Tikronika Ta Wumbirhi 17:1-19
17 Se Yehoxafati+ n’wana wa yena a va hosi a tlhela a tiyisa wuhosi la yena aIsrayele.
2 A veke masonchwa ka madoropa hinkwawu ya Yuda lama nga ni mimuru ya ku tiya, man’wani a ma veke aYuda ni ka madoropa ya Efrayimi lawa papayi wa yena Asa a nga ma teka.+
3 Yehovha a tame a pfuna Yehoxafati, hikusa a a yendla minchumu yayinene ku fana ni vhovho wa yena Davhida,+ a nga swi tirhelanga swikwembu leswi vitaniwaka Vabali.
4 A lave Xikwembu xa papayi wa yena+ funtshi a yingise minawu ya xona, a nga landzelelanga leswi a swi yendliwa hi Vayisrayele.+
5 Yehovha a tiyise mfumu wa Yehoxafati+ naswona tiko hinkwalu la Yuda li tame li mu nyika minchumu, se a ganya a tlhela a hloniphiwa hintamu.+
6 A yingise minawu ya Yehovha hi mbilu hinkwayu, a tlhela a susa hambi ni tindhawu ta ku tlakuka leti a ku gandzeliwa ka tona+ ni timhandzi ta Axera*+ aYuda.
7 Hi lembe la wunharhu la ku fuma ka yena a rhumele varhangeli va yena ku nga Benayili, Obadiya, Zakariya, Nataneli na Mikaya, swaku va ya djondzisa ka madoropa ya Yuda.
8 Va fambe ni Valevhi ku nga Xemaya, Netaniya, Zebadiya, Azayeli, Xemiramoti, Jonathani, Adoniya, Thobiya na Tobi-Adoniya ku patsa na muprista Elixama na muprista Yehorama.+
9 Va sungule ku djondzisa aYuda, na va ni buku la Nawu wa Yehovha,+ va ya ni ka madoropa hinkwawu ya Yuda, na va famba va djondzisa vanhu.
10 Mimfumu hinkwayu leyi a yi li kusuhi ni doropa la Yuda yi sungula ku chava Yehovha funtshi a yi lwanga na Yehoxafati.
11 Vafilista va hakele rhesa* ka Yehoxafati hi ku mu nyika male ni minchumu. Vaarabiya va mu tisele 7.700 wa swiphongo ni 7.700 wa tinyempfu ta xinuna.
12 Yehoxafati a tama a va ni matimba swinene+ funtshi a tama a yaka tindhawu leti nga ni mimuru ya ku tiya+ ni madoropa lawa a ku hlayisiwa ka wona minchumu+ aYuda.
13 A yendle mintirho ya yinyingi ka madoropa ya Yuda funtshi a a ni masonchwa ya matimba aYerusalema.
14 A ma yaviwe hi ku ya hi mindjangu ya wona: Ka Yuda a ku ni varhangeli va mintlawa ya 1.000 wa masonchwa, a wa ku sungula i Adinayi, lweyi a a rhangela 300.000 wa masonchwa ya matimba.+
15 A a tlhela a rhangela Yehohanani, murhangeli wa 280.000 wa masonchwa.
16 Adinayi a a tlhela a rhangela na Amasiya n’wana wa Zikiri, lweyi a a tinyikelile swaku a tirhela Yehovha funtshi a a rhangela 200.000 wa masonchwa.
17 Ka lixaka la Benjamini+ a ku na Eliyada lweyi a a li sonchwa la matimba funtshi a a rhangela 200.000 wa masonchwa lawa a ma khome ligubu ni xivhikelo.+
18 A a tlhela a rhangela Yehozabadi lweyi a a ni 180.000 wa masonchwa lawa a ma tilulamisele ku lwa nyimpi.
19 Lava hi vona lava a va tirhela hosi ku yengesela ka lava hosi a yi va vekile ka madoropa lama nga ni mimuru ya ku tiya ka tiko hinkwalu la Yuda.+
