Tikronika Ta Wumbirhi 11:1-23
11 Nkama Robuwamu a nga fika Yerusalema, a tekele ku hlengeleta 180.000 wa masonchwa ka lixaka la ka Yuda ni la ka Benjamini,+ lawa a ma swi kota kahle ku lwa nyimpi, se ma tilulamisela swaku ma ya lwa ni Vayisrayele swaku a mfumu wu ta tlhelela ka Robuwamu.+
2 Yehovha a gama a byela mutirhi wa yena Xemaya,+ a ku:
3 “Famba u ya byela Robuwamu n’wana wa Solomoni hosi ya Yuda ni Vayisrayele hinkwavu va nga ka madoropa ya Yuda ni ya Benjamini u ku:
4 ‘Yehovha a li: “Mi nga yi mi ya lwa ni vamakwenu va n’wina. Hinkwenu mukani kaya, hikusa leswi nga yendleka i ku rhandza ka mina.”’”+ Se hinkwavu va yingisa Yehovha va muka, a va yanga va ya lwa na Yerobuwamu.
5 Robuwamu a a tshama Yerusalema funtshi a yake madoropa lawa ma nga ni mimuru ya ku tiya aYuda.
6 A tlhele a yaka doropa la Betlehema,+ Etami, Tekowa,+
7 Beti-Zuri, Soko,+ Adulami,+
8 Gati,+ Marexayi, Zifi,+
9 Adorayimi, Lakixi,+ Azeka,+
10 Zora, Ayiyaloni+ ni Hebroni+ ku nga madoropa lawa ma nga ni mimuru ya ku tiya lawa ma nga ka ndhawu ya Yuda ni ya Benjamini.
11 Kutani a tiyisa madoropa lawa ma nga ni mimuru ya ku tiya a gama a veka varhangeli a tlhela a va nyika swakudla, mafurha ni vhinyu,
12 a tlhela a nyika madoropa hinkwawu swivhikelo swaswikulu ni matlharhi; a ma tiyisa hintamu. A tame a fuma doropa la Yuda ni la Benjamini.
13 Vaprista ni Valevhi lava a va li ka tiko hinkwalu la Israyele va mu seketelile na va ta hi ka tindhawu ta ku hambanahambana.
14 Valevhi va siye madoropa ya vona ni tindhawu ta vona ta ku lusela ka tona+ va ya Yuda ni Yerusalema, hikusa Yerobuwamu ni vana va yena a va va hlongolile swaku va nga ha vi vaprista va Yehovha.+
15 Kutani Yerobuwamu a tilangela vaprista swaku va ta tirha ka tindhawu ta ku tlakuka+ va tlhela va rhangela vanhu loko va gandzela madimoni lama fanaka+ ni timbuti ni swihon’wani leswi a a swi yendlile.+
16 Vanhu lava a va ta hi ka tinxaka hinkwatu ta Israyele lava a va tinyimisele ku gandzela Yehovha Xikwembu xa Israyele, va va landzile aYerusalema swaku va ta yendlela Yehovha Xikwembu xa vavhovho va vona a magandzelo.+
17 Va tiyise wuhosi la Yuda va tlhela va nyima na Robuwamu n’wana wa Solomoni malembe manharhu naswona va tekelele xikombiso xa Davhida ni xa Solomoni malembe manharhu.
18 Kutani Robuwamu a teka Mahalati n’wana wa Yerimoti n’wana wa Davhida, na Abiyayile n’wana wa Eliyabi+ n’wana wa Yese swaku va va vasati va yena.
19 Hi ku famba ka nkama va mu psalele vana va madjaha ku nga Yewuxi, Xemariya na Zahami.
20 A game a teka Maka ntukulu wa Absalomu.+ Hi ku famba ka nkama a mu psalele Abiya,+ Atayi, Ziza na Xelomiti.
21 Robuwamu a a rhandza Maka ntukulu wa Absalomu ku tlula vasati va yena hinkwavu ni vasati va yena vavatsongo,*+ hikusa a a ni 18 wa vavasati ni 60 wa vavasati vavatsongo funtshi a ve ni 28 wa vana va madjaha ni 60 wa vana va tintombhi.
22 Kutani Robuwamu a veka Abiya n’wana wa Maka swaku a rhangela vamakwavu hinkwavu, hikusa a a lava ku mu yendla hosi.
23 Kambe a yendle minchumu hi wutlharhi a rhumela vana va yena van’wani ka tindhawu hinkwatu ta Yuda ni ta Benjamini, ka madoropa hinkwawu lawa ku nga ni mimuru ya ku tiya,+ a va nyika swakudla swa swinyingi a tlhela a va lavela vavasati.
Tinhlamunselu ta le hansi
^ Vona Ntlhamuselo.
