Tikronika Ta Wumbirhi 12:1-16
12 Nkama mfumu wa Robuwamu wu nga sungula ku tiya,+ a tlhela a va ni matimba, yena ni tiko hinkwalu la Israyele va tshike Nawu wa Yehovha.+
2 Hi lembe la wu 5 la ku fuma ka Hosi Robuwamu, Xixaki+ hosi ya Gibita a tile, a ta hlasela doropa la Yerusalema hikusa a va djohele Yehovha.
3 A a ni 1.200 wa tinyolo,* 60.000 wa masonchwa lama fambaka hi makavhalu ni masonchwa ya manyingi swinene lawa a nga ta na wona hi Gibita, ku nga masonchwa ya le Libiya, Sukimi ni Etiyopiya.+
4 A teke madoropa ya Yuda, lawa ma nga ni mimuru ya ku tiya anze a ya fika ni le Yerusalema.
5 Muprofeta Xemaya+ a ye ka Robuwamu ni varhangeli va Yuda lava a va tlhanganile aYerusalema hi mhaka ya Xixaki, a fika a va byela swaku: “Yehovha a li: ‘Leswi mi nga ni tshika na mina na mi tshika+ ka mavoko ya Xixaki.’”
6 Se varhangeli va Vayisrayele ni hosi ya vona va tisola+ kutani va ku: “Yehovha a lulamile.”
7 Nkama Yehovha a nga vona swaku va tisolile, Yehovha a byela Xemaya a ku: “Va tisolile. A ni nge he va helisi+ naswona ku nga li khale ni ta va ponisa. Ni ta vhikela doropa la Yerusalema ka mavoko ya Xixaki, a ni nga ha ta li kwatela.
8 Kambe va ta va vatirhi va yena, va ta vona ku hambana ka ku tirhela mina ni ku tirhela tihosi ta mimfumu ya matiko man’wani.”
9 Se Xixaki hosi ya Gibita a hlasela doropa la Yerusalema. A teka tshomba leli a li li ka yindlo ya Yehovha+ ni ka yindlo ya wuhosi. A teke swilo hinkwaswu ku patsa ni swivhikelo swa woru leswi Solomoni a a swi yendlile.+
10 Kutani Hosi Robuwamu a yendla swivhikelo swa kobre swaku a pfaleta leswi nga tekiwa, a swi nyika varhangeli va vagwardu lava a va vonelela nyanghwa wa yindlo ya hosi.
11 Nkama ni nkama loko hosi yi ta ka yindlo ya Yehovha, vagwardu a va fika va nghena va swi tlakula, loko va gama a va swi tlhelisa ka yindlo ya vona.
12 Leswi hosi a yi tisolile, Yehovha a nga ha yi kwatelanga+ naswona a nga ha va helisanga hi ku helela.+ Kambe a ku ni minchumu yin’wani yayinene leyi vanhu va Yuda a va yi yendla.+
13 Hosi Robuwamu a tiyise mfumu wa yena aYerusalema funtshi a tame a fuma; Robuwamu a a ni 41 wa malembe nkama a nga va hosi funtshi a fume 17 wa malembe aYerusalema, doropa leli Yehovha a nga li langa ka tinxaka hinkwatu ta Israyele swaku a veka vito la yena kona. Vito la mamani wa Robuwamu a ku li Nama wa Muamoni.+
14 Kambe a yendle swa ku biha hikusa a a nga swi lavi ka mbilu ya yena ku lavetela Yehovha.+
15 Timhaka hinkwatu ta wutomi la Robuwamu, ku sukela a ku sunguleni anze magamu, ti tsaliwile lani ku nga tsaliwa swib’ongo swa vona hi muprofeta Xemaya+ na Ido+ lweyi a a kota ku vona minchumu ya ku hlamalisa hi ndlela ya singita.* Robuwamu na Yerobuwamu+ a va tshamela ku lwa.
16 Hi ku famba ka nkama Robuwamu a fa a lahliwa lani vavhovho va yena va nga lahliwa kona ka Doropa la Davhida;+ kutani Abiya+ n’wana wa yena a vekiwa ku va hosi.