Samuwele Wa Wumbirhi 8:1-18
8 Hi ku famba ka nkama Davhida a lwe ni Vafilista+ a va hlula,+ a gama a va tekela doropa la Metegi-Ama.
2 A hlule ni Vamowabu+ a gama a va yetlelisa hansi a va pima hi ngoti. Nkama a nga va pima ku hume mintlawa yinharhu, se a dlaya mintlawa yimbirhi a siya wun’we.+ Kutani Vamowabu va tirhela Davhida va tlhela va hakela ni rhesa.*+
3 Davhida a tlhele a hlula Adadezeri n’wana wa Reyobo hosi ya Zoba+ lweyi a a ya ka Nambu wa Ewufrata+ a ya tiyisa wuhosi la yena.
4 Davhida a mu tekele 1.700 wa masonchwa lawa a ma famba hi makavhalu ni 20.000 wa masonchwa lawa a ma famba hi minenge. Davhida a gama a tsema minsiha ya makavhalu lawa a ma koka tinyolo,* a siya 100 wa tona ntsena.+
5 A nkama Vaasiriya lava a va tshama Damaxka+ va nga ta va ta pfuna Adadezeri hosi ya Zoba, Davhida a dlaye 22.000 wa vona.+
6 Se Davhida a veka masonchwa aSiriya wa Damaxka, leswo swi yendle swaku Vaasiriya va tirhela Davhida va tlhela va hakela rhesa. Yehovha a a nyika Davhida matimba ya ku hlula hinkwaku lomu a a ya a ya lwa kona.+
7 Kutani Davhida a gama a teka swivhikelo swa redondu swa ku yendliwa hi woru ka vatirhi va Adadezeri a famba na swona aYerusalema.+
8 Hosi Davhida a teke kobre la linyingi hintamu ka madoropa ya Adadezeri, ku sukela aBeta ni Berota.
9 Se Toyi hosi ya Amati+ a twa swaku Davhida a hlule masonchwa hinkwawu ya Adadezeri.+
10 Toyi a gama a rhuma n’wana wa yena Yorami swaku a ya ka Hosi Davhida a ya mu pfuxela a tlhela a mu khensa hi mhaka ya leswi a nga lwa na Adadezeri a tlhela a mu hlula, naswona a a mu nyikete a prata, woru ni kobre swaku a ya nyika Davhida, (hikusa Adadezeri a a tshamela ku lwa na Toyi).
11 Kutani Hosi Davhida a nyika Yehovha minchumu hinkwayu ku patsa ni prata ni woru leswi a nga swi teka ka matiko hinkwawu lawa a nga ma hlula.+
12 Leswi a nga nyikela hi swona a swi teke aSiriya, ni Mowabu,+ ka Vaamoni, ka Vafilista,+ Vaamaleki+ ni ka Adadezeri+ n’wana wa Reyobo hosi ya Zoba.
13 Davhida a tlhele a tiviwa hintamu nkama a nga vuya hi ku dlayeni ka 18.000 wa Vaedomu ka Nkova wa Munyu.+
14 A game a veka masonchwa aEdomu. A veke masonchwa ka tiko hinkwalu la Edomu, se Vaedomu hinkwavu va mu tirhela.+ Yehovha a a yendla swaku Davhida a hlula hinkwaku lomu a a ya lwa kona.+
15 Davhida a tama a fuma tiko hinkwalu la Israyele,+ a tlhela a va yavanyisa kahle+ vanhu hinkwavu.+
16 Yowabu+ n’wana wa Zeruya a a li murhangeli wa masonchwa kasi Yehoxafati+ n’wana wa Ayiludi a a tsala hinkwaswu leswi a swi yendleka.
17 Zadoki+ n’wana wa Ayitubi na Ahimeleki n’wana wa Abiyatari a va li vaprista, kasi Seraya a a li sekretariyu.*
18 Benaya+ n’wana wa Yoyada a a li murhangeli wa vagwardu* va Davhida.+ Kasi vana va Davhida a va li varhangeli vavakulu.*
Tinhlamunselu ta le hansi
^ Kumbe: “impoxtu; tinemba.”
^ Kumbe: “tin’qolo; makalichi”.
^ Kumbe: “matsalana; mabalani.”
^ Hi Xiheberu: “Vakereti ni Vapeleti”.
^ Hi Xiheberu: “vaprista.”
