Vakorinto Va Wumbirhi 5:1-21
5 Hikusa ha swi tiva swaku hambiloko yindlo ya hina ya lani misaveni, ku nga tende leli, yi hahluka,+ Xikwembu xi ta hi nyika yindlo yin’wani leyi kalaka yi nga yakiwanga hi mavoko+ atilweni leyi nga ta tshama hi masiku.
2 Hikusa ha konya ka yindlo ya hina ya lani misaveni, na hi swi navela hintamu ku yambala yindlo ya hina ya le tilweni+
3 leswaku loko hi yi yambalile, hi nga kumiwi na hi nga yambalanga nchumu.
4 Phela hina lava hi nga ka tende leli ha konya hi tlhela hi karhateka, hikusa a hi swi lavi ku li hlivila kambe hi lava ku yambala lelin’wani,+ leswaku yindlo leyi faka yi pfaletiwa hi wutomi.+
5 Kutani lweyi a nga hi lunghiselela wutomi leli i Xikwembu,+ lexi nga hi nyika moya wa ku kwetsima swaku wu tiyisekisa leswi taka.+
6 Hi mhaka leyo hi tiya nhlana minkama hinkwayu na hi swi tiva swaku loko ha ha li ni kaya la hina ku nga muzimbha lowu, hi le kule ni Hosi,+
7 hikusa hi famba hi lipfumelo, ku nga li hi ku vona.
8 Kambe a hi chavi nchumu naswona ku navela ka hina i ku hambana ni muzimbha lowu, hi ya hanya ni Hosi.+
9 Hi mhaka leyo hambi hi hanya ni Hosi kumbe hi li kule na yona, hi yendla hinkwaswu swaku yi hi tsakela.
10 Hikusa hinkwerhu hi ta nyima phambheni ka xitshamu xa Kreste xa ku yavanyisa, leswaku mun’wani ni mun’wani a ta hakeliwa hi ku ya hi leswi a nga swi yendla loko a ha li ka muzimbha wa yena, swi nga ha va swaswinene kumbe swa ku biha.+
11 Se leswi hi swi tivaka swaku swi vula yini ku chava Hosi, hi tshamela ku kholwisa vanhu swaku va pfumela leswi hi va djondzisaka swona; kambe loko ku li hina, Xikwembu xi hi tiva kahle. Hambileswo, ni navela swaku lipfalu la n’wina li hi tiva kahle.
12 A hi swi lavi ku tlhela hi tidzunisa xikarhi ka n’wina kambe hi mi khongotela swaku mi tibuma hi hina, leswaku mi ta swi kota ku hlamula lava tibumaka hileswi va nga tshamisa xiswona hi le handle+ ku nga li hileswi nga mbilwini.
13 Hikusa loko hi hlanya+ hi hlanyela Xikwembu; loko hi tiva hi swi yendlela n’wina.
14 Lirhandzu la Kreste la hi kongomisa, hikusa leswi hi swi tivaka hi leswi: Munhu mun’we a fele vanhu hinkwavu;+ hi mhaka leyo hinkwavu va file.
15 Naswona a fele hinkwavu leswaku lava hanyaka va nga ha tihanyeli,+ kambe va hanyela lweyi a nga va fela a tlhela a pfuxiwa.
16 Kutani ku sukela swoswi a hi txuvuki vanhu hi ku ya hi leswi va nga tshamisa xiswona.+ Hambileswi van’wani va hina a hi vona Kreste hi ku ya hi leswi a a tshamise xiswona, swoswi a ha ha mu tivisi swona.+
17 Kutani loko munhu a li xikan’we na Kreste, a yendliwe hi Xikwembu.*+ Swilo swa khale swi hundzile; se ku ni swa nyuwani.
18 Kambe swilo hinkwaswu swi ta hi ka Xikwembu lexi nga yendla swaku hi tlhelelana na xona hi ku tirhisa Kreste,+ xi tlhela xi hi nyika ntirho wa ku pfuna van’wani swaku va tlhelelana na xona,+
19 leswi vulaka swaku Xikwembu xi yendle swaku misava yi tlhelelana na xona hi ku tirhisa Kreste,+ na xi nga na mhaka ni swidjoho swa yona+ naswona xi tlhele xi hi nyika ntirho wa ku byela van’wani swaku va nga tlhelelana na xona.+
20 Hi mhaka leyo, hi vanyimeli*+ lava pfaletaka Kreste,+ ingi hiloko Xikwembu xi tirhisa hina leswaku xi khongotela vanhu. Leswi hi pfaletaka Kreste, ha kombela hi li: “Tlhelelanani ni Xikwembu.”
21 Kreste a nga zanga a djoha,+ naswona Xikwembu xi mu nyikelile swaku a va gandzelo la swidjoho swa hina leswaku hi va va ku lulama ka Xikwembu hi mhaka ya yena.+
