Tikronika Ta Wumbirhi 19:1-11
19 Kutani Yehoxafati hosi ya Yuda a tlhela a ya kaya ka yena aYerusalema na a hlayisekile.+
2 Yewu+ n’wana wa Hanane+ lweyi a vonaka swilo swa ku hlamalisa hi ndlela ya singita* a famba a ya kumana na Hosi Yehoxafati a fika a mu vutisa a ku: “U swi vona swi li swinene ku pfuna vanhu lava yendlaka swa ku biha+ u tlhela u rhandza lava nyenyaka Yehovha ke?+ Yehovha a ku kwatelile hi mhaka u nga yendla leswo.
3 Kambe Xikwembu xi vone minchumu yayinene ka wena,+ hikusa u suse timhandzi ta Axera* atikweni u tlhela u lava Xikwembu xa ntiyiso hi mbilu hinkwayu.”*+
4 Yehoxafati a tama a tshama Yerusalema a gama a suka Berxeba a ya ka ndhawu ya tintshava ya Efrayimi+ a ya byela vanhu swaku va tlhela va gandzela Yehovha Xikwembu xa vavhovho va vona.+
5 A tlhele a veka vayavanyisi ka tiko hinkwalu la Yuda, ka madoropa hinkwawu lawa ma nga ni mimuru ya ku tiya.+
6 A byela vayavanyisi a ku: “Tivoneleni nkama mi yavanyisaka, hikusa a mi yavanyiseli munhu kambe mi yavanyisela Yehovha funtshi a na n’wina nkama lowu mi yavanyisaka.+
7 Chavani Yehovha.+ Tivoneleni ka leswi mi swi yendlaka hikusa Yehovha Xikwembu xa hina a rhandza minchumu ya ku lulama,+ a nga na xikheto+ funtshi a nga xaviwi.”+
8 Yehoxafati a yendle leswo ni Yerusalema, a veka Valevhi ni vaprista van’wani ni varhangeli va mindjangu aIsrayele swaku va yavanyisela Yehovha va tlhela va thetha timhaka ta lava va tshamaka Yerusalema.+
9 Kutani a va byela a ku: “Leswi mi faneleke mi swi yendla leswaku mi chava Yehovha funtshi mi swi yendla hi ku tshembeka ni hi mbilu hinkwayu hi leswi:
10 Loko vamakwenu va n’wina lava tshamaka ka madoropa ya vona va tisa mhaka leyi yelanaka ni ku dlaya+ kumbe va vutisa hi minawu, swiboho swa ku yavanyisa, kumbe swin’wani leswi Xikwembu xi nga swi hlaya, mi fanele mi va basopisa swaku va nga djoheli Yehovha; loko mi nga yendli leswo, a ta mi kwatela n’wina ni vamakwenu va n’wina. Mi fanele mi yendla leswo swaku mi nga vi ni nandzu.
11 Hi lweyi Amariya muprista wamukulu lweyi a nga ta mi pfuna ka timhaka hinkwatu ta Yehovha.+ Zebadiya n’wana wa Ismayeli i murhangeli wa ndjangu wa Yuda ka timhaka hinkwatu leti ti khumbaka hosi. Valevhi va ta va varhangeli va n’wina. Tiyani mi nga chavi, yendlani swaswinene, Yehovha a ta pfuna lava yendlaka swaswinene.”+
Tinhlamunselu ta le hansi
^ Hi Xiheberu: “muvoni wa swivono”.
^ Vona Ntlhamuselo.
^ Hi Xiheberu: “lunghiselela mbilu.”
