Tikronika Ta Wumbirhi 16:1-14
16 Hi lembe la wu 36 la ku fuma ka Asa, Baxa+ hosi ya Israyele a ta swaku a ta lwa na Yuda, a tlhela a sungula ku yaka* doropa la Rama+ swaku ku nga vi na munhu lweyi a humaka kumbe ku nghena ka ndhawu leyi Asa hosi ya Yuda a a fuma ka yona.+
2 Nkama Asa a nga vona leswo, a teka prata ni woru leswi a swi li ka ndhawu ya ku hlayisa tshomba ka yindlo ya Yehovha+ ni ka yindlo ya wuhosi, a swi rhumela ka Benadadi hosi ya Siriya+ lweyi a a tshama Damaxka a ku:
3 “Mina na wena hi yendle ntwananu, papayi wa mina ni papayi wa wena va yendle ntwananu. Se ni ku rhumela prata ni woru. Tani u ta helisa ntwananu wa wena na Baxa hosi ya Israyele, swaku a ta suka ka ndhawu ya mina.”
4 Benadadi a yingisa Hosi Asa, a rhuma varhangeli va masonchwa ya yena swaku va ya hlasela madoropa ya Israyele, kutani vona va famba va ya hlasela doropa la Ijoni,+ Dani,+ Abel-Mayimi ni tindhawu hinkwatu leti a ku hlayisiwa minchumu ka tona leti nga ka madoropa ya Naftali.+
5 A nkama Baxa a nga twa leswo, a vhela a tshika ku yaka doropa la Rama.
6 Hosi Asa a gama a teka tiko hinkwalu la Yuda, va ya rhwala maribye ni timhandzi aRama+ leswi Baxa a a yaka hi swona.+ Hosi Asa a tirhise swona swaku a yaka doropa la Jeba+ ni la Mizpa.+
7 Hi nkama wolowo Hanane+ lweyi a a kota ku vona minchumu ya ku hlamalisa hi ndlela ya singita* a ya ka Asa hosi ya Yuda a fika a ku: “Leswi u nga tshemba hosi ya Siriya, u kalaka u nga tshembanga Yehovha Xikwembu xa wena, masonchwa ya hosi ya Siriya ma ku balekile.+
8 Kasi Vaetiyopiya ni Valibiya a va nga na masonchwa ya manyingi, tinyolo* ta tinyingi ni masonchwa ya ku famba hi makavhalu? Kambe leswi a wu tshemba Yehovha a ku pfunile swaku u va hlula.+
9 Phela matihlo ya Yehovha ma fambafamba misaveni hinkwayu+ swaku a pfuna lava mu tshembaka hi mbilu hinkwayu.+ Kambe leswi u nga swi yendla ka mhaka leyi i wuphunta; ku sukela swoswi valala va wena va ta tshamela ku lwa na wena.”+
10 Kambe Asa a kwatela Hanani lweyi a a kota ku vona minchumu ya ku hlamalisa hi ndlela ya singita, se a mu pfalela djele hi mhaka leswi a nga swi hlaya. Hi nkama wolowo Asa a sungula ku hlupha ni vanhu van’wani.
11 Timhaka hinkwatu ta wutomi la Asa, ku sukela a ku sunguleni anze magamu ti tsaliwile ka Buku leli vulavulaka hi Tihosi ta Yuda ni ta Israyele.+
12 Hi lembe la wu 39 la ku fuma ka yena, Asa a va ni mavabyi ya minenge, kutani mavabyi ya yena ma kula hintamu; hambileswi a a vabya hintamu a nga kombelanga Yehovha swaku a mu pfuna kambe a ye ka tinyanga.
13 Asa a gama a fa, a lahliwa lani vavhovho va yena+ va nga lahliwa kona; a fe hi lembe la wu 41 la ku fuma ka yena.
14 A lahliwe ka sirha la yena lalikulu leli a nga titxelela lona ka Doropa la Davhida,+ va mu veke ka xibedwani* lexi a xi cheliwe mafurha ya manyingi ya balsamu ni mafurha ya ku nun’hwela ya ku hambanahambana lama nga patsiwa ni mafurha man’wani ya ku hlawuleka.*+ Va tlhele va mu hisela minchumu ya yinyingi ya ku nun’hwela.
Tinhlamunselu ta le hansi
^ Kumbe: “ku pfuxeta”.
^ Hi Xiheberu: “muvoni wa swivono”.
^ Kumbe: “tin’qolo; makalichi”.
^ Ku nga xibedwani lexi a va tlakula hi xona munhu lweyi a nga fa.
^ Kumbe: “xipesiyali.”
