
15 A txope valala va yena+ hi mimpaxwa* a va hangalasa;A va be hi tilo, va nga ha xi tivi xa ku xi yendla.+
16 A hansi ka lwandle ku sungula ku voneka;+Leswi misava yi nga tiya hi swona swi gwavuka hi mhaka ya ku laya ka Yehovha,Ni hi mhaka ya moya lowu wu humaka ka tinhompfu ta yena.+
17 A tshandzavute voko la yena na a li henhla;A ni khoma a ni humesa ka mati ya ku yenta.+
18 A ni ponisile ka nala wa mina lweyi a nga ni matimba,+Ni ka lava va ni nyenyaka, lava va nga ni matimba ku ni tlula.
19 Va ni dumelile nkama a ni li ka nghozi,+Kambe Yehovha a a ni pfuna.
20 A ni ponisile a ni veka ka ndhawu ya ku hlayiseka;+A ni ponisile hikusa a a ni rhandza.+
21 Yehovha wa ni hakela hi mhaka ya mintirho ya mina ya ku lulama;+Wa ni hakela hi mhaka ya leswi ni kalaka ni nga na nandzu.*+
22 Hikusa ni yingise minawu ya Yehovha,Naswona a ni xi tshikanga Xikwembu xa mina.
23 Hinkwaswu swiboho swa xona swa ku yavanyisa+ swi le phambheni ka mina;A ni nge yi tshiki minawu ya xona.+
24 Ni ta tshama ni nga na nandzu+ ka xona,Ni tlhela ni fambela kule ni xidjoho.+
25 Yehovha a a ni hakeli hi mhaka ya mintirho ya mina yayinene,+Hikusa a ni na nandzu phambheni ka yena.+
26 Wena wa tshembeka ka lweyi a tshembekaka;+U ni timpsalu ka munhu wa matimba lweyi a kalaka a nga na nandzu;+
27 U munene ka lweyi a nga munene,+Kambe lweyi a kanganyisaka u mu komba swaku u tlharihile.+
28 U ponisa lava tivekaka hansi,+Wa va vona lava tibyelaka naswona wa va nyenya, u tlhela u va veka hansi+
29 Hikusa hi wena livoni la mina, Yehovha Xikwembu xa mina;+Hi wena Yehovha u ni voningelaka ka ku mphuma.+
30 Hi ku pfuniwa hi wena ni nga lwa ni masonchwa lama teketelaka minchumu;Hi matimba ya Xikwembu ni nga khwela muru wawukulu.+
31 Hinkwaswu leswi Xikwembu xi swi yendlaka swi hetisekile;*+Marito ya Yehovha ma basile.+
I xivhikelo ka hinkwavu lava tumbelaka ka yena.+
32 Hikusa i mani Xikwembu loko ku nga li Yehovha?+
Naswona i mani ribye loko ku nga li Xikwembu xa hina?+
33 Xikwembu xa ntiyiso i xivhikelo xa mina xa ku tiya,+Naswona xi ta basisa ndlela ya mina.+
34 Xi yendla minenge ya mina yi fana ni ya mbavala;*Xi ni yendla ni nyima ka tindhawu ta le henhla.+
35 Xi ni djondzisa ku lwa nyimpi;Mavoko ya mina ma nga khotsa ligubu la ku yendliwa hi kobre.
36 U ni nyika xivhikelo xa wena xa ku ponisa,Ku tiveka hansi ka wena ka ni tlakusa.+
37 U ni basisela ndlela;Minenge ya mina a yi nge rhetemuki.+
38 Ni ta hlongolisa valala va mina ni va dlaya;A ni nge tlheli na va nga se hela.
39 Ni ta va dlaya ni va heta swaku va nga ha pfuki;+Ni ta va kandzihetela.
40 U ta ni nyika matimba ya ku lwa nyimpi;+U ta yendla swaku valala va mina va wa phambheni ka mina.+
41 U ta yendla swaku valala va mina va baleka loko va ni vona;+Ni ta helisa* lava ni nyenyaka.+
42 Va kombela ku pfuniwa, kambe a ku na lweyi a va ponisaka;Va huwelela ni le ka Yehovha, kambe a nga va hlamuli.+
43 Ni ta va kandza va fana ni wuthulu;Ni ta va pfotlosa ni tlhela ni va psanya ku fana ni madaka aswitaratwini.
44 U ta ni ponisa ka vanhu va ka hina lava rhandzaka ku lavetela swihoxo.+
U ta ni vhikela swaku ni va murhangeli wa matiko;+Ni ta tirheliwa hi vanhu lava ni kalaka ni nga va tivi.+
45 Vanhu va ku ta hi ka matiko man’wani va ta ka mina na va tikhondlile hi ku chava;+Va ta ni yingisa hi mhaka ya leswi va nga swi twa hi mina.
46 Vanhu va ku ta hi ka matiko man’wani va ta hela ntamu;Va ta huma lani va nga tumbela kona na va rhurhumela.
47 Yehovha wa hanya! A ku dzunisiwe Ribye la mina!+
A ku dzunisiwe Xikwembu xa mina ku nga ribye leli li ni ponisaka.+
48 Xikwembu xa ntiyiso hi xona xi ni hakeliselaka ka valala va mina;+Xi yendla swaku vanhu va va hansi ka mina;+
49 Wa ni ponisa ka valala va mina.
U ni veka henhla+ ka ndhawu ya ku hambi lava ni hlaselaka a va nga ta ni kuma;Wa ni ponisa ka munhu wa ku rhandza ku lwa.+
50 Hi leswo swi nga ta yendla ni ku khensa xikarhi ka matiko,+ Wena Yehovha Xikwembu xa mina,Ni ta yimbelela swaku ni dzunisa vito la wena:+
51 A ponisa hosi leyi a nga yi veka hi ndlela ya ku hlamalisa+A rhandza lweyi a nga mu langa,Ka Davhida ni vana* va yena hi nkama wa ku kala wu nga heli.”+
Tinhlamunselu ta le hansi
^ Kumbe: “Sheol”. Vona Ntlhamuselo.
^ Kumbe: “maflexa”.
^ Hi Xiheberu: “mavoko ya mina ma nga basa.”
^ Kumbe: “helelile.”
^ Kumbe: “veado.”
^ Hi Xiheberu: “miyeta”.
^ Hi Xiheberu: “mbewu”.