Tikronika Ta Wumbirhi 15:1-19
-
Asa a pfuna vanhu swaku va tlhelela ka Xikwembu (1-19)
15 Kutani Azariya n’wana wa Odedi a va ni moya wa ku kwetsima wa Xikwembu.
2 Se a huma a ya tlhangana na Asa, kutani a mu byela a ku: “Ni yingisi, wena Asa ni tiko hinkwalu la Yuda ni la Benjamini! Yehovha a na n’wina ntsena loko na n’wina mi nga mu tshiki;+ loko mi mu lava, a ta yendla swaku mi mu kuma,+ kambe loko mi mu tshika na yena a ta mi tshika.+
3 Ku hele nkama wa wunyingi na Vayisrayele va tshike Xikwembu xa ntiyiso, va nga na muprista lweyi a a va djondzisa funtshi va nga na nawu.+
4 Kambe loko va li ku hluphekeni a va tlhelela ka Yehovha Xikwembu xa Israyele, va mu lava, se yena a a yendla swaku va mu kuma.+
5 Ka minkama yoleyo, a swi ni nghozi ku fambafamba, hikusa a ku ni mpfilumpfilu ka matiko wolawo.
6 Tiko a li lwa ni tiko lin’wani ni doropa a li lwa ni doropa lin’wani, hikusa Xikwembu a xi va nyikanga ku rhula, xi yendle swaku va va ni swikarhatu swa ku hambanahambana.+
7 Kambe n’wina, mi nga chavi, mi nga heli ntamu,+ hikusa mi ta hakeliwa hi mhaka ya mintirho ya n’wina.”
8 Nkama Asa a nga twa marito lawa ni wuprofeta la muprofeta Odedi, a tiya a nga chavi, a susa swifaniso swa ku nyenyentsa ka tiko hinkwalu la Yuda+ ni la Benjamini ni ka madoropa lawa a nga ma teka ka ndhawu ya tintshava ya Efrayimi a gama a tlhelisela altari ya Yehovha leyi a yi li phambheni ka vharanda la yindlo ya Yehovha.+
9 A hlengelete tiko hinkwalu la Yuda ni la Benjamini ni vanhu va ku ta hi ka matiko man’wani lava a va li na vona lava a va ta hi ka lixaka la Efrayimi, la Manasi ni la Simiyoni,+ hikusa va baleke Israyele va ya ka yena na va li vanyingi nkama va nga vona swaku Yehovha Xikwembu xa yena xi na yena.
10 Kutani va hlengeletane Yerusalema hi wheti ya wunharhu hi lembe la wu 15 la ku fuma ka hosi Asa.
11 Hi siku lelo va yendlele Yehovha gandzelo hi minchumu leyi va nga yi tekela valala va vona, ku nga 700 wa tihomu ni 7.000 wa tinyempfu.
12 Va tlhele va yendla ntwananu wa leswaku va lava Yehovha Xikwembu xa vavhovho va vona hi timbilu ta vona hinkwatu ni hi wutomi la vona hinkwalu.+
13 Lweyi a nga ta kala a nga mu lavi Yehovha Xikwembu xa Israyele a a fanele a dlayiwa, ku nga na mhaka swaku i mukulu kumbe i mutsongo, i wanuna kumbe i wansati.+
14 Se va funga ka Yehovha hi rito la ku twala, va ba minkulungwani va tlhela va chaya timhondzo ni timhalamhala* hi mhaka ya leswi a va tsakile.
15 Kutani vanhu hinkwavu va Yuda va tsaka hi mhaka ya leswi va nga swi funga, hikusa va funge hi timbilu ta vona hinkwatu naswona va lave Yehovha hi timbilu ta vona hinkwatu a za a yendla swaku va mu kuma,+ funtshi a tame a va humuta ka valala va vona.+
16 Hambi vhovho wa yena Maka,+ hosi Asa a mu susile ka xitulu xa ku va mamani wa hosi, hikusa a a yendle xifaniso xa ku nyenyentsa xa mhandzi ya Axera*+ swaku xi gandzeliwa. Asa a tseme xifaniso xolexo xa ku nyenyentsa a xi pandzelela a xi hisa ka Nkova wa Kedroni.+
17 Kambe tindhawu ta ku tlakuka leti a ku gandzeliwa ka tona a ti susiwanga+ aIsrayele.+ Hambileswo, ka wutomi la yena hinkwalu Asa a tinyiketele ka Xikwembu hi mbilu ya yena hinkwayu.+
18 Kutani va teka minchumu leyi yena ni papayi wa yena va nga yi nyikela ka Xikwembu, ku nga prata, woru ni swibya swa ku hambahambana va yi nghenisa ka yindlo ya Xikwembu xa ntiyiso.+
19 A ku zanga ku va ni nyimpi anze ka lembe la wu 35 la ku fuma ka Asa.+
Tinhlamunselu ta le hansi
^ Ku nga minchumu ya ku hambiwa hi timhondzo kumbe tinsimbi, swi chaya ku fananyana ni vhuvhuzela.
^ Vona Ntlhamuselo.
