Tikronika Ta Wumbirhi 33:1-25
33 Manasi+ a a ni 12 wa malembe nkama a nga va hosi funtshi a fume 55 wa malembe aYerusalema.+
2 A djohele Yehovha, a tlhela a tekelela mahanyelo ya ku nyenyentsa ya matiko lawa Yehovha a nga ma hlongola phambheni ka Vayisrayele.+
3 A tlhele a yaka tindhawu ta ku tlakuka ta ku gandzela ka tona leti papayi wa yena Hezekiya a a ti helisile,+ a yakele Bali maaltari, a tlhela a yendla ni timhandzi ta Axera,* a khizamele dlambu, n’weti ni tinyeleti a swi tirhela.+
4 A tlhele a yaka maaltari ka yindlo ya Yehovha,+ lani Yehovha a nga hlaya a ku: “Ni ta veka vito la mina aYerusalema hi nkama wa ku kala wu nga heli.”+
5 A yake maaltari a yakela dlambu, n’weti ni tinyeleti ka mikintari* yimbirhi ka yindlo ya Yehovha.+
6 A hise vana va yena hi ndzilu a yendla magandzelo hi vona+ ka Nkova wa N’wana wa Hinomi;+ a yendla masalamusi,+ a hlahluva, a yendla swa wuloyi ni ku tlhela a veka tinyanga ni vanhu va ku femba.+ A yendlele Yehovha swa ku biha ngopfu a za a mu kwatisa.
7 A teke xifaniso lexi a nga xi yendla, a xi veka ka yindlo leyi Xikwembu xa ntiyiso+ xi nga byela Davhida na Solomoni n’wana wa yena xi ku: “Ka yindlo leyi ni Yerusalema, ku nga doropa leli ni nga li langa ka tinxaka hinkwatu ta Israyele, ni ta veka vito la mina hi nkama wa ku kala wu nga heli.+
8 A ni nge he tlheli ni susa Vayisrayele va ya kule ni tiko leli ni nga nyika vavhovho va vona, loko va yendla hinkwaswu leswi ni nga va byela swona, va yingisa Nawu hinkwawu ni swiboho swa ku yavanyisa leswi Moxe a nga va byela swona.”
9 Manasi a tame a djohisa vanhu va Yuda ni va Yerusalema, va za va yendla swa ku biha hintamu ku tlula leswi a swi yendliwa hi vanhu va matiko lawa Yehovha a nga ma helisa nkama Vayisrayele va nga teka tiko la vona.+
10 Yehovha a a tshamela ku vulavula na Manasi ni vanhu va yena, kambe a va mu yingisanga.+
11 Se Yehovha a va khatisa hi ku tirhisa varhangeli va masonchwa ya hosi ya Asiriya, va khome Manasi hi swiyove va mu boha hi machini mambirhi ya kobre va mu yisa aBabilona.
12 Nkama a nga twa ku vava, a kombela Yehovha Xikwembu xa yena swaku a mu rivalela, kutani a tshamela ku tisola* hintamu ka Xikwembu xa vavhovho va yena.
13 A tame a khongela ka Xikwembu xi za Xikwembu xi khumbiwa hi xikombelo xa yena xi yingisa xikhongelo xa yena, kutani xi mu tlhelisela ka mfumu wa yena aYerusalema.+ Se Manasi a swi tiva swaku Yehovha i Xikwembu xa ntiyiso.+
14 Hi ku famba ka nkama Manasi a yake muru handle ka Doropa la Davhida+ hi ka tlhelo la wupeladlambu la Jiyoni+ ku sukela ka nkova anze ka Nyanghwa wa Tihlampfi,+ a wu famba anze wu ya fika aOfeli+ funtshi a wu lehile hintamu. A gama a veka varhangeli va masonchwa ka madoropa hinkwawu lawa ma nga ni mimuru ya ku tiya aYuda.
15 A gama a susa swikwembu swa matiko ni xifaniso lexi a xi li ka yindlo ya Yehovha+ ni maaltari hinkwawu lawa a nga ma yaka ka ntshava leyi yindlo ya Yehovha+ a yi yakiwe ka yona ni leswi a swi li Yerusalema, a swi txukumeta handle ka doropa.
16 A tlhele a lunghisa altari ya Yehovha,+ a sungula ku yendla magandzelo ya ku kombela ku rhula+ ni magandzelo ya ku khensa+ ka yona, kutani a byela Vayuda swaku va gandzela Yehovha Xikwembu xa Israyele.
17 Hambileswo, vanhu a va ha yendla magandzelo ka tindhawu ta ku tlakuka, kambe a va yendlela Yehovha Xikwembu xa vona ntsena.
18 Timhaka hinkwatu ta wutomi la Manasi, xikhongelo xa yena lexi a nga xi yendla ka Xikwembu xa yena, leswi nga hlayiwa hi lava va vonaka minchumu ya ku hlamalisa hi ndlela ya singita,* lava nga vulavula na yena na va rhumiwe hi Yehovha Xikwembu xa Israyele, swi tsaliwile lani ku vulavuliwaka hi wutomi la tihosi ta Israyele.
19 Kambe xikhongelo+ xa yena ni leswi xikombelo xa yena xi nga hlamulisiwa swona, swidjoho swa yena hinkwaswu ni leswi a nga tshikisa swona ku tirhela Xikwembu,+ lomu a nga yaka kona tindhawu ta ku tlakuka a gama a veka timhandzi ta Axera*+ ni swifaniso leswi a nga swi yendla na a nge se tisola, swi tsaliwile hi lava a va vona minchumu ya ku hlamalisa hi ndlela ya singita* va gama va mu byela.
20 Se Manasi a fa, a gama a lahliwa lani vavhovho va yena va nga lahliwa kona, va mu lahle kaya ka yena. Kutani Amoni n’wana wa yena a sungula ku fuma.+
21 Amoni+ a a ni 22 wa malembe nkama a nga va hosi, funtshi a fume malembe mambirhi aYerusalema.+
22 A tame a yendlela Yehovha swa ku biha, ku fana na Manasi papayi wa yena;+ Amoni a a gandzela swifaniso hinkwaswu leswi nga yendliwa hi Manasi papayi wa yena+ naswona a nga tshikanga ku swi gandzela.
23 Kambe a nga tisolanga* ka Yehovha+ ku fana ni leswi nga yendliwa hi Manasi papayi va yena;+ yena a djohe hintamu.
24 Vatirhi va Amoni va game va mu djikela,+ se va mu dlaya kaya ka yena.
25 Kambe vanhu va tiko va dlaye hinkwavu lava nga dlaya Hosi Amoni,+ va gama va veka Yosiya+ n’wana va yena swaku a va hosi.
Tinhlamunselu ta le hansi
^ Vona Ntlhamuselo.
^ Vona Ntlhamuselo.
^ Hi Xiheberu: “ku tiveka hansi”.
^ Hi Xiheberu: “lava a va tlhamusela swivono”.
^ Hi Xiheberu: “lava a va tlhamusela swivono”.
^ Vona Ntlhamuselo.
^ Hi Xiheberu: “a nga tivekanga hansi”.
