Vatesalonika Va Wumbirhi 2:1-17
2 Se vamakwerhu, loko swi ta ka nkama wa ku vuya ka Hosi ya hina Yesu Kreste+ ni ku hlengeletiwa ka hina leswaku hi va na yena,+ ha mi kombela
2 leswaku mi nga hantli mi dungiwa tinhloko kumbe ku chavisiwa hi marito lama tikombaka ingaku ma ta hi ka Xikwembu,+ hi mahungu ya ku vuliwa hi nomo kumbe ya ku tsaliwa ka karta* leli tikombaka na li ta hi ka hina, na li vula swaku siku la Yehovha*+ li fikile.
3 Mi nga tshiki munhu a mi djikisa nikatsongo, hikusa a li nga ta fika siku leli na ku nge se humelela lava djikelaka Xikwembu*+ ni loko a nge se kombisiwa munhu wa ku biha,+ ku nga n’wana wa ku helisiwa.+
4 Munhu lweyi i mukaneti naswona wa titlakusa ka nchumu xin’wani ni xin’wani lexi vitaniwaka xikwembu kumbe nchumu lexi gandzeliwaka, lakakuva a tshama tempeleni ya Xikwembu na a tivula swaku hi yena xikwembu.
5 A mi khumbuki swaku nkama a ni li na n’wina a ni tshamela ku mi byela timhaka leti?
6 Kutani swoswi ma xi tiva lexi mu pfalelaka munhu lweyi, leswaku a ta paluxiwa hi nkama wa yena lowu faneleke.
7 Phela wubihi la yena leli nga xihundla se la tirha,+ kambe li ta tshama na li li xihundla anze lexi mu pfalelaka xi nga ha vi kona.
8 Se a ta gama a paluxiwa munhu lweyi, lweyi Hosi Yesu a nga ta mu dlaya hi marito ya matimba lama humaka ka nomo wa yena,+ a mu helisa+ hi nkama wa ku vuya ka yena.
9 Lexi nga ta yendla munhu lweyi wa ku biha a humelela, i matimba ya Sathana+ naswona a ta yendla masingita ya manyingi, swikombiso swa mavunhwa ni swilo swa ku hlamalisa,+
10 a tlhela a tirhisa tindlela hinkwatu ta ku biha ta wukanganyisi+ ka lava yaka ku helisiweni. Va ta khatisiwa hikusa a va wu rhandzanga ntiyiso leswaku va ta ponisiwa.
11 Hi yona mhaka leyi Xikwembu xi va tshikaka va kanganyisiwa hi djondzo ya mavunhwa leswaku va kholwa mavunhwa,+
12 leswaku hinkwavu va ta yavanyisiwa hikusa a va wu kholwanga ntiyiso kambe va tsakisiwe hi minchumu ya ku kala yi nga lulamanga.
13 Kambe swa hi fanela kuva hi khensa Xikwembu nkama ni nkama hi mhaka ya n’wina vamakwerhu lava rhandziwaka hi Yehovha,* hikusa hi mhaka ya lipfumelo la n’wina, Xikwembu xi mi langile ku sukela ku sunguleni+ leswaku mi ponisiwa hi ku mi kwetsimisa+ hi moya wa xona wa ku kwetsima.
14 Hi swoleswo xi nga mi vitanela swona hi mahungu ya ku tsakisa lawa hi ma chumayelaka, leswaku mi kuma ku dzuneka ku fana ni Hosi ya hina Yesu Kreste.+
15 Kutani vamakwerhu, nyimani mi tiya,+ mi tama mi khomelela ka timhaka leti hi nga mi djondzisa tona+ hi nomo kumbe hi karta.
16 Naswona hi khongelela swaku Hosi ya hina Yesu Kreste ni Xikwembu Papayi wa hina, lexi nga hi rhandza+ naswona xi hi tiyisaka hi masiku ni masiku ni ku hi nyika ntshembo wawunene+ hi ku tirhisa timpsalu ta xona tatikulu,
17 xi nga tiyisa timbilu ta n’wina ni ku mi tiyisa leswaku mi yendla ni ku vula minchumu yayinene.
Tinhlamunselu ta le hansi
^ Kumbe: “papila”.
^ Vona Xiyengetelo A5.
^ Hi Xigriki: “va ku duka”.
^ Vona Xiyengetelo A5.
