Samuwele Wa Wumbirhi 23:1-39
23 Lawa i marito ya wugamu ya Davhida:+
“Marito ya Davhida n’wana wa Yese,+Marito ya wanuna lweyi a nga dzunisiwa,+Lweyi a nga langiwa+ hi Xikwembu xa Yakobe,Lweyi a yimbelelaka kahle tinsimu+ ta Israyele.
2 Moya wa ku kwetsima wa Yehovha a wu tirhisa mina swaku ni vulavula;+Rito la yena a li li ka lirimi la mina.+
3 Xikwembu xa Israyele xi vulavulile;Ribye la Israyele+ li vulavule na mina li ku:
‘Loko lweyi a fumaka vanhu a lulamile,+A tlhela a fuma na a hlonipha Xikwembu,+
4 Mfumu wa yena wu ta fana ni ku vonakala ka nimixo loko dlambu li huma,+Nimixo na ku nga na marhefu.
Ku fana ni ku vonakala loku vaka kona loko mpfula yi xa,Leswi yendlaka swaku byanyi li mila misaveni.’+
5 Ka Xikwembu yindlo ya mina ya fana ni ku vonakala koloko,
Hikusa xi yendle ntwananu wa ku kala wu nga heli na mina,+Lowu nga yendliwa kahle wu tlhela wu tiyisiwa.
Ntwananu lowu i ku ponisiwa ka mina ni ku tsaka ka mina hinkwaku,Hi leswo swi yendlaka swaku Xikwembu xi wu katekisa.+
6 Kambe hinkwavu lava kalaka va nga pfuni nchumu va txukumetiwa+ ku fana ni minsinya leyi nga ni mimintwa,*Hikusa a va nge khomiwi hi mavoko.
7 Loko munhu a va khumba,A fanele a va ni tlharhi la nsimbi ni nhonga ya kona,Naswona va fanele va hisiwa va hela va nga ha li kona.”
8 Lawa i mavito ya masonchwa ya matimba ya Davhida:+ Joxebaxebeti wa le Takimoni, murhangeli wa masonchwa manharhu ya matimba;+ a tshame a dlaya 800 wa vavanuna hi tlharhi hi nkama wun’we.
9 Ku landzela Eliyazari+ n’wana wa Dodo,+ n’wana wa Ahowi; yena a a li mun’we wa masonchwa manharhu ya matimba lawa a ma li na Davhida nkama va nga ya tlhontlha* Vafilista. A nkama Vafilista va nga hlengeletana swaku va ta lwa nyimpi na vona, se vavanuna va Israyele va tlhela hi ndzhaku,
10 Eliyazari a nyimile a dlaya Vafilista anze voko la yena li karhala hi mhaka ya ku khoma xipada nkama wa ku leha.+ Hi siku lolelo Yehovha a yendle swaku va hlula hintamu;+ se masonchwa ya Israyele ma vuyile ma ta teketela minchumu ya valala va vona lava nga dlayiwa.
11 Ku landzela Xamaya n’wana wa Agi wa le Arari. Nkama Vafilista va nga hlengeletana aLehi, lani a ku li ni masimu ya timbaweni, masonchwa ma balekile hi mhaka ya ku chava Vafilista.
12 Kambe Xamaya a nyima xikarhi ka nsimu, a yi vhikela a tlhela a dlayetela Vafilista a za Yehovha a va pfuna swaku va hlula hintamu.+
13 Ka 30 wa varhangeli ku suke vavanuna vanharhu va ya ka Davhida ka mhakwa* lowu a wu li Adulami+ hi nkama wa ku tshovela; Vafilista a va gwimbe matende ka Nkova wa Refayimi.+
14 Hi nkama wolowo Davhida a a li ka ndhawu ya ku tumbela,+ kasi Vafilista a va gwimbe matende aBetlehema.
15 Se Davhida a ku: “Ni navela ku phuza mati ya xihlovo lexi nga kusuhi ni nyanghwa wa Betlehema!”
16 Kutani masonchwa manharhu ya matimba ma nghena hi nkanu lani Vafilista a va gwimbe kona matende, ma fika ma kha mati ka xihlovo lexi a xi li kusuhi ni nyanghwa wa Betlehema, ma gama ma ya nyika Davhida; kambe a yala ku ma phuza a gama a ma diba phambheni ka Yehovha.+
17 A ku: “Wena Yehovha, a ni nge swi yendli leswi! Ni nga yi phuzisa ku yini ngati+ ya vavanuna lava va nga veka wutomi la vona nghozini?” A nga pfumelanga ku ma phuza. Leswi hi leswi nga yendliwa hi masonchwa ya yena ya manharhu ya matimba.
18 Abixayi+ makwavu wa Yowabu, n’wana wa Zeruya,+ a a lumba ntlawa wun’wani wa masonchwa manharhu. Se yena a a li murhangeli wa wona. A tshame a dlaya 300 wa vavanuna hi tlharhi naswona a a tiviwa hintamu ku fana ni leswi masonchwa manharhu ya Davhida a ma tivisiwa xiswona.+
19 Hambileswi a a hloniphiwa hintamu ku tlula masonchwa ya ntlawa lowu yena a a li murhangeli wa wona, a a nga fiki ka masonchwa manharhu ya Davhida.
20 Benaya+ n’wana wa Yoyada a a nga chavi nchumu naswona a yendle swilo swa swinyingi aKabizeli.+ A dlaye vana vambirhi va Ariyeli wa le Mowabu naswona a tshama a nghena ka xihlovo a dlaya nghonyama+ hi siku leli a ku ni gamboko* yayikulu.
21 A tlhele a dlaya wanuna wa Mugibita lweyi a a lehe hintamu. Hambileswi Mugibita lweyi a a khome tlharhi, Benaya a mu yelile na a khome nhonga, a fika a mu tekela tlharhi la yena a mu dlaya hi lona.
22 Leswo hi leswi swi nga yendliwa hi Benaya n’wana wa Yoyada naswona a a tiviwa hintamu ku fana ni masonchwa manharhu ya Davhida.
23 Hambileswi a a hloniphiwa hintamu ku tlula masonchwa laman’wani ka lawa ya 30, a a nga fani ni masonchwa manharhu ya Davhida. Kambe Davhida a mu yendle swaku a va murhangeli wa vagwardu va yena.
24 Azayeli+ makwavu wa Yowabu a a li mun’we wa lava 30: Eliyanani n’wana wa Dodo wa le Betlehema,+
25 Xamaya wa le Aroda, Elika wa le Aroda,
26 Elezi+ wa le Peleti, Ira+ n’wana wa Ikexi wa le Tekowa,
27 Abiyezeri+ wa le Anatoti,+ Mebunayi wa le Huxa,
28 Zalmoni wa le Ahowi, Maharayi+ wa le Netofa,
29 Elebe n’wana wa Bahana wa le Netofa, Itayi n’wana wa Ribayi wa le Jibiya ndhawu leyi lumbaka lixaka la ka Benjamini,
30 Benaya+ wa le Piratoni, Idayi lweyi a taka hi ka nkova wa Gaxi,+
31 Abiyaliboni wa le Araba, Azimavheti wa le Bayurimi,
32 Eliyahaba wa le Xalibimi, vana va Jaxeni, Yonatani,
33 Xamaya wa le Arari, Ahiyamu n’wana wa Sarari wa le Arari,
34 Elifeleti n’wana wa Ahaxibayi n’wana wa Mukati, Eliyami n’wana wa Ayitofeli+ wa le Jilo,
35 Ezro wa le Karmeli, Parayi wa le Arabiya,
36 Igali n’wana wa Natani wa le Zoba, Bani wa le Gadi,
37 Zeleki wa Muamoni, Naharayi wa le Beroti, lweyi a a khoma matlharhi ya Yowabu n’wana wa Zeruya,
38 Ira wa le Itira, Garebi wa le Itira+
39 na Uriya+ wa Muheti, hinkwavu a va li 37 wa vona.
Tinhlamunselu ta le hansi
^ Kumbe: “switlhavani”.
^ Kumbe: “q’ala”.
^ Ku nga mbhovo lowu kumekaka ka ntshava kumbe ribye.
^ Kumbe: “neve”. I minchumu ya ku basa yi ku baa ku fana ni jelu.
