Tihosi Ta Wumbirhi 21:1-26
21 Manasi+ a a ni 12 wa malembe nkama a nga va hosi naswona a fume 55 wa malembe aYerusalema.+ Vito la mamani wa yena a ku li Efiziba.
2 A djohele Yehovha, a tlhela a tekelela mahanyelo ya ku nyenyentsa ya matiko+ lawa Yehovha a nga ma hlongola phambheni ka Vayisrayele.+
3 A tlhele a yaka tindhawu ta ku tlakuka ta ku gandzela ka tona leti papayi wa yena Hezekiya a a ti helisile.+ A yakele Bali maaltari, a tlhela a yendla ni mhandzi ya Axera*+ ku fana ni leswi Akabu hosi ya Israyele a nga swi yendlisa swona.+ A khizamele dlambu, n’weti ni tinyeleti a swi tirhela.+
4 A tlhele a yaka maaltari ka yindlo ya Yehovha,+ lani Yehovha a nga hlaya a ku: “Ni ta veka vito la mina aYerusalema.”+
5 A yake maaltari a yakela dlambu, n’weti ni tinyeleti+ ka mikintari* yimbirhi ya yindlo ya Yehovha.+
6 A hise n’wana wa yena hi ndzilu a yendla magandzelo hi yena; a yendle masalamusi,* a hlahluva+ a tlhela a veka tinyanga ni vanhu va ku femba.+ A yendlele Yehovha swa ku biha ngopfu a za a mu kwatisa.
7 A teke xifaniso xa mhandzi ya Axera*+ lexi a nga xi yendla a xi veka ka yindlo leyi Yehovha a nga byela Davhida na Solomoni n’wana wa yena a ku: “Ka yindlo leyi ni Yerusalema, ku nga doropa leli ni nga li langa ka tinxaka hinkwatu ta Israyele, ni ta veka vito la mina hi nkama wa ku kala wu nga heli.+
8 A ni nge he tlheli ni yendla swaku Vayisrayele va rhendzelekela va ya kule ni tiko leli ni nga li nyika vavhovho va vona,+ loko va yendla hinkwaswu leswi ni nga va byela swona,+ va yingisa Nawu hinkwawu lowu Moxe mutirheli wa mina a nga va byela swaku va wu yingisa.”
9 Kambe a va yingisanga, naswona Manasi a tame a va djohisa va za va yendla swa ku biha ngopfu ku tlula leswi a swi yendliwa hi vanhu va matiko lawa Yehovha a nga ma helisa nkama Vayisrayele va nga teka tiko la vona.+
10 Yehovha a tame a vulavula na vona hi ku tirhisa vanhu va yena ku nga vaprofeta+ a ku:
11 “Manasi hosi ya Yuda a yendle minchumu leyi hinkwayu ya ku nyenyentsa; a djohe ku tlula Vaamori+ hinkwavu lava va nga hanya na yena a nge se psaliwa,+ a djohise Vayuda hi swifaniso swa yena swa ku nyenyentsa.*
12 Se Yehovha Xikwembu xa Israyele a li: ‘Ni ta tisa khombo aYerusalema+ ni Yuda, leli vanhu hinkwavu va nga ta tsemeka nhlana* loko va li twa.+
13 Ni ta pima Yerusalema hi ku tirhisa ngoti ya ku pima hi yona+ ku fana ni leswi ni nga pimisa swona doropa la Samariya+ ni tlhela ni tirhisa nsimbi ya ku pima hi yona leyi nga tirhisiwa ka ndjangu wa Akabu,+ naswona ni ta basisa Yerusalema ku fana ni leswi munhu a li basisaka xiswona tijela loko a li hlampsa a gama a li mbhonya li txuvuka hansi.+
14 Ni ta tshika vanhu lava va nga ta sala ka vanhu va mina+ ku nga vanhu va Yuda naswona ni ta yendla swaku va hluliwa hi valala va vona, va ta tekeliwa minchumu ya vona va tlhela va khomiwa hi valala va vona hinkwavu,+
15 hi mhaka ya leswi va nga ni djohela va tlhela va ni kwatisa ku sukela ka siku leli vavhovho va vona va nga huma hi lona Gibita, anze namuntlha.’”+
16 Manasi a tlhele a dlaya vanhu va vanyingi va ku kala va nga na nandzu ka doropa hinkwalu la Yerusalema,+ naswona a yendle swaku Vayuda va djoha hi ku yendlela Yehovha swa ku biha.
17 Timhaka hinkwatu ta wutomi la Manasi, hinkwaswu leswi a nga swi yendla ni swidjoho swa yena hinkwaswu, swi tsaliwile ka buku leli vulavulaka hi wutomi la tihosi ta Yuda.
18 Kutani Manasi a fa a lahliwa lani vavhovho va yena va nga lahliwa kona ka jardim la yindlo ya yena ya wuhosi, ku nga jardim la Uza;+ Amoni n’wana wa yena a gama a va hosi.
19 Amoni+ a a ni 22 wa malembe nkama a nga va hosi naswona a fume malembe mambirhi aYerusalema.+ Vito la mamani wa yena a ku li Mexulemeti n’wana wa Aruzi wa le Yotiba.
20 A tame a yendlela Yehovha swa ku biha, ku fana na Manasi papayi wa yena.+
21 A tame a djoha ku fana ni leswi papayi wa yena a nga djohisa xiswona naswona a tame a tirhela a tlhela a khizamela swifaniso swa ku nyenyentsa leswi papayi wa yena a nga swi tirhela.+
22 A tshike Yehovha Xikwembu xa vavhovho va yena, naswona a nga hanyanga hi minawu ya Yehovha.+
23 Vatirhi va Amoni va game va mu djikela, se va mu dlaya kaya ka yena.
24 Kambe vanhu va tiko va dlaye hinkwavu lava va nga dlaya Hosi Amoni va gama va veka Yosiya n’wana wa yena swaku a va hosi.+
25 Timhaka hinkwatu ta wutomi la Amoni, ni hinkwaswu leswi a nga swi yendla, swi tsaliwile ka buku leli vulavulaka hi wutomi la tihosi ta Yuda.
26 Se va mu lahla ka sirha la yena leli nga ka jardim la Uza+ a gama Yosiya+ n’wana wa yena a va hosi.
Tinhlamunselu ta le hansi
^ Vona Ntlhamuselo.
^ Vona Ntlhamuselo.
^ Kumbe: “magia”.
^ Vona Ntlhamuselo.
^ Rito la Xiheberu li nga tirhisiwa lani, li nga ha fambisana ni rito leli vulaka “chaka la munhu kumbe la xiharhi,” funtshi li tirhiseliwa ku kombetela ka xiyeyiso.
^ Hi Xiheberu: “tinga tindleve”.
