Tikronika Ta Wumbirhi 27:1-9
-
Yothamu hosi ya Yuda (1-9)
27 Yothamu+ a a ni 25 wa malembe nkama a nga va hosi funtshi a fume 16 wa malembe aYerusalema. Vito la mamani wa yena a ku li Yeruxa n’wana wa Zadoki.+
2 A tame a yendlela Yehovha swaswinene ku fana ni leswi papayi wa yena Uziya a nga swi yendla,+ kambe a nga nghenanga ka tempele ya Yehovha na swi nga fanelanga.+ Kambe vanhu a va ha yendla swa ku biha.
3 A yake nyanghwa wa le henhla wa yindlo ya Yehovha+ naswona a yendle ntirho wawukulu nkama na ku yakiwa muru wa Ofeli.+
4 A tlhele a yaka madoropa+ ka ndhawu leyi nga ni tintshava ya Yuda,+ a yaka ni madoropa lawa ma nga ni mimuru ya ku tiya+ ni maprediyu*+ amakhwatini.
5 A lwe ni hosi ya Vaamoni+ a gama a yi hlula, se hi lembe lolelo Vaamoni va mu nyike 3.420 wa makilu* ya prata, 1.600.000* wa makilu* ya trigu ni 1.300.000* wa makilu* ya maxalani.* Vaamoni va tlhele va mu hakela hi mpimu wa ku fana ka lembe la wumbirhi ni lembe la wunharhu.+
6 Kutani Yothamu a tama a va ni matimba hikusa a a yendla ku rhandza ka Yehovha Xikwembu xa yena.
7 Timhaka hinkwatu ta wutomi la Yothamu, tinyimpi leti a nga ti lwa ni hinkwaswu leswi a nga swi yendla, swi tsaliwile ka Buku leli vulavulaka hi Tihosi ta Israyele ni ta Yuda.+
8 A sungule ku fuma na a ni 25 wa malembe funtshi a fume 16 wa malembe aYerusalema.+
9 Kutani Yothamu a fa a gama a lahliwa lani vavhovho va yena va nga lahliwa kona ka Doropa la Davhida.+ Se Akazi n’wana wa yena a va hosi.+
Tinhlamunselu ta le hansi
^ Kumbe: “swihondzo; switezi”.
^ Kumbe: “sevhada.”
^ Hi Xiheberu: “10.000 wa tikoro”. Vona Xiyengetelo B14.
^ Kumbe: “um milhão e trezentos mil”.
^ Hi Xiheberu: “10.000 wa tikoro”. Vona Xiyengetelo B14.
^ Kumbe: “um milhão e seiscentos mil”.
^ Hi Xiheberu: “100 wa titalenta”. Vona Xiyengetelo B14.