Tikronika Ta Wumbirhi 3:1-17
3 Kutani Solomoni a sungula ku yaka tempele ya Yehovha+ aYerusalema ka Ntshava ya Moriya,+ lani Yehovha a nga humelela kona ka papayi wa yena Davhida,+ ka ndhawu leyi Davhida a nga yi lulamisela, lani Orinani+ wa Muyebusi a a phepherela kona.
2 A sungule ku yaka hi siku la wumbirhi ka wheti ya wumbirhi, hi lembe la wu 4 na se a fuma.
3 Masungulo* ya tempele leyi Solomoni a nga yi yakela Xikwembu xa ntiyiso a ma lehe 27 wa mametru,* ma yanama 8,9 wa mametru*+ hi ku ya hi mapimelo ya xikhale.*
4 A vharanda leli a li li phambheni ka yindlo a li lehe 8,9 wa mametru, ku fana ni ku yanama ka tempele, li tlhela li tlakuka 120;* andzeni ka lona a ku namarhetiwe a woru la ku tenga.+
5 A makhumbi ya le ndzeni ya tempele leyi ya ku saseka a ma namarhete hi mapulangu ya minsinya ya yunipa, a tlhele a namarheta woru la ku tenga hintamu+ ka yindlo leyi a gama a yi sasekisa hi swifaniso swa minsinya ya mintxindzu+ ni swa machini.+
6 A namarhete maribye ya ku saseka ya lisima+ ka tempele; a woru+ leli a nga li tirhisa a li ta hi Paravhiyami.
7 A namarhete woru+ ka tempele, ka timhandzi ta ku tiyisa swa ku fulela hi swona, ka tinyanghwa ni ka makhumbi; a tlhela a yendla ni makerubu ka makhumbi.+
8 Kutani a yaka kwartu swaku li ta va Ndhawu Ya Ku Kwetsima Hintamu+ leli a li lehe 8,9 wa mametru* ku fana ni ku yanama ka tempele, a li yaname 8,9 wa mametru. A li namarhete hi woru lalinene leli a li peza 20.520 wa makilu.*+
9 A woru leli a li namarhetiwe ka swipikirhi a li peza 570 wa magrama;* makwartu lawa a ma li henhla, na wona a ma namarhete woru.
10 Kutani a yendla makerubu mambirhi ka Ndhawu Ya Ku Kwetsima Hintamu, a gama a ma namarheta woru.+
11 Timpapa hinkwatu ta makerubu+ a ti lehe kolomuyani ka 9 wa mametru; lipapa lin’we la kerubu la ku sungula a li lehe kolomuyani ka mametru mambirhi li tlhela li khumba khumbi la tempele, kasi lipapa lelin’wani a li lehe kolomuyani ka mametru mambirhi,* a li khumba lipapa la kerubu lelin’wani.
12 Lipapa la kerubu la wumbirhi a li lehe kolomuyani ka mametru mambirhi li tlhela li khumba khumbi la tempele, lipapa lelin’wani a li lehe kolomuyani ka mametru mambirhi funtshi a li khumba lipapa la kerubu lelin’wani.
13 Timpapa ta makerubu lawa a ti lehe kolomuyani ka 9 wa mametru; funtshi a ma nyime ma txuvuka Ndhawu Ya Ku Kwetsima.
14 A tlhele a hamba kortina+ hi linya la azuli ni la ku pshuka, mavoya ya ku pshuka ni panu ya ku vevuka, a tlhela a dezenyara* swifaniso swa makerubu ka lona.+
15 Se a yendla mapilari mambirhi+ phambheni ka tempele; mapilari lawa a ma lehe 15,6 wa mametru* funtshi xa ku sasekisa hi xona lexi a xi li henhla ka pilari lin’wani ni lin’wani a xi lehe 2,2 wa mametru.+
16 A tlhele a yendla machini ya ku fana ni makolari* lama vekiwaka ka nkolo a gama a ma veka ahenhla ka mapilari, a yendla ni 100 wa swifaniso swa ma romã, a swi namarheta ka machini.
17 A yake mapilari aphambheni ka tempele, lin’we a li li ka tlhelo la xinene kasi lelin’wani a li li ka tlhelo la ximatsi; leli a li li ka tlhelo la xinene a li chule swaku i Yakini,* kasi leli a li li ka tlhelo la ximatsi a li chule swaku i Bowazi.*
Tinhlamunselu ta le hansi
^ Kumbe: “Fundação la”.
^ Hi Xiheberu: “60 wa swisungunu”. Vona Xiyengetelo B14.
^ Hi Xiheberu: “20 wa swisungunu”. Vona Xiyengetelo B14.
^ Xisungunu xin’we a xi ni 44,5 wa masentimetru kambe van’wani va hlaya swaku mapimelo ya xikhale ma vula xisungunu xa ku leha lexi a xi ni 51,8 wa masentimetru. Vona Xiyengetelo B14.
^ A mapimelo ya kona a ma tiveki.
^ Hi Xiheberu: “20 wa swisungunu”. Vona Xiyengetelo B14.
^ Hi Xiheberu: “600 wa titalenta.” Vona Xiyengetelo B14.
^ Hi Xiheberu: “50 wa tixikele.” Vona Xiyengetelo B14.
^ Hi Xiheberu: “5 wa swisungunu”. Vona Xiyengetelo B14.
^ Kumbe: “ku bordara”.
^ Hi Xiheberu: “35 wa swisungunu”. Vona Xiyengetelo B14.
^ Kumbe: “ma cordão.”
^ Leswi vulaka swaku “(Yehovha) A A Hi Tiyisi”.
^ Swi nga yendleka swi vula swaku “Hi Matimba.”