Samuwele Wa Wumbirhi 6:1-23
6 Davhida a tlhela a hlengeleta masonchwa hinkwawu lama nga ni matimba aIsrayele, ku nga 30.000 wa vavanuna.
2 Se Davhida ni vavanuna hinkwavu lava a va li na yena va ya Bali-Yuda va ya teka Areka ya Xikwembu xa ntiyiso,+ leyi vanhu a va vitana ka yona vito la Yehovha murhangeli wa tintsumi,+ lweyi a tshamaka henhla* ka makerubu.+
3 Kambe va teka Areka ya Xikwembu xa ntiyiso va yi pakela ka nyolo* ya nyuwani+ swaku va yi susa ka munti wa Abinadabi+ lowu a wu li ka ganga; se Uza na Ayo vana va Abinadabi, hi vona lava a va rhangela nyolo yoleyo ya nyuwani.
4 Kutani va teka Areka ya Xikwembu xa ntiyiso va yi susa ka munti wa Abinadabi lowu a wu li ka ganga. Ayo hi yena a a famba phambheni ka yona.
5 Davhida ni Vayisrayele hinkwavu a va txina na va tsakile va txinela Yehovha na va chaya swa ku chaya hi swona swa ku yendliwa hi mapulangu,* tiharipa, switende,+ swingomana,+ ni minchumu yin’wani ya ku chaya hi yona.+
6 Nkama va nga fika aNakoni ka ndhawu leyi va phepheraka ka yona minchumu, Uza a tshandzavuta voko a khoma Areka ya Xikwembu xa ntiyiso, hikusa a ku sale katsongo+ swaku tihomu ti yi wisa.
7 Se Yehovha a mu kwatela hintamu Uza, a gama a tekela ku mu dlaya+ kolanu hi mhaka ya leswi a nga swi yendla+ swa ku kombisa swaku a nga wu hloniphi nawu wa Xikwembu; a vhele a fela kolanu kusuhi ni Areka ya Xikwembu xa ntiyiso.
8 Davhida a gama a kwata hi mhaka ya leswi Yehovha a nga dlaya Uza; kutani ndhawu liyani yi chuliwa swaku i Perezi-Uza* ku ta fika ninamuntlha.
9 Hi siku lolelo Davhida a mu chava hintamu Yehovha+ a gama a ku: “Ni ta yi tekisa ku yini Areka ya Yehovha ni famba na yona ka doropa la mina?”+
10 Davhida a a nga swi lavi ku teka Areka ya Yehovha a yi yisa lani a a tshama kona ku nga Doropa la Davhida,+ kambe a byele vanhu swaku va yi yisa kaya ka Obede-Edomu+ lweyi wa Mugati.
11 Areka ya Yehovha yi tshame tiwheti tinharhu akaya ka Obede-Edomu lweyi wa Mugati; se Yehovha a tama a katekisa Obede-Edomu ni ndjangu wa yena hinkwawu.+
12 A nkama Davhida a nga twa swaku Yehovha a katekise ndjangu wa Obede-Edomu ni hinkwaswu leswi nga swa yena hi mhaka ya Areka ya Xikwembu xa ntiyiso, a yi landzile a ya yi teka akaya ka Obede-Edomu a yi yisa ka Doropa la Davhida na a tsakile.+
13 Nkama lava nga rhwala+ Areka ya Yehovha va nga famba 6 wa magansu,* Davhida a yendle gandzelo hi homu ni xifuyu xa ku nona.
14 Davhida a a txina hintamu na a tsakile phambheni ka Yehovha; ka nkama wolowo hinkwawu a a yambale* efodi* la ku yendliwa hi panu.+
15 Davhida ni Vayisrayele hinkwavu a va tisa Areka+ ya Yehovha na va kulungela hi ku tsaka+ va tlhela va chaya limhondzo.+
16 A nkama Areka ya Yehovha yi nga fika ka Doropa la Davhida, Mikala n’wana wa Sawulo+ a hlometela hi ka janela a gama a vona Hosi Davhida na a txina hi ku tsaka phambheni ka Yehovha; se a sungula ku mu delela ka mbilu ya yena.+
17 Kutani va teka Areka ya Yehovha va ya yi veka ka tende leli Davhida a a li yendlele yona.+ Kutani Davhida a yendlela Yehovha+ magandzelo ya ku hisiwa+ ni magandzelo ya ku kombela ku rhula.+
18 Nkama Davhida a nga gama ku yendla magandzelo ya ku hisiwa ni magandzelo ya ku kombela ku rhula, a katekisa vanhu hi vito la Yehovha murhangeli wa tintsumi.
19 A tlhela a nyika vanhu hinkwavu, xitshungu hinkwaxu, vavanuna hinkwavu ni vavasati hinkwavu, pawu la redondu, bolu la ku hambiwa hi mihandzu ya minsinya ya mintxindzu* ni bolu la ku hambiwa hi mawuvha ya ku woma, se vanhu hinkwavu va gama va muketela.
20 Nkama Davhida a nga muka swaku na yena a ya katekisa ndjangu wa yena, Mikala n’wana wa Sawulo+ a mu tlhangaveta a ku: “A wu dani hosi ya Israyele, u tixixa hi ku ya txina phambheni ka vatirhi va xisati va vatirhi va wena na u nga yambalanga kahle, ingi wo va xiphunta!”+
21 Kambe Davhida a byela Mikala a ku: “A ni kombisa ku tsaka phambheni ka Yehovha, lweyi a kalaka a nga langanga papayi wa wena ni ndjangu wa yena hinkwawu, kambe a nga langa mina a tlhela a ni veka swaku ni rhangela vanhu va yena Yehovha, ku nga Israyele.+ Kutani a ni nga ta tshika ku kombisa ku tsaka phambheni ka Yehovha
22 naswona na ha ta yendla swa ku tlula leswi; swa ha ta tikomba hi minchumu ya yinyingi leyi ni nga ta yi yendla swaku ni tiveka hansi. Naswona vatirhi lava va xisati u nga vulavula hi vona va ta ni dzunisa.”
23 Se Mikala n’wana wa Sawulo+ a fe na a nga na n’wana.
Tinhlamunselu ta le hansi
^ Kumbexana: “axikarhi”.
^ Kumbe: “n’qolo; kalichi”.
^ Kumbe: “mapulangu ya nsinya wa Yunipa”.
^ Leswi vulaka “Ku Kwateliwa Ka Uza”.
^ Kumbe: “mapasu”.
^ Hi Xiheberu: “a a tibohe hi”.
^ Vona Ntlhamuselo.
^ Kumbe: “mapalmera”. A muxaka lowu wa ntxindzu wu tolovela ku kumeka aPalestina.
