Tihosi Ta Wumbirhi 11:1-21
11 A nkama Ataliya+ mamani wa Akaziya a nga vona swaku n’wana wa yena a file,+ a dlaye vana hinkwavu va le wuhosini.+
2 Kambe, Yehoxeba n’wana wa Hosi Yehorama, makwavu wa xisati wa Akaziya, a teke Yehowaxi+ n’wana wa Akaziya na a nga voniwi hi munhu swaku a nga dlayiwi ni vana lavan’wani va hosi. A mu tekile a ya mu fihla ka kwartu la le ndzeni na a ni wansati lweyi a a mu hlayisa. Va mu fihlile naswona Ataliya a nga mu dlayanga.
3 A tshame na yena 6 wa malembe na a mu fihlile ka yindlo ya Yehovha, hi nkama lowu Ataliya a a fuma tiko.
4 Hi lembe la wu 7, Yoyada a rhuma vanhu swaku va ya vitana lava a va rhangela mintlawa ya 100 wa vanhu lava a va vonelela vanhu va le wuhosini ni lava a va vonelela* yindlo ya wuhosi+ swaku va ya kumana na yena ka yindlo ya Yehovha. A yendle ntwananu na vona a tlhela a yendla swaku va funga ka yindlo ya Yehovha a gama a va komba n’wana wa hosi.+
5 A va byela a ku: “Mi ta yendla leswi: Tiyaveni mi va mintlawa yinharhu. Ntlawa wun’we wu ta tirha hi Savata naswona wu fanele wu yi vonelela kahle yindlo ya wuhosi,+
6 ntlawa lowun’wanyani wu ta va ka nyanghwa lowu vitaniwaka Nyanghwa wa Masungulo kasi lowun’wanyani wu ta va ka nyanghwa lowu nga ndzhaku ka yindlo ya wuhosi. Mi ta txintxana na mi vonelela yindlo leyi.
7 Mintlawa ya n’wina ya yimbirhi leyi yi kalaka yi nga tirhi hi Savata, yi fanele yi yi vonelela kahle yindlo ya Yehovha swaku yi vhikela hosi.
8 Mi fanele mi nyima ka matlhelo hinkwawu ya hosi, hinkwenu na mi khome matlharhi ya n’wina. Lweyi a nga ta mi hundza a ta dlayiwa. Mi fanele mi famba ni hosi hinkwaku lani yi yaka kona.”
9 Lava a va rhangela mintlawa ya 100 wa vanhu+ va yendle leswi muprista Yoyada a nga va byela swona. Murhangeli hi mun’we a teke ntlawa wa yena wa lava a va tirha hi Savata ni lava a va nga tirhi hi Savata, a famba na vona ka muprista Yoyada.+
10 Se muprista a teka matlharhi ni swivhikelo swa redondu, leswi a swi li swa Hosi Davhida, leswi a swi li ka yindlo ya Yehovha a swi nyika lava a va rhangela mintlawa ya 100 wa vanhu.
11 Lava a va vonelela yindlo ya wuhosi+ a va nyime lani a va vekiwe kona, hinkwavu a va khome matlharhi ya vona, ku sukela ka tlhelo la xinene la yindlo ku ya ka tlhelo la ximatsi, a va nyime kusuhi ni altari+ ni kusuhi ni yindlo, na va vhikela hosi matlhelo hinkwawu.
12 Se Yoyada a humesa n’wana wa hosi+ a mu tlhateka harhi* ya wuhosi ni buku la Nawu,+ va mu chele mafurha, va mu veka swaku a va hosi. Va gama va sungula ku ba mavoko va ku: “Hanya hi masiku hosi!”+
13 Nkama Ataliya a nga twa vanhu na va tsutsuma, na yena a kahlula a nghena ka yindlo ya Yehovha lomu vanhu lava a va li kona.+
14 Kutani a vona hosi na yi nyime kusuhi ni pilari hi ku ya hi leswi tihosi a ti tolovela ku swi yendla.+ A varhangeli ni lava a va chaya timhalamhala*+ a va nyime kusuhi ni hosi naswona vanhu hinkwavu va tiko a va tsakile na va chaya timhalamhala. Se Ataliya a handzula mpahla ya yena, a huwelela a ku: “Vaxengi! Vaxengi!”
15 Muprista Yoyada a byela lava a va rhangela mintlawa ya 100 wa vanhu+ lava va nga langiwa swaku va rhangela nyimpini, a ku: “Mu humeseni, loko ku ni munhu lweyi a nyimaka na yena, mu dlayeni hi xipada!” Hikusa muprista a a te: “Mi nga mu dlayeni ka yindlo ya Yehovha.”
16 Se va mu khoma va famba na yena, a nkama va nga fika lani makavhalu ma nghenaka hi kona ka yindlo ya wuhosi,+ va mu dlayela kolanu.
17 Kutani Yoyada a yendla ntwananu wa Yehovha ni hosi ni vanhu,+ lani va nga tshembisa swaku va ta tshama na va li vanhu va Yehovha, a tlhele a yendla ntwananu wun’wani wa hosi ni vanhu.+
18 Vanhu hinkwavu va tiko va gama va ya ka tempele ya Bali va fika va dilizela maaltari ya yena,+ va fayetela swifaniso swa yena hinkwaswu,+ va tlhela va dlaya Matani muprista wa Bali+ phambheni ka maaltari.
Se muprista Yoyada a langa vanhu swaku va vonelela yindlo ya Yehovha.+
19 A tlhele a teka vanhu lava a va rhangela mintlawa ya 100 wa vanhu,+ lava a va vonelela vanhu va le wuhosini, lava a va vonelela yindlo ya wuhosi+ ni vanhu hinkwavu va tiko swaku va famba ni hosi loko yi huma ka yindlo ya Yehovha yi ya ka yindlo ya wuhosi, va fambe hi ndlela leyi hundzaka hi ka nyanghwa wa lava a va vonelela yindlo ya wuhosi. Kutani a hosi yi fika yi tshama ka xitshamu xa wuhosi.+
20 Vanhu hinkwavu atikweni a va tsakile hikusa a ku ni ku rhula ka doropa hi mhaka leswi Ataliya a nga dlayiwa hi xipada ka yindlo ya wuhosi.
21 Yehowaxi+ a a ni 7 wa malembe nkama a nga va hosi.+
Tinhlamunselu ta le hansi
^ Hi Xiheberu: “vagwardu va Vakariyanu”.
^ Kumbe: “korowa”.
^ Ku nga minchumu ya ku hambiwa hi timhondzo kumbe tinsimbi, swi chaya ku fananyana ni vhuvhuzela.
